هواجس ...

[كاظم الفضلي]

هواجس...

صح عودتني اوياك امشي
ومن امد ايدي
عله اطراف الاصابع
تعبر بلاحد
وصح تزعلني واشوف الناس كله اهموم
بس وجهك لكَيته ادموع
حفرن ابوجهي السنين
اوجهك بلا خد
وصدك ..
اتمايل بلا طول...من شلت الحلم
من بالي وعيوني
ونسيت اخيالك بياليل
فوك اخيالي يتمدد
جذب ماصدكَت الكَاك
كل همك تسجل لحظه بسنيني
لكَيتك ساعه وقتهه الدهر مرتين
مره ابمولدي وبس امي من تصرخ
وعرفتك ساكت ابوجهي
وانه ابين اليحبني ويكره اتفرهد
ومره من كَتلك حبيبي...
طاحت الساعه الجبيره وظل عله
الحايط
فقط
مسمار
اسود
وصار كل طبعي غريب
مره اشوف اعيوني واللساني وأديه
وجرح واحد بالرصيف
نكَعد انشيل الجرح
الكَه الرصيف ابين اديه
والجرح بالكَاع حافرله صليب
طيب...
يالاسمك بطاقه
اومزاد
ويانصيب
طيب...
وذكرت..
جنت اشم بنفسي حجيك
ونفسي كل الليل عالجامه ضباب
اشلع الشباك كله وماأشوفك
أمد أيدي تتجيلي الدفاتر
حسك بكل كتر بيه وجفك بكل غرفه باب
طيب..
يالطبعك غريب
أنه عشت أوياك كل هاي السنين
تحفر ابطن الفرات
تكَلي اصبر نبني بيت من التراب


كاظم الفضلي

لكَيته / وجدته

فوك / فوق

جذب / كذب

صدكَت / صدقت

أتفرهد / أتبعثر

الجبيره / الكبيرة

نكَعد / نجلس

جنت / كنت

حجيك / كلامك

تتجيلي / تعينني ( أي أتكئ عليها )

[أديبه نشاوي]

كانت قصيدة رائعة فعلا.. حزينة...وفيها ألم ...وحسرة...
أشكرك لأنك اوصلت الشعر الشعبي العراقي لفكرنا وقلبنا..
وفقك الله
أديبه

[ريمه الخاني]

كما قالت الغالية أديبه صرنا نتذوق الشعبي العراقي بقوة
دمت رائعا وتثبيت

[كاظم الفضلي]

الكاتبة أديبه نشاوي .. شكراً لكِ أنتِ سيدتي
لأنكِ قرأتِ القصيدة فصفقت كلماتكِ . أنا أعجبت
بالتصفيق لأنه جاء على مدى عطاء متواصل .
تحيتي كاتبتنا الرائعة .

كاظم الفضلي

[كاظم الفضلي]

الرائعة الكاتبة والأديبة ريمه الخاني ..
لكِ جزيل الشكر والأمتنان وعالي التقدير
للتثبيت .. وحمداً لله أني وفقت أن أوصل
رسالتي الى قلوبكم وذهنكم وقناعاتكم .
ود دائم ومحبة عربية بعمق وطنيتنا وأنتماؤنا
لنمد أيدينا لتصل لبعضها .. فأنتم أخوتي وأهلي
وســــــــــــــــــــــــــــــــــــــلاماً لكل عربي شريف .

كاظم الفضلي

[الحمداني]

[كاظم الفضلي]

الأخ الحمداني .. شكراً لمرورك رغم ان
الصورة لا تفتح .. ولكن حضورك هنا سروري
دمت بخير وعطاء .

كاظم الفضلي

[راما]

الله ثم الوطن ثم الوطن
شكرا لك مشرفنا العزيز

[كاظم الفضلي]

شكراً يارما .. شعوراً ورأياً
وتواجداً على متصفحي المتواضع
تحيتي لكِ ..

كاظم الفضلي

[علي جاسم]

هواجسك جميلة ورائعة أخي الشاعر

لك الشكر على هذا الشعر الماتع .

تقديري