سلمي

[شاكر صبري]

سلمي
بتحب ما متها ديوان شعر للأطفال
شاكر صبري
01119704937
أولا بالعامية
سلمي
سلمي تسلم دايما لينا
دي صورتها ساكنة ف عنينا
راح تكبر يوم وتهنينا
ضحكتها يا ناس بتكفينا
ولا عمرنا يوم راح ننساها
دا القعدة معاها يا محلاها
ولنفرح لو نبقي معاها
ويا رب الفرحة تغطيها
دا ميلادها وقت لثورتنا
مع سلمي كان حريتنا
ومعاها تكمل سعادتنا
ويا رب تبارك خطاويها
تحميها من عين حسادها
وتزود دايما اعيادها
وتكثر ف الخير امجادها
راح تبقي منارة لبلادها
وتحقق دايما امانيها
ويا رب تبارك لنا فيها
وتزود في الخير مساعيها
*****************
اخو فرقع لوز
اخو فرقع لوز قنفد وعجوز
ويموت في اللوز ولا يضحكشي
عصبي ومكار كذاب فشار
وكلامه هزار ولا ينصحشي
وقع ف الناس عامل فلحاس
لكن ترباس مابيفهامشي
كل الاصحاب وياه ف عذاب
صعب وكذاب ما بيرحمشي
جه مرة يجرب وف غيره يكهرب
من جهله اتعذب ما بيسلمشي
عاد مكره عليه شمت اعاديه
ناره بتكويه ليه ما اندمشي
عاش ف قناعة عرف الطاعة
صلي جماعة بالخير يمشي
قال دي الوقت انت وانت
اخوي واختي ما تطنشي
ونصح روحه ينسي جموحه
ردد دايما اوعي تغشي
***********
لازم
لازم تجري وتمشي كثير
بعد ما تاكل اجري يا فيل
اجري اتحرك ابقي جميل
تبقي نشيط لك عمر طويل
والكسلان ما هيلقاش بركة
علشان عمره ما حب الحركة
امشي اتحرك ارمي الشيكة
تبقي نشيط وما لكشي مثيل
اغسل بعد الاكل اسنانك
يا اللا اتحرك هز ودانك
اوعاك بس تنام ف مكانك
خلي الشحم يخف يسيل
دا الكسلان هيعيش ف ملل
ولا تلقاهشي نجح ف عمب
ولا تلقاش عنده امل
يا اللا اتحرك شد الحيل
**************
سلمي
سلمي بتحب مامتها
سلمي بتحب خالتها
سلمي بتحب نينتها
وكمان راح تسمع حكايتها
&&
سلمي هادية وشطورة
وكمان دلوعة وامورة
وكمان راح تجري ورا الكورة
وتقول لنا عا الارنبة بطة
وتحب تلخبط ف الشنطة
وبتاخد خبطة وراها خبطة
ووبتكسر ليه السبورة
سلمي هتكون دكتورة
وهتبقي عظيمة ومشهورة
علي حسادها تكون منصورة
ويا رب يكتر ضحكتها
ويزود عا الناس طلتها
ويفرح وياها اخواتها
******************
روحي يا سلمي
روحي يا سلمي الله يخليكي
لينا يبارك ربنا فيك
ولمصر بلدنا يخليك
جواك اخلاص لبلادي
راح تبقي منارة علي الوادي
ويا رب يحطم اعاديك
مش هيحبك الا الصادق
ولا هيخونك الا الفاسق
دا انت علامة لحب الخالق
ويا رب يا سلمي يخليك
ويحقق في الخير امانيك
راح تسلمي من عين اعاديكي
&&&&&&&&&&&
صقفوا له
صقفوا له صقفوا له
صقفوا له وياللا قولوا
بقلوبكم دايما بصوا له
بالفرحة الحلوة وغنوا له
صقفوا للواد الشاطر
اللي يحب لدرسه يذاكر
اللي بيفضل دايما فاكر
والجايزة الحلوة هتدولوا
صقفوا للمخلص ليكم
اللي بقلبه بيحييكم
اللي بروحه راح يرضيكم
والشطار اصحابه يجولوا
صقفوا له صقفة كبيرة
صقفوا علي حسن السيرة
ولا عمره يشوف التكشيرة
والناس بقلوبها يباركوا له
صقفوا له صقفوا له
**************
عيدا الاضحي
عيدنا يا عيدنا يا عيد الاضحي
ياللي عنيك للعالم واضحة
وبتهدي لنا شموع الفرحة
وبنرمي الايام الجارحة
ورجعنا نزور البستان
و لقينا هناك الكروان
وسمعنا اجمل الحان وكإننا قاعدين في الفسحة
عيدنا يا عيدنا يا عيد الشمس
يومك بهجة وراحة النفس
وقدومك تطهير للفس
ولا غيرك يا حبيبنا وبس
وهنبدا من اول صفحة
نستناك ايام وشهور وملايكة في السما بتزور
وف ايدك قناديل النور بستان خير مليان بزهور
وتجارتك للعالم رابحة
عدي علينا من الفجرية
قول لنا اقعد انت وهيا
بعد ما نخلص م التصحية
راح تبدا ايامنا الجاية
ونقابلك بوشوشنا السمحة
