قـالـوا فـي الـسـتــات

[دكتور أحمد الليثي]

في ناس تقول الست كلها خير
وفي ناس تقول الست كلها شر
وفيه يقولوا الست زي الطيـر
هايمة، وضحكتهـا تحلِّي الْمُـر
وفيه يقولوا دي خلق من غير روح
وساعات يقولوا جسد بدون إحساس
ومرة يقولـوا دي بلسم المجـروح
ومرة أصل التعب والبلا لكل الناس

لو مافيش ستات الدنيـا تملى عينينا.
ودنيا من غير نسا كارثة على المخاليق.

نبقى نصدق ميـن؟ يا خلق ردوا علينـا
احترنا ومش عارفين ده وهم ولاّ حقيق!

[ريمه الخاني]

ايه قصتك مع الستات؟يادكتور؟
هم ملايكة ولاشياطين ؟
ولا بتتشاطروا عليهم ولا ناسيين؟
قلم رائع
تحيه

[دكتور أحمد الليثي]

ايه قصتك مع الستات؟يادكتور؟
هم ملايكة ولاشياطين ؟
ولا بتتشاطروا عليهم ولا ناسيين؟
قلم رائع
تحيه

والله يا أخت ريمة أنا ما جيبت حاجة من عندي. كل هذه أسئلة لها أهمية تاريخية، والعبرة بالمغزى. فبالفعل قيل إن المرأة ليس لها روح، وقيل أنها مجرد جسد، وقيل انها السبب في طرد آدم من الجنة، وقيل أكثر من ذلك. ومع مخالفتنا الشرعية لكل تلك الأقوال غير المبنية على دليل صادق إلا أنه طرحت بالفعل، ومن واحدة من أكثر الديانات شيوعاً على مدى التاريخ. فأنا برئ من أصل الأسئلة. فلم أفعل سوى أني صغتها نظماً. وكما نقول في مصر "الحدق يفهم".

دمت سالمة!

[ريمه الخاني]

اشكرك دكتور للتوضيح اتمنى الا يفهمك تماما
تحيه لك وتقدير

[دكتور أحمد الليثي]

وإليك هذا الرابط:

http://www.omferas.com/vb/showthread...2676#post32676

[دكتور أحمد الليثي]

[دكتور أحمد الليثي]

روحي يا عبلة، يا إبنـة عمّي
حمَّي السكين والسواطير حمِّي
ما انا عارف أخرتها معاكم
هاتقطّّع وهتشربوا من دمي؟

أحلق شنبي لا يمكن يحصل
ركزوا ياللا، كلامي هيوصل
ولا شعرة من راسي هتمسُّوا
أصلي اصلع ودماغي ف الترسو.

عاشق الورد انضم وخايف
على لغاليغه، وبقى مش عارف
إن معـاه رجَّـالة أشـاوس
فتح عينك، بقى مش شايف؟

الستات قاعدين يترعشوا
مش عارفين ييجوا ولا يمشوا
بعتوا رسولة تجس النبض
وحياتك بيهـا لنتعشـوا.

والجاتوهات اللي في مطبخها
هنحلّي، ولا مين دري ولا شافها
وهتختفي زي المرسولة
وان جت غيرها راح نخطفها.

روَّق ياللا يا سيدي واتبحبح
أنا شايف جـواك متسلَّح
و"حسام" جنبك طـخ وطيـخ
هتلاقي الستــات بتنـوَّح.

[دكتور أحمد الليثي]

نصيحة لمن يفكر في الزواج:

اسمع يا للي البر حاميك
خد بالك واحسب خطاويك
دي الكارثة جايياك في طريقك
ولا تلقى حد هيحميك.

اهرب يا حبيبي بجلدك
ولا تسمع لنصيجة قلبك
أصله بيكدب يا ابني عليك
موهوم ولا يدراشي بغُلبك.

وان ما سمعت كلامي يا غالي
راح تندم كده هوه طوَّالي
وما تلقى واحد يواسيك
ولا حتى هتخطر على بالي.

أصلك يعني هتبقى مدروخ
صدمة عمرك، زوجة تدوّخ
واللي ما يسمع يعني نصيحتي
يستاهـل يقعـد ويصـرّخ.

هي الست يا اخويا يا جاسم
من صنف ما تعرف له معالم
يوم تلاقيك في الجنة معاها
والتـاني بتلطـم مش فاهم.

[دكتور أحمد الليثي]

الرجالة بتوع قوانيـن .... تحمي الزوج من كيد الزوجة
تعدل بقى كل الموازين، .... وهدفنا تقـويم العوجـة

كل الستات يا اخواتي مايلة، .... دي الميلة حظها ف الدنيا
ابعد عنها بلاش دي الخَيْلـة ... إن شالله تعوم لك ف كالونيا

خد عندك في المادة الأولى .... فقرة تسليح إنما هيَّا
الزوجة نسخة من الغولة ... جهّز نفسك مية المية
خد لك فرقة شوم ومطاوي ... واسياخ حامية بطول مترين
دي كتيبة ومخزونها بلاوي ... ويَّاها تروح في الرجلين
ارفع عينك عن رجليها ... بس ابعد عن سحر عينيها
شغل الشعوذة ملك ايديها ... والرجالة ما يفهمـوا فيها
ركز كده ع الضربة القاضية .... بصاروخ ذري من الترسانة
وان رُحْتِلْها بإيدك فاضية .... هنزورك كده في السلخانة
أصل الست ما تعرف إلا .... شغل الأكياس والسواطيـر
تصحى الصبح بمليون علة .... تقعد تصرخ كالنواعيـر
وان قلت لها مالك يا حياتي .... تبقى مصيبة ولونها هبـاب
راح تعرف مين اللي نباتي .... وهتعرف مين له مليون ناب
يبقى يا حلو عليك بالفِرفر .... ورصاص إن شالله بمليون
حاسب أحسن يا بني تفرفر .... وتيجيلك وسوسة وجنـون
والدعم ده مبدأ كده ثابت .... خلِّي صباعك ع التليفون
إن صابت، حلو. أما ان خابت .... لازم حل سريع مضمون.

وإلى لقاء مع مواد أخرى في القانون المذكور.

[دكتور أحمد الليثي]

بعد انحياز "عاشق الورد" الشاعر حسني عبد الله جاد لفريق النساء:

يا نهار بُني مخطط ف ازرق
مش عايز ورد، ومش هاعشق
بقى يا أخينا نقول دي حريقة
تيجي تقول ع الست بريئة؟
وتنـادي اني أسلم وابعـد
والمحروسة دي تشمت، تسعد؟

بس! فهمت الفـولة الآن
"محشي الست" صابك بجنان
اعقل صلِّ على العـدنان
دي الرشوة حرام كده ف القرآن
أنا عارف "طبخة" وملعوبة
شغل القرشـانة الكركـوبة
بقى يا اخواتي، يا ناس ع الريق
تِطْعَنِّي ف أجدعها صديق؟
تيجي تلف عليك بالمحشي
تخبطني ف قلبي وف كرشي؟
فين يا اخوانَّا بقى الإخلاص
لما الصـدق كده بينعـاص
بالمحشي، وأصنـاف الطرشي؟
ياللا ابعدوا كلُّكو عن وشي.

أنا عارف حقي ده هاخده ازاي
وشنب ستي أهـوه أنا جـاي
وهاضحضح راسها يا ناس بالشوم
وان شـالله بعدهـا ما تقـوم.
بقى حلِّة محشي يا عاشق الورد
تقـلب ودَّك كـده للضـد؟