موضوع مهم جدا جدا للغواصين

[العمدة]

موضوع مهم جدا جدا للغواصين
بسم الله الرحمن الرحيم
اليوم ابغى اتكلم عن شي مهم للغواصين وخاصة اللي يطلعو في الليل وهوا بصراحة مرة يعجبني واحب اني اتعمق فيه ان شاء الله
اليوم بأتكلم عن النجوم وتحديد الاتجاهات الاربعة منها.
وزي منتو عارفين الشمس ماتشرق من الشرق 100% في اختلاف بسيط.
طبعا اول شي يخطر في البال النجم القطبي وهوا احسن شي لتحديد الاتجاهات ولكن الواحد خاصة اللي مالو في النجوم مايعرف يدور فين أو يبدأ من فين.
اول شي لو طالعت في السما في الليل تلاقي زي السحابة البيضة بس خفيفة في السما هادي السحابة هيا درب التبانة ودايما يكون اتجاهها من الشمال للجنوب وهيا مربط الفرس يعني ندور في اولها ولا اخرها واول ماندور عليه ندور على حرف السين المقلوب او المغراف

ومن طرف المغراف نحسب خمسة مسافات قد المسافة بين اخر نجمتين بخط مستقيم ونحصل النجم القطبي اللي يشير الى الشمال زي في الصورة

بس في بعض الفصول في السنة يكون الدب الاكبر (حرف السين المقلوب) تحت الافق وماتقدر تشوفو تقوم تدور على مجموعة ذات الكرسي ومنها تحدد الشمال

صورة توضح حركة الدب الاكبر وذات الكرسي حول نجم القطب الشمالي

وبعدها خلاص تحدد باقي الاتجاهات وتقدر تعرف القبلة او تعرف طريقك انت ماشي على اي جهة عشان لاتجيب العيد.
اتمنى انكم استفدتو من الموضوع وفي شرح كمان على كم نجمة ان شاء الله.
__________________
عن غواص العرب/العضو ديف ماستر /الظهران