وهنمسك قناديل الفرحة
عيدنا يا عيدنا يا اجمل فرحة
×××××××××××××××××××
انا جاي
انا جاي للدنيا وكلي امل
اني ابقي مفيد لبلادي بطل
انا جاي وف قلبي شموع لعمل
انا كلي يقين وسماح ووضوح
انا عندي عزيمة مالية الروح
انا روحي بتبني مهما تروح
انا عمري ما اركع مهما حصل
انا كلي عزيمة وكلي ايمان
اني املي بلادي بكل امان
اني امحي الزور وانفي الطغيان
اني اصنع من اخلاصي جبل
انا مهما تكون جنبي الاشواك
هاصرخ وهاقول انا اصلي ملاك
وقول يا الاهي انا مالي سواك
راح انسي الهم وكل علل
انا جاي للدنيا وكلي أمل
***********************
أكرم العنيد
أكرم يا سلام علي أحواله
العند طبيعته وترحاله
يلعب في الراديو وف التليفون
بيقول دي صناعته ومجاله
وباباه قال له إياك تلعب
اوعي تجرب اوعي تخرب
رد وقال له طبعا ماله
قام عاند قام جرب وحده
ونسي مع بابا ف يوم وعده
وساعتها اتحرر من عهده
ويا ناس قوموا شوفوا اللي جرا له
اتكهرب واتحرق الراديو
والناس علي أكرم بقوا يجروا
وما كانش ده يخطر بخياله
وساعتها احتاس آخر حوسة
والدنيا معاه صبحت كوسة
ولاموه علي راسه الملحوسة
بعدما كان يستاهل بوسة
وساعتها اتزلزل زلزاله
والكل لاموه علي إهماله
وكلام الناس ولا علي باله
دي الوقتي شوفوه بيطيع لأبوه
والناس حبوه آه يا جماله
**
يا سلام علي طيبته وإحساسه
وكمان علي صدقه وإخلاصه
ف الجد بيظهر بحماسه
والحكمة بتسبق أعماله
والكلمة الحلوة بتحلي له
&&&&&&&&&&&&&
اللي ما كا ن
اللي ما كان حدش بيعوزه
ليه قاعد بيمد ف بوزه
وبيندب دايما ف حظوظه
وبيحسد كل اللي يفوزوا
واهو قاعد فاتح مناخيره
وبيحسد الخير مع غيره
ولا كان عمره بيصحي ضميره
بيغيظنا ولا حد يغيظه
ساعة الضيق يعمل لنا قفلة
لو نحتاجه نشوفه ف غفلة
راح يكسر ورا بعده القلة
اللي يكون ماسك ارابيزه
ف التوقيع اكبر فنان
شايف نفسه ملان بحنان
سيرة الغير ف لسانه لبان
وبتوقيعه يمد نفوذه
ولاحدش ف الدنيا عزيزه
غير نفسه هو واراجوزه
ولا حدش مننا هيعوزه
&&&&&&&&&&&&&
جنود الحق
لما تكون دايما عا الحق
سيب الشر جنابه تطق
سيب الكلب يلم اصحابه
يتجمع حواليه احبابه
ويلوث بالدنيا لعابه
ولعجلاتك اجري وزق
اصل الحق طريقه عسير
اعداؤه ما لهومش ضمير
بيفكروا ف خرابه كثير
ولا كان ليهم قلب يدق
يحقدوا دايما عا الاخلاص
عايزين يشرب منهم كاس
منهم ما بنلقاش اخلاص
اوعاك يوم ان قالوا تدق
خليك صامد ضد الريح
اوعي تنخ واوعي تسيح
مهما تكون ف الدنيا جريح
ليهم انطق كلمة لأ
&&&&&&&
البنت سوسة
البنت سوسة
دايما منحوسة
في الشارع تمشي ومعاها عروسة
تقع ومامتها تفضل مفروسة
والواد سعيد جامد وعنيد
دايما بيعيط وبيجري بعيد
ويشد المعزة ومعاه فريد
والبنت سمية دايما نكدية
تقعد تطنطط وتحب تلخبط
عا الحيطة تشخبط وتزق سعيد
***************
علي مين علي مين
علي مين علي مين
عاملة شاطرة يا حنين
دا احنا فاهمين كل حاجة
واحنا لعمايلك حاسين
دا بنفهمها وهيا طايرة
دا احنا ناس فاهمة ودايرة
ومعانا راح تفضلي حايرة
علشان ليك احنا العارفين
علي مين علي مين
عاملة شاطرة يا حنين
*************************

يا حنونة
يا حنونة اخواتك ضربونا
خلونا بنجري وزقونا
من فروة راسنا وشدونا
ورجعوا تاني وشتمونا
يا حنونة اخواتك ضربونا
ما عملناش آه اي اساءة
ولا كلمة جارحة ولا بذاءة
وقلوبنا مليانة براءة
لكن جم فجاة وشتمونا
يا حنونة اخواتك ضربونا
هزونا اخواتك خذلاونا
واتجمعوا يومها وهانونا
لكن اصحابنا نصفونا
***********ا
بعد العشا
بعد العشا بعد العشا
تلقي قلوبنا منعنشة
