بعدني بحبك

[فايز كرم]

بعدني بحبك لو القلب ختير
ومشتهي قربك نام يا صغيًر
وحدي ناطرك على الطرقات
وملاقيك نبعي لأشرب واسهر
يا حملي الوديع مزيًن البسمات
خفف عني الاهات ... يا سكر
عند شوفتك بتضيًع الكلمات
وعند غيابك الكلمات تحضر
شو اعملت حتى ولًعو النهدات
يا بلسم جراحي بالورد والعنبر
ملاقي حنيني انت بالعجقات
يامولع الأشواق بقلب يتمرمر
كتبتك أغنية فرح معهاغنيات
أشواق الهوى حاملة عالبيدر
حتى إذا سمعوها آذان البنيات
رقصو فرح عا أنغام هالأسمر
ولهيك مخبيلك شذى الوردات
باقات حب حمرا وورق أخضر
حتى تفرحي يا ملكة الحوريات
زوري قلبي واعملي معسكر
بلكي ل حبك بصدق هالآهات
يلاقي عا قد الشوق يتقدًر


شحرور الضيعة
12\5\2009

[ظميان غدير]

فايز كرم قصائدك بديعة غالبيتها

تكتب بلهجة وشاعرية رائعة

تحيتي

ظميان غدير

[فايز كرم]

شكرا لمرورك العطر الذي زيًن قصيدتي

[ريمه الخاني]

عملي دفتر لغنيات..
والحرف زهر وسط دربي
نسيت إني من الدني تعبان
عمهلك امشي لاقطف الفيات
يمكن ع بكرا تدمع الدمعات...
وتنسم هوا وتنبت الزهرة...
عمهلك..امشي لاقطف الفيات
*********
وتحية لك دوما شاعرنا

[فايز كرم]

الفيات ما بقدر أنا اقطفها
لأنها متل العبير بس منشمو
ومتل ما الدمعات نذرفها
بدنا الفرح والحب يلتمو

شكرا لمرورك الكريم