أحكى وقول ياورق
ع اللى كتبوا فى الدفاتر
بارليف بعزم أتحرق
وانطلقت المعابر
كسرنا بايدينا الصخر
عدينا بحور النار
أكتوبر ياعزة وفخر
أخدنا بايدينا التار
مبروك عليكى الفرح
اللى جابوه لولاد
بيكملوا فى صفحتك
أماجد الأجداد
ألفين سلام ياجدع
لعبعاطى وعب جواد
المصرى جاب الأمل (* )
والحق بايديهم عاد
______
(* ) لعبعاطى : المقصود هو البطل محمد عبد العطى الذى دمر 23 دبابة إسرائيلية خلال معارك أكتوبر 1973
عب جواد : المقصود البطل عبد الجواد محمد مسعد سويلم بطل معارك الأستنزاف والجندى الأسطورة .
المصرى : المقصود هو البطل محمد المصرى صاحب الرقم القياسى العالمى فى تدمير الدبابات حيث دمر 27 دبابة إسرائيلية خلال معارك أكتوبر 1973
__
نبض / إبراهيم خليل إبراهيم