تلقانا صحبة مفرفشة
يحلي الكلام والفرفشة
صحبتنا ديا كويسة
عا الحب يوم متاسسة
لو عينا لحظة منعوسة
تلقاها قاعدة مدندشة
نقرا الكتاب نمسك قلم
ننسي الصعاب نرمي الالم
تلقي السعادة والنعم
ف قلوبنا فرحة معششة
مع كل ده تلقي النظام
والصحبة يجمعها الوئام
والصدق ويا الاحترام
ولا ودن فينا مطنشة
بعد العشا بعد العشا
******************
الشاطرة بسبسة
الشاطرة بسبسة اسنانها مسوسة
وهدومها ملحوسة وجيوبها مفلسة
وتقول انا بنت شاطرة انا بنت كويسه
وتقول انا نفسي ابقي لبلادي مهندسة
ضحكوا عليها التلامذة ولا بطلوا مالسة
&
والبنت مستكة مكارة مسهوكة
تعشق للغيرة دايما وتموت ف الفبركة
تايهة وملعبكة ولما الابلة تسال
تلقاها مشبكة وتموت ف الدربكة
والبنت مشمشة ناصحة ومخربشة
ونشيطة منعنشة لكن ف الفصل تايهة
للابلة مطنشة
والبنت لبلبة هادية ومؤدبة
وحاجتها مرتبة دايما بتحب تقرا
وتموت م الكهربا
والشاطر حندقوق الناس عايزاه يفوق
دايما باصص لفوق نايم علي نفسه برضك
ولا تلقي عنده ذوق
**************
خالي المتولي
خالي المتولي بيصوم ويصلي
دايما بيقولي اقرا القران
انا خالي المسلم لله بيسلم
بالخير يتكلم رمز الاحسان
خالي الانسان مليان بحنان
تلقاه سلطان عبد الرحمن
خالي يا غالي مكانك عالي
في القلب يا خالي لك اعلي مكان
خالي معروف بالخير موصوف
بالبسمة يطوف نحو الاخوان
خالي استاذي ف الازمة ملاذي
باهديه انجازي والحب كمان
النور اراضيه ربنا يرضيه
ويبارك فيه ويعيش فرحان
***********
انا مسلم انا
انا مسلم انا انا كلي مني
انا رمز الهنا انا بعت الدنا
انا مسلم انا
انا ديني الحنيف انا مسلم حصيف
انا طيب شريف انا ضد الخنا
انا مسلم انا
خوفي كان م الاله عمري ما اخاف سواه
لاجله بعت الحياة والصدق ف طبعنا
سندي كان للضعيف وانا قلبي دام نظيف
واحارب كل زيف والجنة قصدنا
عمر ما نركع لمال ونحارب في الصلال
والظلم يشوف زوال والرحمة عندنا
انا مسلم حنون انا طيب باصون
والغدر يشوف جنون اخلاصنا لربنا
انا مسلم كريم انا صافي وحليم
انا عبد الرحيم انا مسلم انا
***********
احمد ومحمدوسميرة
لازقين مع سامح بالغيرة
عاملين ناصحين رايحين جايين
اكلين شاربين مع سامح مع طانط اميرة
يكسروا اقلامه والوانه
يكسروا ف هزارهم اسنانه
واهو سامح يتجن جنانه
بسماحته راح ينسي السيرة
ياكلوا بسكوته وحلاوته
ويقولوا يا جماله ويا حلاوته
لو سامح راح يشكي لمامته
بتقول له علشان الجيرة
ويقولوا يا حبيبنا يا قريبنا
دا بعادك كان بيعذبنا
وف بعدك راح تشقي قلوبنا
ومعاك راح نتصور صورة
قام قال من شال شنطتي عني
أصل انا عيان مين يعاوني
ما لقاش ولا واحد من دولا
وسابوه في الحيرة بيغني
وساعتها اتعلم ما يكلم
ولا واحد منهم ويسلم
ومعاهم اصبح بيبلم
ف الوش تبان التكشسرة
وعرف اصحابه اللي يساندوه
واختار الناس اللي يحبوه
ف الازمة بس يبان له اخوه
مش يلقي اصحاب خاينين عيرة
&&&&&&&&&
اسعد واخوه
اسعد واخوه الناس كرهوه
بعد اللي شافوه من تعقيده
بيثور ويدور زي المغرور
ويفور ويخور يرمي وعوده
وأخوه محروس دايما منحوس
عا الغير بيدوس زي عبيده
وزمان كان عاشق للفوضي
دايما يكسر حاجة الروضة
ويجاوب دايما بالشدة مش هيفيده
بيشوط ويطيح وكلامه قبيح
وما كانش مريح ينسي نشيده
يتمالس علي طانط سميحة
ألفاظه في السب قبيحة
ويزفوا الطيب بصفيحة بعد بروده
الناظر أكلهم علقة
في طابور المدرسة في الزنقة
علمهم ايه طعم الحرقة للخير عودوا
اسعد دي الوقت بقي مثالي
عايز يبقي هناك في العالي
بقي متواضع مش متعالي
وظهر جوده
أصحابهم قالوا احبابنا
