حب على الطريقة الشامية!!

[أسامه الحموي]

قصيدة غزل من الشام ..
بس للي يعرف يقراها صح!


بحبك حب الشباك للبرداية ، بحبك حب الأرنبيط للكوساية ...!
>
بحبك حب الشلمونة للكولاية.. بحبك حب الطشت للكبجاية..!
>
بحبك حب الزيت النباتي للمئلاية.. بحبك حب الجرابات للصرماية .....!
>
لك بحبك حب سلاحف النينجا للبيتزاية ...!!!
>
يا ريت تكوني شخبرة .. وكون أنا المحاية...
>
يا ريت تكوني بريات .. وكون أنا البراية...
>
بحب ضحكتك يللي متل صوت المعزاية ....بحبك حب الدؤونة لللهاية...
>
بحبك حب المألمة للشنتاية ....
>
يا ريت تكوني عوجا وكون أنا العرباية...
>
يا ريت تكوني طربيزة… وكون أنا كنباية ....
>
يا مدلوئة حياتي وشعيبيات عمري ووربات بئشطة روحي ...
>
يا أحلى زبدية محلاية...
>
بحبك حب الريموت للتلفزيون... بحبك حب درفة الباب للمندلون..
>
بحبك حب بنت اختي الفصعونة للسبيس تون...
>
بحبك حب أبو السوم للطابة.. بحبك اذا كنتي متنحة أو حبابة..
>
بحبك حتى لو كان صوتك متل موتور الدبابة..
>
سمعيني شوي لحتى احكيلك الأصة...
>
نشالله ما يبلا هلطول.... متل عرئ الفول ...
>
لك يا ريت تكون معي هيكة كمشة بزر وأعطيكي نصا
>
بحبك حب منير الجبان لكلمة صباح الخير...
>
بحبك حب جهاد سعد لبرنامج خبرني يا طير...
>
لك بتسدئي ؟؟
>
بحبك حب جورج بوش لتوني بلير...شه....
>
بحبك حب الزلائط للمعؤوود....بحبك حب بيشو لأبو الفوود....
>
بحبك حب السعادين للقرود...
>
بحبك اذا كنتي ساكتة أو عم تحاكينا...
>
بحبك حب ابن اختي الفصعون لبوظة كارينا....بحبك حب البردآن ..
> للكرمنتينا ....!
>
حاجة بأه جننتينا!!!!!

[أديبه نشاوي]

إذا ركب تكسي طول الطريق عيونو عالعداد

...............................

الوحيد بالعالم الي بينزل من سيارتو ليعبي بنزين (حتى) لو كان عامل الكازية عم يعبيلو

.................................................. ................

لما بيسلم على شي حدا,بيسألو كيفك شي سبعطعشر مرة
كيفك؟؟؟
شو اخبارك؟؟؟؟
بس ما التلي كيفك؟؟؟؟؟؟
كيف صحتك؟؟؟؟؟؟؟؟
إي طمني كيف الشغل ؟؟؟؟؟؟؟؟؟؟؟؟؟؟؟؟
شو الأخبار؟؟؟؟؟؟؟؟؟؟؟؟؟؟؟؟؟؟؟
هلأ إيمك مني, انت كيفك؟ ؟؟؟؟؟؟؟؟؟؟؟؟؟؟؟؟؟؟

....................................

بيعرف كل المسؤولين و صحبة مع تلت رباعون

.........................................

لما بيتصل على شي برنامج مسابقات بيقول: ممكن شارك؟

........................................

ما بيكب شي،(مطربانات..كياس نايلو..علبة التانج..الجرايد....)

من مبدأ : إلا ما يلزموا

........................................

بيعرف بيكل الأمراض وبيقدر يعطيك أي وصفة طبية

.......................................

بيرفع صوته وهو عم يحكي مخابرة خارجية

...........................

بيضغط بقوة لما بتكون بطارية الريموت عم تمووووت وكأنه بتقواية الضغطة رح يشتغل أحسن

........................................

بيحط الريموت كنترول بكيس نايلو مشان ما يتغبر

..........................

لما بيرن موبايلو وهو بمطعم ما بيرد الا بعد ما تخلص الرنة ليفرجي العالم رنته الجديدة

.................................................

طول مو ئاعد بالمطعم او بالقهوة عم يفكر أديه بدي اترك بئشيش

............................................

بيساوي من البزاء مشروع

................................

لما بدو يلف على اليسار وهو عم يسوق بمد ايدوا من الشباك وبيكسر فورا واذا ما عجبك بينزل وبيطلع عليك بالعالي لانوا معه الحق

....................................

دائما بدو يغير موبايلو مع أنو بيكون مفلس وعم يشحد

.................................................

المواطن السوري هو اللي: وقت يخلص الحكي مع شخص هلأ قابله بيئلو :لك اهلين بفلان والله

.................................

الوحيد اللي مابيقول معاشو المزبوط لحدا ولا حتى لبيت حماه

.........................................

أد ما كان مبهدل ... بس يتصور بيشخص كأنو مخابرات

....................................

المواطن السوري بيعمل حالو فهيم بكل شي
بالتجارة
بالصناعة
بالحدادة
بالسيارات
وما عندو مانع يفتيلك أمور دينية من عندو في حال استشرتو بموضوع

...................................

بيخلي كل النايلونات عالموبايل لحتى تفتل وتتوسخ أو ليبيع الجهاز

.....................................

بيوقف شي نص ساعة عالباب بعد ما تنتهي الزيارة ... على سلامات وحكي فاضي

.......................................

.

.