ارجعي يا روح ليلى العامرية
ارجعي تا نسهر الليلي سوية
وتحتى تشاهدي الصدق بكلامي
ياليلى طولي بالك عليّي
الشاعر قدر ما بيكون سامي
بفلسفتو وبروحو الشاعرية
وقدر ما يكتب ويذكر اسامي
اذا بقصة غرامك ما تغنى
ما راح يجبلنا بشعرو هدية
*********
وقيس العاشق الصاغ القوافي
ونثرها در عكتاف الفيافي
اذا بدك باها الليلي بيحضر
معي ويصون حبو بصدر دافي
واذا بدك معو راح جيب عنتر
وعبلة وكل اصحاب اللطافي
عندي للعشق يا بنت بيدر
ونبعة مي متل العسل صافي
وعليهم اشمخ وبالحب اكبر
تشوف الشمس اوطى من كتافي
وحتى يشوف كل واحد بيحضر
باني سيد العشاق كلا
باحساسي وبشعري والقوافي
حمص
2009