أسماءهم طايرة علي قلوبنا
والقلب الطيب دوبنا رب يزيده
&&&&&&&&&&&77
المية
المية سرسوبها بسيط
وانا باخبط راسي في الحيط
وانا جاري كان عنده ماتور
وبتطلع علي اخر دور
علي صوت المية انا صحيت
لا انا قادر انا اغسل وشي
ولا قادر للمدرسة امشي
واصحابي في البيت التاني
بيرشوا المية علي وشي
المية عننا محبوسة
واحنا احتاسنا اخر جوسة
قاعدين بنقشر ف الكوسة
من واحد تافه وغتيت
وادا واحد ساب الحنفية
بتنزل خرطوم المية
ولا خايف م الناس التانية
وساعتها يا ناس اتجنيت
يا اللي تبذر يا اللي تدمر
ف بلادك همك راح يكثر
وساعتها تقعد تتحسر
ويا ريتك للناس حبيت
ويا ريتك أبدا حسيت
&&&&&&&&7
المتكبر
احسن شئ للعالم موتك
مش هارتاح الا مع سكوتك
مش عايز اعرف جبروتك
ياللي ما تعرف حق الصاحب
ولاخوانك تجري تشاغب
عامل قلب الكل تجارب
و لا شيء كان منك بيفوتك
ياللي ما ترضي بقول الحق
وف افراحنا بنسمع لا
ولا كان قلبك ينشق
وبتعبد وحدك ملكوتك
باكره عينك من قساوتها
من ضحكتها من نظرتها
مش عايز اعرف بسمتها
ولا نفسي اني اسمع صوتك
مالك صار لاصحاب الحب
اما الصادق يلقي الكرب
وف زنقتنا نشوفك صلب
في الحيرة ما بنسمع صوتك
************************
راغب ماله
راغب ماله ما عادشي يود
رحنا نشوفه نسينا البعد
قمنا سالنا ماما قالت لي
تاة ولا عادشي علينا يرد
طول الليل عا الانترنت
قاعد يرغي كثير ويلت
يعمل شات مع واد او بنت
وساعات تجري وهو يعد
بقي ينسي اصحابه واحبابه
حتي كمان ما عرفشي كتابه
علي نفسه بقي يقفل بابه
ويقول انا تعبان وباكد
ينسي الاكل وينسي حياته
حتي كمان بقي ينسي اخواته
ولا بيفكر الا ف شاته
يقي ويانا يا ناس في الضد
قمنا فصلنا النت عليه
الا ساعات ف اليوم تلاقيه
علشان يرجع عقله اليه
رجع العقل ورجع الرشد
بقي دي الوقتي طريقه المجد
ولا عاد ينسي ويهجر حد
&&&&&&&&&&&&&
البنت نوسة
البنت نوسة مالها ايه بس اللي جري لها
ما عادتشي بتيجي لينا ما عدتش تحب خالها
لو كانت لينا قالت ما كانتشي عنا مالت
ولا كان في القلب شالت من احمد لو زعلها
دا نوسة حتة منا في قلوبنا بتقاسمنا
نفرح لما تشاغلنا في البيت مفيش مثالها
وجيرنا بيحبوها عايزين دايما يشوفوها
منهم واحدة حسبوها وبيمدحوا ف جمالها
يا نوسة يا محروسة تستاهلي احلي بوسة
عايزينك تبقي عروسة ونشوف كمان عيالها
ليه يا احمد بتعاندها خليتها تكون واحدها
احسن يوم ما تساعدها طب ليه بس تبرجلها
تقعد في البيت حزينة ونقول مالها المسكينة
ولا بتردش علينا وتقول قاعدة في حالها
واتاسف ليها يا احمد دا الكل لنوسة يشهد
وقلوبنا معاها تسعد يسعدنا ف يوم وصالها
*****************
اللي حياته كسل
اللي حياته كسل ف كسل
عمره ما غار ولا عنده خجل
ويقول حلو وطعمه عسل
ولا لو طموح ولا تلقي عمل
بيحب الراحة والنوم
ولا عمره بيصده اللوم
و لا علي شيء تلقاه مهموم
ويقول خاضع للمقسوم
ولا بيثور ولا عنده زعل
اللي اختار يحلم وينام
ويعيش ويا سراب و ضلام
وبيسرح ويا الاوهام
مش هتفيده مهما حصل
سيب الدنيا تعلم فيه
لما جراح النار تكويه
لما تخيب دايما امانيه
يبقي ساعتها عنده امل
&&&&&&&&&&&&
ياللي تقضي
يا اللي تقضي حياتك نوم
هتعيش م الامجاد محروم
ولا تشعر بحلاوة الدنيا
في الاخر هتعيش مهموم
الدنيا ما تحلا الا بجد
ومفيش ليك من نومك بد
بالبركة حياتك تتمد
بس يا ريت في ميعادك قوم
اتحرك وابحث عا الخير
تلقي الخير جايلك بكثير
من ربك تلقي التدبير
والكسلان هيعيش مخموم
لما تكون دايما وخمان
تتاوب وتكون كسلان
راح تبقي صديق الحرمان
ولا عمرك راح تفرح يوم
