قصيدة (شروقي )

[فايز كرم]

قصيدة (شروقي )
محلى الدفا...............
لأجلك تركت الدني وماعاد عندي صحاب
انت .... يا مزينة كل أحلامي ومواعيدي


تعي وغِلّي بصدري ونرتاح من العذاب
بس للهوى والشوق يا حلوتي ..شيدي

محلى الدفا ..... يولع بغمرة الأحباب
ومحلى العمر كلما بدي بخطوة جديدي

ومتل النبيد الأحمر ..... كلما عِتّق طاب
انتي السَكَر كلّو ....... و خمرك نبيدي

ليكي العوازل سكّروا ...بوجهنا البواب
أنا وحيد بهالدني .... وانتي وحيده

طيفك .... ملاحقني وبيرجع كلما غاب
ويقول يا منورة كل أيامي وتنهيدي

حلوة الدني.... نعيشها بدون عتاب
وحلوة عيونك أبتدي فيها قصيدي

شحرور الضيعة
9/10/2013

[الحمداني]

أحسنت الأختيار صح لسانك وتعيش وتسلم مجايبكم ...

[فايز كرم]

البسمة الحلوة شو بتلم
إلا النظرة من عيني
بتتوشوش من تم ل تم
وما بتتوشوش بالدينة

[فايز كرم]

‫كل ما بقول .. ياحرف ابعد
بلاقي حبيبي. يزعل ويحرد
حتى صرت لملم. الاهات
واضغط ع جرحي أنا واصمد

يسعد مساكم حبايبنا‬

[فايز كرم]

‫يا شوق روح للمحبوب قلًو
ع فراقك والله الاشواق قلًو
وياجروحي انا عالجمرات قلًو
كويتني اناومااعرفت السبب

حلوة العتابا تحت سطحة دارن

[فايز كرم]

‫عند المسا صرت قاتل النجمات
والكهرباء مقطوعة بليل الجنون
ومن وين افكاري تحبك الكلمات
ان مادبت أنا .... بعشق العيون

يسعد مساكم
على ضو الشموع .... سهرانيين