عيـــونج ...

أجمل مابيج عيونج..
واجمل مابعيونج
كل الناس ايشوفونج
حلوه ..
وترفه
وسلة تين ..
واجمل ماالكه بروحي ..
من تتلاكه عيوني بسحر عيونج
تتحول كاعي الكرويه
الاخر كوكب مابالدنيه
وأنه وأنتي بين الكاج ..
وبين المامش
ويبقه الشك ابالي
ماتستوعب.. ولاانه ادرك كل الكلته
وجنت اتوقع اشما اسولف أنتي اسمعين
واسمع اشما كلتي اشتحجين
بس ثاريج عيون اسولف سكته
واجمل مامرسوم ابالي لوحه بحجم عيونج
اولو ليل ..
وعسعس ..
وجن اهلال أعله الحايط ابأحلك ظلمه
هنه عيونج مومامش عد غيرج منهن
بس اجمل مابيهن تتميزين


كاظم الفضلي