يا اللا يا صاحبي صحصح قوم
اوعي تقضي حياتك نوم
&&&&&&&&&&&
لو تكون
لو تكون في الكون ذليل
لو تعيش من غير دليل
فيك جراح ما لهاش مثيل
تلقي مع ربك سبيل
ربك الرحمن كريم
بيك وبالانسان رحيم
بالالم دايما عليم
خلي دمعك ليه يسيل
تلقي بعد الياس نور
يتقلب همك سرور
والسعادة في الشعور
حتي لو رزقك قليل
بس مع ثقتك ف ربك
تلقي نورك وسط دربك
تلقي فرحك بعد كربك
هو شرقك هو غربك
مش هتعرف مستحيل
املي قلبك بالهيام
ويا ربك بالسلام
تلقي نور وسط الظلام
تلقي كل الكون وئام
يبتسم قلب العليل
&&&&&&&&&&&&&&&&&&&&
لو نحس ببعضنا
لو نحس ببعضنا لو نخاف علي جرحنا
لو نصفي قلبنا وقلوبنا تبقي حنينة
تلقانا وسط النار اسود نبني الامل نلقي الوعود
والرحمة بعد الخوف تسود والحزن يبعد عننا
مهما تكون صعبة الظروف بالحب نكسر كل خوف
ننسي الظلام للنور نشوف بادينا نمسح دمعنا
تلفي الهموم متبعثرة والحيرة تبفي مكسرة
ارواحنا تبقي منورة ارض المحبة تلمنا
لو نحب الخير لبعض لو نكسر اي سد
لو نحطم كل حقد تلقانا واحد كلنا
والبركة تكتر عندنا ولا شيء يفرق جمعنا
***************************
راندا
راندا الشقية الاولة عملت اجمل مشكلة
عملت لي اصعب مسالة بصراحة كانت معضلة
اتريها عارفة حلها جابت معاها اختها
واصحابها قال اشرح لها
اتريها صعبة ملعبكة واديا فيها مشبكة
وبقيت في اخر دربكة خلت اديا مزلزلة
راندا تحب المعرفة شاطورة هادية مثقفة
علي علمها متلهفة علي رزقها مستعجلة
بتحب تعرف كل شيء وتعرفه برضه الصديق
وقلبها صافي وجريء لكن سنانها مخلخلة
في العلم ما بتعرفشي خوف تعرف وتتحدي الظروف
تسمع كمان وتروح تشوف وعنيها صاحية مفنجلة
وجميلة برضه مؤدبة شاطرة لطيفة مهذبة
من قلب صادق طيبة وف كل شيء مستحملة
ولا حد يعرف سرها الا باباها و وامها
وتخاف كثير علي اختها وبنفسها متكفلة
%%%%%%%%%%%
علشان انا
علشان انا اسلامي صحيح مش راح اخضع ويا الريح
مهما اكون تعبان وجريح ولاني باسلامي صريح
علشان ايه يكرهوا اسلامي ممكن اكون خاين وحرامي
زي الغير عايش في ضلامي ااقدر اكون تافه وقبيح
بس انا عندي مبدئي ديني هو سلاحي وهو يقيني
وانا ربي هوا اللي حاميني وانا اسلامي دخل تكويني
وانا في الظلم واهله باطيح
مهما يقولوا انا مش هاركع وانا لطريق الحق راح اسمع
ولا لشيطان او حاقد اسمع ولا من نار الجهل باسيح
مهما يا اهل الغدر تزيدوا انا قلبي عامر بنشيده
وانا قلبي عاشق توحيده ولا غيري لاخلاصي يزيح
عمري ما هانسي حبي لربي دا انا اسلامي ساكن قلبي
من غدر الخاينين كان حسبي وانا انسان مرتاح ومريح
علشان كده اسلامي صحيح
%%%%%%%%%%%%%%%5
رويدا
يا رويدا يا سكرة يا شمعة منورة
يا بسمة معطرة ولاهلك مفخرة
يا رويدا يا جريئة اجمل طفلة بريئة
الطف نسمة رقيقة بمشاعر طاهرة
يا رويدا يا منارة ياخبيرة في الادارة
بصراحة وبشطارة تشهد لك كل جارة
علي خبرة مبهرة
يا رويدا يا علامة للعزة وللكرامة
يا بسمة وابتسامة يا اجمل جوهرة
يا رحمة للفقير يا صورة لكل خير
يا بصمة للضمير وبروحك مبصرة
لو هلت عا المكان تملاها بركة وحنان
تمسح قسوة وهوان عن غيرها معبرة
في دروسها مستقيمة مع اخواتها كريمة
عاقلة وراكزة وحكيمة في نظامها ساحرة
يا شجرة مثمرة ياحتة سكرة
&&&&&&&&&&&&&&&&
الشاطرة بسنت
مين راح يعرف الشاطرة بسنت
في المدرسة عندنا احسن بنت
طول عمرها بتحافظ عا الوقت
ولا زيها تلتقي مهما عرفت
&
بتجاوب من اول مرة
وف راسها اكثر من فكرة
بتحب الفراش والناظرة
وتقول نفسي ابني لبكرة
علشان اخواني انا اتعلمت
