مارديت ...

[كاظم الفضلي]

مارديت ...


مارديت...
لأنك بعتني وساومت بيه وجفيت
وغيرت عدي الحقيقه ..
وأنت كم ثوب التلبسه وياوجه عندك لكيت
وياوكاحة صاحب ايخون ابخليله
وأنت طبع الصحبه ضيعته ونسيت
وفرقك أنت .. وجهك ولطف الملامح
والطباع البيك ذيب
وأنا وليلي اجدام ظلن عالرصيف
وروح ...
وعيون تتلاكه فرح
واشوفك تعتلك بالبيت
ويقينن سولفت عنك حبيب
وكتلك أنت الان نخله وياتمر منك حويت
وفرهدتني عيون واهموم وحجي الناس
وظنون ..
وصبر كل السنين
وجازفت كوه وهويت
ودورت بي انفعال
ودورت بيك اليقين
وارقه من شخصك اظن ماصدكيت
هي محنه وسالفه وماأستغيث
بس صدك ذات وجرح
اعله حد الخوف يلكه السيف مره وينذبح
وأنا وياك كيظ وماي
يفززنه الصبح عالشاطي سباح
نلتف ابعضنا وريحتك جكليت
بس عكبيش من شفت الجروح
البي شايله اعله اديك
وأنت ذاك أنت الغريب البيك
كل هذا ولاحسيت
وبكتني وشايلك تمثال
وبكتني وشايلك عوذه
ياحلو الملامح ليلك اهموم
يااجمل حلم صدكته مجبور
يانكته وجذب ماشالهه البال
ولاشكيت بيك ومره ظنيت ...

كاظم الفضلي

[فراس الحكيم]

لأنك بعتني وساومت بيه وجفيت
وغيرت عدي الحقيقه ..

جميلة ومليئة بالشجن والحزن
مااحلى قصيدتك
سررت بالمرور
فراس

[ريمه الخاني]

مررت هنا والقيت تحيتي
دمت بخير وعطاء شاعرنا العزيز

[كاظم الفضلي]

السيدة الرائعة ريمه الخاني ..
تحياتي لكِ أفتقتكِ سيدتي منذ مدة ولم يكن لكِ مرور بنا
تقبلي ودي وتقديري اختي الفاضلة .

كاظم الفضلي

[كاظم الفضلي]

الأخ فراس الحكيم ..
اقدر مرورك واعتز بأسمك واهتم بقلمك
شكراً لكل كلمة دونتها وشكراً لتفضلك
بالرأي الصادق . تقبل ودي ومحبتي .


كاظم الفضلي