مريتا .... ضيعة قطعة من السما

[فايز كرم]

مريتا .... ضيعة قطعة من السما


.
**************
ضيعتي لِ فيها الغيْم حاضنتو
متل ضمة بَي ل بنتو
ونسماتْ تهربْ من البحر ع ْجبالْ
وتقلها شو عليه...لو فيها استوطنتُو
بضيعتي خصر البنت كلما مالْ
بتخلي العجوز تطول آخرتو
مشتاق إبني ع سطوحنا عرزالْ
ويطل ع بيوت الحبايب ل فيها اسكنتو
بضيعتي .... الرب عاطيها ... جمالْ
قبل ما نكون ! أو انتو .... تكوّنتو
فيها نبع المّي عالصخر سلسالْ
يشربو الحلوين منّو ...و عليه تكوّمتو
وكلما شرْبو منّو شوية ... تالعطش زال
يرجعو يشربو ومن الطيب ... أدمنتو
*****
بضيعتي ........
عنا القمر ينزل ياخد نورو ... من نورنا
ويعبي الخوابي... من طيب نهورنا
حتى إذا شبع منها ... وأخد مونتو
يرجع تاني يسرق العطر من زهورنا
*****
يا سارق العطر النفيس
من خد .... الصبية
وتطّل علينا ... كل يوم .. من عشية
خليك عنّا ولا تغيب كتييييييييييييير
بعرفك مدمن هون ... عالعيشة الهنية
*****
الأمير بيبقى بطبعو ..... أمير
والسحر والدلع بطبع .... الصبية
بعشقك يا ضيعتي ..
وعليك مش كتير ......
دوب فيك ... أو اعبدك تخمين
لأني عاشقك عن صدق نيّة
شحرور الضيعة
2/7/2014/

LikeLike ·

[كاظم الفضلي]

قصيدة جميلة .. عشت مبدعاً

[خالد جابر]

قصيدة فيها التشبيه الرائع , شكراً لك

[فايز كرم]

هلا اخي كاظم اسعدني مرورك شاعرنا
هلا اخي خالد ويهمين مروركما دوما.

[الحمداني]

صح لسانك قصيده جميله بحق

[فايز كرم]

شكرا أحبائي لمروركم السخي:

أقول لكل من سرق ودمّر آثار الحضارة السورية العريقة ؛يا سارقين مجد التاريخ وآثارو
وقطعتو كل تماثيلو. و حجارو
يابني جهل يالصوص الحضارة
قتلتو الوطن وسعيتو دماروشحرور الضيعة
1/3/2015