يا أهل الحارة بقلم :نجلاء نصير

[نجلاء نصير]

بصوا وشوفوا يا أهل الحارة
ابو حسين عامل غارة
بس هس اسكتي يا ولية
لا مش ساكتة
أنت بتعميليهالي قضية
أيوة قضية آه يا عنيي
جاي بتقول إنك ناوي
تجيب لي ضرة وعاوزني
أسكت أكتم لا والله ما اسكت خالص
يا أهل الحارة يا أهل الحارة
*******
_أهل الحارة_
إيه في إيه يا أم حسين
نفديك بعويننا الاتنين
_
أبوحسين_
ياأخواننا مفيش حاجة
_أم حسين_
لا والله فيه ولا عاوزني أطرمخ وأسكت
شوفوا يا جيراني
جوزي الغالي وأبو عيالي
جاي بيقول لي ناوي يجوّز عليّ
بعد العشرة برضوا دهية
يجيب لي ضرة مرة
شفتوا اللي عملت نفسها صحبتي
جاية تشاركني ف أبو عيالي
يرضيكوا كده يا جيراني

_الجيران _
ليه بقي كده يا أبو حسين
دي شيلاك ف عيونها الاتنين
_أبو حسين_
بس هس اخرسي يا ولية
والله لأكون حرمك من النقدية
وإن كان مش عجبك الباب يفوت مية
إن ما فوتي الليلة ديّ
_أم حسين _
لا مش ساكتة
_أبوحسين_
يبقي نويتي علي طلاقك
_أم حسين_
ياأهل الحتة
خليكوا شاهدين
علي جوزي أبو عيالي
طب وحياة مقصوصي الغالي
لأوريك يا أبو عيالي
_أبو حسين_اخرسي واتلمي يا ولية
كل يوم الغاغة ديّ

_أم حسين_
وهي فيها إيه حسنية
بنت رئيس الجمعية الاستهلاكية
دي إن طلعت أو نزلت حرامية
علشان عملت العملة ديّ
اشهدوا يا جيراني
إن ما اتلمت حسنية لأكون وكلاها بسناني
وأنت معاها كمان يا عنيي

_أبو حسين _
والله وصوتك علا عليّ
طيب روحي وأنت ...
_الجيران_
يا أبو حسين الطلاق مش حل قضية
وقعت من طولها الولية
حد يجيب أي كولونيا
يرضيك كده يا أبوحسين
_أبوحسين_
إوعوا وسع أنت وهي
أنا اشيل أم عيالي
أنا كنت بهزر يا ولية
تيجي فيكي إيه حسنية
دا أنت الشمس والهوا والمية
دي نظرة رضا منك يا ولية
والله بالدنيا ديّ
دا أنا كنت بهزر وياك
وقلبتي عليّ الطبلية
وحرمتني من الملوخية
_أم حسين_
بس خلاص يا جيراني
كتر خيركم روحوا بيوتكم
أنا ليكم شاكرة والله
_أبو حسين_
أنت ياأم عيالي ميراتي
ومفيش غيرك ف حياتي
إيه لزمتها البهدلة ديّ
وإن كان علي حسنية
مش راح أخطي برجلي للجمعية
وبناقص منها الشغلانة ديّ
_أم حسين_
ما أنت يا اللي زودتها شوية
وطيرت النوم من عنيي
مش راح أقبل لي شريكة
أنت حياتي وكل آمالي
أربي وياك عيالي يا غالي

[محمد عبدالمجيد حافظ]

ههههههههههههههههههههههه
يسعدنى اكون اول الماريين
اشك ان ابو حسين كان بيهزر مع ام حسين
الله عليكى مونولوج رائع وحوار شعرى جذاي
شكراً لكى

[ظميان غدير]

هذه النقطة ما تجعل الزوجة تحقد على شريكها
وهي الضرة
قصيدة فكاهية ورائعة

[ريمه الخاني]

هههه
قصيدة طريفة
سلمت لنا دوما

[ذيبان]

هه ماشاء الله عليك
جودي بيراعك جودي ولنا الانتظار
ذيبان