سادد ودانك

[الطنطاوي الحسيني علي]

سادد ودانك/
////
////
///
///


سادد ودانك و لاوي جبهتك على فين = يا مجلس الحكم رامي مصرنا ف بحرين
قلنا السياسة تسيبها لشعبنا الثاير = وتطيع ارادته و تحسم في غراب البين
يا مجلس الحكم ماشي احنا عمرنا م شفنا = واحد من العسكر بيتحاكم بقاضي الدين
احسم امورك ومتسبهاش كدا عايمة = كان رئيسكم يا سيدي وكلكم فاكرين
والشر لسة بمصر الغالية متربص = د شجرة االمر مادة في الجدور عمرين
... متربصين والشعب خايف في انتخابتنا = يلاقي روحو بكفو طيب دا شالها سنين
احنا في حالة استثنناء يا مجلسي الغالي= لازم قوانينها تكون استثنا وانت برضو معين
الظاهر ان انكتب على مصرنا تدفع = دفعنا دم الشباب في ثورة الملايين
لكن جنابك مصمم اننا لسة = مرحشي منا الكتير لازم يروح ألفين
ايه الحكاية بقى لسة الظلال هوا = متشكرين ياسعادتك واحنا اهوه جاهزين
نروي العزيزة دمانا ومهرها لاحمر = هيغرَّق الظلم زي م غرَّق الظالمين
سايب فلول النظام الظالم الجاير = يولعو في البلد و يروَّعو الأمنين
والأدهى يا مجلسي تدِّيهم الفرصة = يمصُّو من دمِّنا في مجلس النايبين
يااخويا يا عسكري هوا انته مش مصري = و شعبنا اللي اندبح مش برضو مصريين
طيب سعادتك سايبهم ليه يا امباشا = والشاب لمَّا اندبح قام زهَّرِ البساتين
أصدر قانون العزل فيهم كفايا تتأخر = حرام عليك دمِّنا من ربنا تروح فين
لو كنت عادل يا سيدي ليه متسمعش = ناس أخلصت نصحها في ثورة الميادين
للصح نشكركم لكن غلطكم لا = الحق حق و صراحة -فين آخركم فين
حوار من الطرشان سايب دياب جاهلة = طب مَ انتَ دُقت الغدر بالبلطجة والشين
ماسبيرو أحداثها مش برضه مات منكم = و انضرّْ إخوة نصارى ودمُّهم قسطين
حابب أذكر وافكر في اللي جاي بكرة = يمكن نلاقي العقول الحية منكم زين
ناخد ثواب مصرنا و نريَّحِ التعبان = والشعب ياخد بتاره من غراب البين
اللي انقتل دشباب -أغلى شباب فينا = أُقبض على اللي ظلم وريَّح الشاكين
ما يروح شبابنا هدر يا سيدي المجلس = مقسوم على نفسك ليه بس بقى نصين
و انهي أذاهم لأن النار دي لو شبت = م تخلي في مصرنا غير الندم وأنين

نسأل الله السلامة لمصرنا الغالية وان نعطى افضل نموذج العصر في الديمقراطية والحرية
وجنب مصر ويلات الفتن والبلطجية والفلول
امين

[كاظم الفضلي]

الطنطاوي الحسيني .. تحيتي لك وحفظ الله مصر
وشعب مصر وأنعم عليكم بالأمن والأمان . وسلاماً
ياعرب .. دمت بخير وعطاء .

كاظم الفضلي