**
بتحب بلادها حب كبير
وتقول دا بلدنا نبع الخير
اتعلم علشان ابنيها
واسعد ابناءها وارضيها
دا بلدنا المولي حاميها
وعشانها بنبدأ في التعمير
&&&
وتقول انا راح ابقي طبيبة
وامسح انات قاسية رهيبة
و بتسمع للكل قريبة
من حبها للناس اتعجبت
**
وبسنت البنت المثالية
رمز الاخلاص والتضحية
رمز الاحسان والوطنية
بتقول انا عاشقة الحرية
مش راح انساها مهما وصلت
&
هاسعي اني اعمر ف بلادي
بحياتي بوقتي وبجهادي
وافرح بلدي بامجادي
مش يوم هاتغير مهما سهرت
***************
احمد وصاحبه مصطفي
احمد وصاحبه مصطفي متلهفين عا المعرفة
عاملين مسابقة في القراءة ويا قلوب متشوفة
اما سعاد تسمع لهم دايما تقرب منهم
من قلبها بتحبهم ولو تشوفهم زعلانين
كانت تقرب جمعهم
يتقابلوا دايما كل يوم ولبعض بيقولوا الجديد
واللي ما جابشي اي شيء يقضي يومه مش سعيد
وماما عارفة كل شيء وتمدهم بالنور اكيد
وف الصحافة تلتقاهم كل يوم جايبين جديد
وف الاذاعة تلتقاهم كل يوم راح يبدعوا
والكل فرحان بالتسابق بالجديد يستمتعوا
بيزيدوا ويزيدوا كمان وكل يوم راح يلمعوا
عايزين يكونوا حاجة حلوة ولبلدهم ينفعوا
دي الوقت بقي احمد مذيع الناس اليه راح يسمعوا
ومصطفي صحفي كبير الشر باديه يمنعوا
وسعاد بقت ف الجامعة استاذة بتكتب عنهم
عن ذكرياتهم في الطفولة وهيا عايشة ف ظلهم
واتعلمت منهم كثير وهي واحدة منهم
*******************
البنت نور هي وسماح
البنت نور هي وسماح قابلوا عبير ف المدرسة
لقيوا معاها كراسات ليهم ولقيوا المنقلة
ندهوا علي اخوهم شريف خلوا حياتها مدهولة
صاحبتها قالت للصحاب قاموا بهدلوهم بهدلة
اما الخبر ذاع وانتشر عرف الجميع اللي حصل
الابلة ندهت عا الجميع عشان تحقق بالفكر
قالت لنور ليه تظلمي عبير لقت تحت الشجر
وقالت لي يومها وشفتها وعايزة تفاجئكم بها
عرفت سماح ومعاها نور قالوا غلط ووقعنا فيه
من قبل ما نظلم بريء لازم كمان نسمع اليه
الظلم بيخليك غريق وربنا شاهد عليه
اتاسفوا واتندموا والكل بيحرك اديه
والكل فكر في الكلام والدمعة نزلت من عنيه
وقبل ما يسيبوا الكلام باسوا ف راسهم كلهم
عاش الجميع بالاحترام بقيت محبة ف قلبهم
وكمان شريف لما كبر راح بعدها اتجوز عبير
وقالوا سبحان الكريم لعل بعد الشر خير
لازم نامن بالقضاء وبامر مولانا الخبير
^^^^^^^^^^^^^^^^^^^^^
اختي وفاء
اختي وفاء المؤمنة راضية كمان مطمنة
هيا وتوأمها مني نالوا جميعا حبنا
ولا يوم بتخلف وعدها والحب ساكن قلبها
والكل راح ينظر لها يلقي السماحة الساكنة
فيها الهدوء ويا السلام وجه بشوش حسن الكلام
تلقي معاني الاحترام بكلام مهذب لينة
واللي عرفها حبها يدعو لابوها وامها
والكل راح يسمع لها وبالتواصل فاتنة
اختي وفاء هي الوفاء في عينها تفرح بالصفاء
وف قلبها تلقي النقاء وجارها راح يلقي الهنا
ف الكل راح تبعث امل وتحس علي حب العمل
ف الحق ما بتعرف خجل ولا يوم تكون متلونة
تلقي العجوز تاخد اديه اما الفقير تعطف عليه
واللي غلط راح تدعي ليه ارزقنا رب كلنا
الحكمة والخير والمني
ضد الجشع ضد الطمع وف قلبها تلقي الورع
ولا خيرها عن غيرها امتنع وللقراءة مدمنة
وعلمت كل الجيران الصبر والاخلاص كمان
ومعاها شعروا بالحنان وف الدروس متمكنة
واللي غلط راح تنصحه وقبلها ليه تفتحه
ولا عمرها يوم تجرحه مع كل ده مش هينة
&&&&&&&&&&&&&&&&
حدش يعرف لي غادة
حدش يعرف لي غادة رمز كبير للارادة
ف الجد تنول شهادة وبتقوى كل ماده
النجم هتسبقه وهدفها تحققه
وشيطانها هتحرقه عمرها ما تصدقه
دايما متاكدة صدوقه وصامدة
بتفهم كل حاجة افكار متعددة
