دانيت بالشوكولا
طعم ولا بالخيال
٣كاسات حليب
٣ملاعق اكل سكر كرمل مطحون ناعم (اذا بتحبوها احلى زيدوا السكر معلقتين )
٥ملاعق صغيرة كاكو غامق
قطعة شوكولا خام
٣ملاعق صغيرة نشاء ناعم (كورن فلور) مدوبة فنجان قهوة حليب بارد
حسب الرغبة نقطتين مركز نكهة البندق انا ضفتها طيبة كتير
منغلي الحليب عالنار
منكون خلطتنا السكر الكرمل مع الكاكو منيح بزبدية حتى ما يكتل الكاكو
بزبدية تانية مندوب النشاء بفنجان قهوة حليب بارد
بس يغلي الحليب منضيف قطعة الشوكولا الخام
مع التحريك ومنضيف الكاكو والسكر المكرمل
منحرك ليدوبوا تمام منضيف النشاء المدوب متل الخيط فوقهن مع التحريك ونقصتين المركز البندق
منجهز كاسات
منحط معلقة معلقة بكل كاسة بالقاعدة حتى ما تكسر من الحرارة لتاخد دفا بعدين منوزعهن بسرعة بيطلعوا ٥كاسات من يلي بالصورة
وعالبراد لتبرد منزينها بمبروش الشوكولا البيضا والسوداوحبة بندق
ظريفة للضيافة ومرتبة
وممكن تحطيها بزبادي هلأ طريقة السكر المكرمل
من سكر عالنار ليدوب ويشقر منيح بتدهني رخامة بالزيت وبتصبي الخليط علية وبتمدية بيصير متل لوح الزجاج ليبرد بتكسري وبتصحنية عالناعم نمطحنة البن بيصير بودرة بتحتفظي في بالفريزر حصرا لوقت الاستعمال بتستعملي منوا وبترجعيةبمرطبان
لانوا بيدوب
انا بعمل كمية وبخلية بالفريزر

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي