قـالــوا فـي الـرِّجَّــالــة

**دكتور أحمد الليثي** · 12-09-2007, 12:16 PM

الراجل ده حتة سكَّرة
جنة ورود متنطورة
يشع نوره ع الخلايق
تلاقى الدنيا منوَّرة
يخطِّي دايماً للأمام
وعمره ما بيرجع ورا.

حظه مع الستات قليل
رغم إنه "طير" جميل
مرة يدوسه باص مشخلع
ومرة غزالة برجل فيل
ومرة ساطور ف أخره كيس
ومرة حبل يا ناس طويل.

وارجع أأقول جابه لنفسه
نقول يا شر، يمشي بعكسه
قلبه رهيِّف وصبـره ياما،
دايما عواطفه وكل همسُه
كلام حنيِّن دليل متاعبه،
ما أحلى روحه! ما أوطى حسه!

أما النسا يا عيني ظالمة
وكل كلمة يا خويا أزمة
يقول "أحبك"، تقول "في داهية"
يشيل في نفسه وتبقي كتمة
وان قال ف مرة هاشوف لي شوفة
يقع في غيرها وتبقى صدمة.

**ريمه الخاني** · 12-09-2007, 12:36 PM

يادي النيله ..
هو الراجل مظلوم؟
ده ظالم ومظلوم لكن ايها ارجح؟ الله اعلم
شكرا لحرفك الرجالي
تحيه

**دكتور أحمد الليثي** · 12-09-2007, 03:34 PM

[quote=ريمه الخاني;32680]يادي النيله ..
هو الراجل مظلوم؟
ده ظالم ومظلوم لكن ايها ارجح؟ الله اعلم
شكرا لحرفك الرجالي
تحيه[/quote

الرجل مظلوووووووووووووووووووم دائماااااااااااااااااااااً.
ههههههههههههههههههههههه

**رغد قصاب** · 12-09-2007, 05:46 PM

مظلوم يمكن في عصرنا الحالي ...
عوان والله عوان انا معكم
سامحوني يابنات

**دكتور أحمد الليثي** · 12-10-2007, 06:50 PM

الحقيقة عندنا احـنا الرجال
هيّ صدق كلمتنا في المَقال
أما النسا فالصدق كلمة معضلة
تنحاش في زور الدلعدي أم العيال
صدق ماشي بالمازورة يا شهرزاد
صدق تفصيل، حتى لونه يا اخْتِي زال
كل لحظة أشوف كلامها وطبعها
مرة سعيدة ومرة حالتها بألف حال
وجيت في يوم قلت يا واد اسمع لها
شوف حاجتها وهات لها من غير سؤال
لقيتها ساقت في الهبل من غير حساب
وراح ما جمعته في دنيتي، حتى العزال
وكل كلمة صاروخ عياره م التقيل
الخشم دانة والصدق أصبح شيء محال
لما خلاص طقت جنابي وارتفع
ضغط دمي، والمدام عايشة ف خيال
رحت رايح للجيران أخطب واناسب
ناس أصيلة يمكن المطلوب أنال
طلعت التانية برضه صورة منَّهـا
والتالتة أسخم وامهـا ف حرب وسجال
ورجعت حالف ع النسا من كل نوع
راح اصوم وصال، راح اصوم وصال.