اما اللي يغيروا منها يقولوا معقدة
وهى بسيطه خالص ومش متشددة
البنت الحلوه غادة رمز جميل للارادة
ولا يوم تنسى العبادة ومعاها تنول سعادة
شاطرة ومتكلمة من روحها الملهمة
وف بيتها منظمة ولغيرها معلمة
دا البنت الشاطرة منبع للخير والمرحمة
والشاطرة غادة دايما لله مستسلمة
وخمارها ما تسيبوش ولا تسمع للوحوش
والجاهل ما تلوموش للخير متقدمة
ده الشاطرة غادة صوره للبنت المسلمة
^^^^^^^^^^^^^^^
مريم
مريم عاشقة البلكونة تقعد صافية وموزونة
ام لاخواتها حنونة بتساعد ماما كتير
وحاجتها بالتوقيت شاطره فى ترتيب البيت
وبتحكى لهم حواديت ولا تغضب ولا بتغير
وبتعزم طنط صفاء مع رشا ونور ووفاء
وتعلم طنط رجاء انها تعطف عا الغير
مريم بتحب سعاد بتقابلوا مع الاولاد
يزوروها ف الاعياد احمد وحنان ومنير
بتصلى مع جدتها تسمع منها حكايتها
ترجع وترتب بيتها تتعلم منها عبير
الكل عليها اتعود لا بتنقص ولا بتزود
ولمريم كله بيشهد بالحكمه وبالتدبير
مريم تروى البستان وكمان تسقى العطشان
والبيت بالخير مليان ولمريم قلب كبير
وتسهل كل عسير نالت اكبر تقدير
^^^^^^^^
مريم
مريم يا مستقيمة يا عاقلة يا حكيمة
يا طيبة ورحيمة يا بنت الطيبين
يا بلسم للجراح يا نور شمس الصباح
يا واحة للسماح يا تاج فوق الجبين
دايما بتصلي تصومي وطول الليل بتقومي
وعلي الاخلاص بتدومي ويا ريت منك متين
بترقي للالم يا ساحة للكرم
يا شجرة للنغم يا ام المخلصين
&&&&&&&&&&&&&
الشاطرة هالة
الناس بتحب هالة وهالة تبقي مين
دي هالة بنت شاطرة وحبيبة الملايين
وهالة اخت رانيا بنت الناس الصالحين
بتعطف عالغلابة تحب المساكين
وتقول هابقي طبيبة اداوي المكروبين
وتقول هابقي قريبة للناس المحتاجين
وهالة بنت غالية لكل الموجودين
هالة ف الفصل شاطرة اخت لكل التلاميذ
والخايب راح تشرح له ببساطة بدون تعجيز
اما المحتاج بتجيب له اكل مغذي ولذيذ
بتساعد اليتامي تمسك ايد العواجيز
بسماحة في المعاملة وبحكمة ف التنفيذ
وعارفة اللي عليها وعارفة اللي لها
وكل حاجة راح تعملها ف وقتها
بتحب طاعة بابا وطاعة امها
ولا عمر بيكره هالة الا الناس القاسين
لكن ما يهمهاشي الا دعا الوالدين
وتقول ربنا يهدي كل الناس الظالمين
وتقول انا ليا ربي وكمان انا عندي دين
دا هالة بنت شاطرة وحبيبة الملايين
^^^^^^^^^^^^^
الغالية رشا
ماما بتحب رشا ورشا تحبها
ولما رشا تزعل تاخدها ف حضنها
دا ماما اخت رشا ورشا اختها
وبابا يحب رشا ويسمع رايها
ويقول لها انت عندي بالدنيا كلها
ورشا تحب نينا ورشا طيبة
بتحب نينا جدا وليها قريبة
وجدو يحب رشا ويطلب قربها
ولما تغيب شوية بيسال عنها
ورشا تحب اخوها الاصغر منها
وهو كل مادا يشد ف شعرها
تزعل منه وتغضب يبعد عنه وتهرب
لكن لو يوم يعيط يتالم قلبها
والخالة تحب رشا ورشا تحبها
وتاخدها كل مادة تلعب عندها
دا هيا ام رشا ورشا بنتها
دا رشا اغلي نسمة وبسمة لاهلها
والكل يحب رشا ويطلب وصلها
ولا عمرك تلقي رشا قاعدة وحدها
علشان بتحب غيرها وغيرها يحبها
*****************
بالفصحي
ان جاءني
ان جاءني فاسق بالخبر
قلت له انت بئر الوزر
وعدت اقلب فيه النظر
وخفت العواقب فيها الخطر
وان تتناثر تلك الاشاعة
فقلت لها انت بئس البضاعة
وينشرها فاسق ذو خناعة
تجيء له بالامور الكبر
سيصنعها حاقد او خبيث
او ماكر او عنيد خسيس
يريد خرابا ويبغي الوطيس
يريد قلوب الوري تستعر
يعكر صفو البرئ الحقود
ويترك شوكا مكان الورود
ولا يهنأ البال إن ما يسود
وشيطانه في الفضا ينتشر
أيا قلبي لا تستمع للحقير
والفظ هواءا بشر يطير
وكن ذا قيود وكن ذا ضمير
