وُتـْعلا السَّما

[فردوس النجار]

وُتـْعلا السَّما:
جايي عبالي .. مَرْمِغـَكْ بالضَّو
إنسج عبايهِ.. للشمس تـَحْديد
وُمِنـَّكْ خدودي..تـِزهِرْ وُتِحْلـَوْ
وعَيني تـْغـَمِّضْ ..تاخد َكْ لـَبعيد
تـْعْلا السما ..وُتـْصير إنت الـْجَـو
ويصير صوتـَكْ ..للشجَرْ تـَرْديد
قلـَّكْ : بـَرِد !.. جبلي فصولـَكْ أو
دَقـْدِقْ دَفـَا عالباب.. حتى يْـقيـدْ
وتـْفـُوْر هالناس بـْكـَلام السَّـو !
وتشرين بيقـلبي يعـمْـلـَكْ عـيـد
هَيـْدا حبيبي ..يا بـَشـَرْ يا هُـوْ
رَحْ طـَـيِِّروْ فيي بـِلـَمْسة إيْـد!
دمشق : الشاعرة فردوس النجار

[كاظم الفضلي]

الشاعرة المبدعة فردوس النجار .. الأبداع
أجمل بنقاء روحكِ وشاعريتك .. وها أنتِ
تتألقين عطاءاً .

[فردوس النجار]

شكرا اخي كاظم لردك وتشجيعك .
سعيدة جدا

[فردوس النجار]

يارب شو بعمل أنا قلبي رقيق..من صوت خظواتو وقع كمشة عقيق
باركتها وتمتمت آية عالسكت..صار الربيع جبال من تلج وحريق
صرخت شواسمك ياجايي من الوله..قلي اسكبيني بجنتك اسمي عشيق
فردوس النجار

[فردوس النجار]

كنا سوى ياقلب ..ع مخدة وطن..نزرع أغاني ملوَّنةِ ب نايات ..كان الحديث مشنشل بأفراحنا..ونحكي لبعض زغار الحكايات..كنا ع مد العين نركض والنظر..يسبق خطاوينا بسبع وردات..نمسك إيدين التايهه ونبقى معا..وننزل عقلب الضو..بالعتمات
فردوس النجار