وبعدين بجروحي؟!:
بْحبَّكْ أنا وبالقلب عَلـَّمْ مَطـْرَحَكْ..
وُلـَوْ كنت دابحني أكيد بْسامِحَْكْ !
بحْبَّكْ متل ورقة ع غصن من الكـَرَزْ
بْتـْهرّ ع كـْسُولْ الزرع وتقول:
نِيَّالْ يَلــِّيْ قاعد بْدَالي..
وُما بْتـَعْرِفْ من الكون ..حَظـَّـا اللـِّيْ انفـَرَزْ !
تـْرُوح وُتجي ..وُتـْدُوْرْ عالشجرة..
وتشوف الـْعْصافير مْنـْتـْشـْرَة..
بْتـْنـَقـْوِدْ الكرزات هون وهون..
وُتـْتـْرُك على قلب الورق عَبـْرَة !
والليل يـِتـْكـَوَّم بَلا نجومو
وحرَّاس نار الأوف بيحوموا
والفجر يـِتـْنـَتـَّفْ ع وجه الشمش
والضو ينزل عايـِم بْلـَوْمُو
وُبرْضُو أنا بَعْرِفْ مدى ضـَيـْمو
_زعلان ع عيوني اللـِّيْ كـْلـَّا شـْرُوْدْ
وع البايقة يَلـِّي ما إلها حدود .
_محتار قلبي كتير من غلبي
كيف ظـْهَرتْ للكـَوْن شـِلـِّة لـَوْن ؟!
وُما شافني حُبي ال بـِ عَيْني هَون !!
_بْغـَمِّضْ عليه ..الناس تعشقني!
فارِشْ بـِقلبي.. وصار يسبقني !
_شو بعمل وُضـَيَّعْتْ أوقاتي ؟!
وبـْنـْطـُرْ عَ بابْ الضـَّو خـَيـْباتي ؟!
_محسود إنـَكْ انت ع قياسي
وإنـَّكْ زماني وكل قدَّاسي !
وُفايـِتْ على شـْغاف القلب بالفاس !
وشو غير محسودي أنا من الناس ؟!
كذ َّاب إحساسي ألف مَرَّة..لـَمـَّا عَصَرْتْ الآه عالجمرة !
وُقلـْتِلـَّكْ من الحُبْ مُوْ باقي..لـْ قـَلـْبـَكْ بـِ قلبي وُلا بـْ أشواقي ..
غير المَرَارْ بْطعمة الخـَمْرَة !
سكران بيطـَبـْعـَكْ ..عـَبالي صحيتْ ؟!
يااااااا ريت ما سمعت الخبر وُبـْكِيتْ!
ياااااا ريت صدَّقتـَكْ عطول الخـَط
وما شفت الـْبْحور الْ عـَبـَرْها الشَّطـْ
يااااااريت ما تـْحَرَّكـْتْ بيقلبي
كان القـُزَح قاعد وُمتخَبِّي !
وُضـَوَّك بـِجسمي يـِخـَزِّق الحيطان ..
وإمشي معو..ما أعرف العنوان !
_ياااااريت يا جاهل كنت فـَنـَّانْ
ترسُم عليـِّي من الورد ألوان
وتطير فيـِّي وُضـَيِّع الأحزان !
ياريت تبقى تخربش بقلبي!
_حْمِلـْتـَكْ متل رَيِّة ْ نـِدي للأرض
وبالبال من عُمْرَين مِتـْرَبِّي
_ماقـْدْرْتْ شيلـَكْ من عيون النوم
ولا السهر جابـَكْ ..حَطـَّك بْدَرْبي !
روح انتشي ..بَعْدِي الحياة غـْبار!
مْعَلـَّقْ غراَمَك عا زَهِرْ صَبـَّارْ
إن شالله بيهوِّن حَمـْلـِتـَكْ ربي !!!!!!!!!!!!!!!!!!!دمشق : الشاعرة فردوس النجار