عم بلحق النجمات .. وبسابق الغيمات

[الهام بدوي]

عم بلحق النجمات وبسابق الغيمات


كلي أمل وحنين ساكن بقلبي سنين


بيفتش عليك


انت يا أحلى بلاد شو قاسية علي


حبك أغاني ولاد عم بيفرحوا بأعياد


وبيلبسوا ثيابن ...ممزوعة وعتيقة


وعيونن بتضحك ....لكن ملانة دموع


عن بكرة عم تسأل ...بحزن وقلب مفجوع


نحنا بأي بلاد؟؟


ولشو القمر زعلان.؟؟.. ما بيطلع علينا


بيجي بأي وقات ؟؟...نحنا مش صحابوا


ونحنا لشو قاعدين ؟؟...وبلادنا بعيدة... نحنا لشو ناطرين ؟؟


وشهداء ماتوا شباب... ما مسكوا منها تراب


عنها بكينا سنين... و كثير غنينا


ما بتسمع غناني ...من ستي من سيدي


وعمتي كمان بالدار عم تحكي عنها أشعار


شو صعبة يا غربة وكثير حراقة


بلدي يا حلوة كثير وكثير مشتاقة


نفسي لو إني يوم... تحملني هالنجمة


وهي تاخدني هونيك ...أسكن ببيارة


كان سيدي فيها زمان... يسكنها مع ستي


لكن عدو غدار اتفقوا مع جاري


قالوا لسيدي تعال.... ما نحنا أحبابك


هاجرمن بلادك قلبي على ولادك


عدوك الغدار ... وبيضربك بالنار


تعى لعنا طلاع .. وبقلبنا بنحطك


صدقهم سيدي وراح.... مفكرهم احبابوا


تاري الزمن غدار... عم يكشف نيابوا


صار سيدي عندن غريب.. وضعك صعب و عجيب


قالولوا ....يا لاجيء... ماتضل عنا هون ..وما ترجع بلادك


جنسية ما تاخد ...وبلادك انساها


ما في امل حتى ...في يوم تلقاها


وعنا ما في اشغال ... ودربك صعب قتال


لكن بغير سلاح ما .. تصير ارهابي


يا نجمة فهمتي شي ؟؟...تتفهمي حبابك


يمكن يجينا زمان ...ارحم من احبابي


بكرة قمرنا بطل ...وبتلحقوا النجمات ...وبيجي ياخدنا


شمس ونسيم وفي .... كلهم حبايبنا

وبترجع بلادي.... وبيضحك ولادي
بمناسبة بدء المدارس وعودة جميع المغتربين والمسافرين إلى بلادهم .. ونظل ننظر عودتنا ..

[ريمه الخاني]

نثر شعبي
سلمت يديك اخية ولاادري انى نصنفه
ننتظر المشرفين كذلك
اهلا بك دوما

[كاظم الفضلي]

الأديبة الهام بدوي .. شكراً لمرور وتعلق
السيدة أم فراس .. حداثة في بناء القصيدة
وتجديد متحرر من القوالب الجاهزة ورتابة
الصياغة الكلاسيكية المسماة في العراق خصوصاً
للشعر الشعبي ( الحسـ چه ) . تنسيق رائع وموسيقى
لقصيدة مغناة وكأنها من الحواتيت . انسجمت مع
الحدث للطفولة وتحقيق الرغبات .. شكراً أختي
الهام فكنت موفقة في أختيار الموضوع لذلك تستحق
هذه القصيدة الغناء معاً والتصفيق عالياً . تحيتي لكِ .

كاظم الفضلي

[الهام بدوي]

نثر شعبي
سلمت يديك اخية ولاادري اني نصنفه
ننتظر المشرفين كذلك
اهلا بك دوما

غاليتي ريمة شكرا لمرورك الكريم وأنى وضعتها شكرا لك ...

[الهام بدوي]

الأديبة الهام بدوي .. شكراً لمرور وتعلق

السيدة أم فراس .. حداثة في بناء القصيدة
وتجديد متحرر من القوالب الجاهزة ورتابة
الصياغة الكلاسيكية المسماة في العراق خصوصاً
للشعر الشعبي ( الحسـ چه ) . تنسيق رائع وموسيقى
لقصيدة مغناة وكأنها من الحواتيت . انسجمت مع
الحدث للطفولة وتحقيق الرغبات .. شكراً أختي
الهام فكنت موفقة في أختيار الموضوع لذلك تستحق
هذه القصيدة الغناء معاً والتصفيق عالياً . تحيتي لكِ .

كاظم الفضلي

غاليتي ..... سيدي اشكرك كثيرا على تعليقك و مرورك الكريم .. واعتز بتعليقك القيم ... شكرا مرة اخرى ...