لأية ريح بسوء تمر
تهب إشاعات بالخراب
وتقتل في الناس قلب الصواب
ولن تلتقي مرة بالجواب
ويحتار في الامر رب الفكر
عليك التاني وكن ذا حذر
**********************
ان احسن بالله الظن
ان احسن بالله الظن
هذا اعظم ما اتمني
ان يدخلني جنة خلد
ان يمنحني منه الحسن
فالله كريم ورحيم
وعليم لو قلبك ان
لا تتبع عورة مسلم
فالله لافعالك يعلم
والباحث عن سوء يغرم
وسيفضح في يوم ويحرم
لا تبدا احدا بالشك
لا تنشر سوءا لا تحكي
فالناشر من اهل الفسق
والممسك بالتقوي ينعم
ان استر مسلم بجناحي
يسعدني المولي بفلاحي
وسابقي ذو قلب صاح
وسانجو في الامر المبهم
ولأحسن ظنا بالناس
ولاكتم كبوة انفاسي
واداري اية احداسي
فبناء بالظن سيهدم
يا مسلم اياك اياك
فلسانك يحكم عقباك
قيده لتسعد اخراك
بالحور العين ستتنعم
والعاقل بالخير سيغنم
****************
يا نفس لا
يا نفس لا لا تلعبي بالله جدي واطلبي
في كل خير فارغبي وتقربي وتوددي
خافي المهانة والذنوب فالنفس اولي ان تتوب
لن تلقي من ربي هروب اولي بقلبي ان يذوب
يا نفس لا لا تسامي
في كل خير اقدمي وتحكمي وتقدمي
بطريق ربك تلهمي كي لا تضلي تندمي
من كل خير تحرمي لله ربكم أسلمي
في الذكر كل المغنم يا نفس ثوري واعلمي
ما كان ربك ظالمي يا نفس لا لا تسامي
فاذا رحمت سترحم واذا قسوت تغرمي
للشر لا تستسلمي يا نفس لا لا تندمي
&&&&&&&&&&&&&&
في القلب حنين للمسجد
في القلب حنين للمسجد كي القي الخيرات واشهد
وبربي الغفار أوحد ما احلي التقوي ما اسعد
في المسجد القي إخواني
أنصاري ضد الشيطان عون لطريق الإيمان
كي نبدو مثل البنيان ولذكر الرحمن نردد
ابعد عن شر الأصحاب اهرب من كرب وعذاب
أتبتل ابذل أسبابي وألوذ لخير الأحباب
ألجا لله التواب
نسبح في بحر القران نفرح بضيوف الرحمن اخرج صاف من أحزاني ولنور الإيمان أجدد
خير بقاع الأرض المسجد فهو الملجأ وهو المرشد
وهو ملاذ وهو المنجد وهو صلاح للإنسان
اجلس في المسجد بوضوئي اصمت أو احظي بهدوئي
ارغب في النجوي بلجوئي اخرج من قلبي شنئاني
يا رب تقبل إذعاني
*************************
يا مغتاب يا كذاب
يا مغتاب يا كذاب يا من قد خنت الأحباب
امن الدين بان تطعن عبدا عن سلطانك غاب
تمضغ في لحم الإخوان
تنطق بلسان الشيطان تهدم دوما في البنيان
وتظنك تمشي بصواب
تخرج من فيك اللعنات تحرق بغبائك حسنات
تزرع في ارض الحسرات تفتح للشر الأبواب
وفؤادك يعلوه الجهل سلطانك داخله الذل
وطريقك يحرقه الغل وبنفسك جمر وعذاب
فلترجع ولتنوي التوبة فالله محب للأوبة
وليغسل مولاك الحوبة والله كريم تواب
فلتفتح بالحب فؤادك وليكن الإيمان عمادك
وليكن الإخلاص مرادك ولتجعل للنار حجاب
***
يا صلاة الفجر
يا صلاة الفجر يا خير صلاة
فيك انعم بالهدوء وبالاناة
اذكر المولي وافلح من دعاه
في بزوغ الفجر ننسي كل جاه
نبدا اليوم بجد ونشاط
بجمع الحب ونجني البركات
في صلاتي سوف انعم بالثبات
في طريق الحق نحظي بالنجاة
اهجر النوم واجري للعبادة
القي في قلبي سكونا وسعادة
في ارتياح النفس قد يلقي مراده
واري في صحبة الخير الحياة
ويري قلبي مع الله مناه
يا صلاة الفجر يا خير صلاة
ارقب الصبح اذا ما جاء يطلع
في طلوع الشمس عقلي يتمتع
اذكر التقوي وللحسنات اجمع
واري يومي موفقة خطاه
يا صلاة الفجر يا خير صلاة
&&&&&&&&&&&&&&

[كاظم الفضلي]

الشاعر شاكر صبري الكتابة للأطفال فن وجرأة
ومهارة .. وأنت كنت رائعاً في الأختيار والتصوير
والأبداع . شكراً لك ودمت بعطاء

[فاتن علي حلاق]

هذا كتاب كامل بصوره وتفاصيله.
بورك القلم