حكومات عربية مدسوسة ( بقلمي ) كنعان ابو شاويش

[كنعان ابو شاويش]

حُكُومَاتْ عَربْية مَدسوسِة

عيسى نَبيْ
موسى نَبيْ ..
حُكُوماتْ عَربيةْ تِسألْ ؟
فِلسْطينْ محَاصرةْ !!
وَالله سَؤالْ غَبيْ ..
وقراراتْ مَا تِنعَطى
إلا بِمزاداتْ .. يَلا اشتَريْ
أسألْ مِينْ اِنتْو ؟؟
والله سُؤالْ ذَكيْ
موَجَهْ لحكُومَاتْ مَعروفةْ
غَبيةْ ..


أساسْ مُصيبتنْا
والْمُصيبةَ الأكبَرْ عَربيةْ ..
وَقال شوْ تَعبانهْ
طوالْ حَياتْها شَقيانه
تَباحِثْ في هَالقضيةْ ..


طالعينْ .. نَازلينْ
واِلقِصَةْ صَارتْ نُزهةَ
غَربيةْ ..
ولا لِعبِةْ طَاقْ طَاقيةْ ..


مَا يُومْ أخذوا الأمِرْ
وَصارتْ القِصةْ جِديةْ ..
كُلها مَزِحْ بِالنسبَةْ الهُمْ
في سَلِةْ خُردةْ مَرميةْ ..


رَايحيْن .. جَايينْ لاِجتماعَاتْ
وكُلْ وَاحدْ فِيدُهْ زَمزميهْ
لما يعطَشْ يرتِويْ
أو يُرشْ عَلى البَقيةْ ..


مَا عِرفوا قِيمتهُمْ
مَا هُما تَحتْ الأحذيةْ
رؤؤسهم مَرميةْ ..
مِنداسْ عَليها مِنْ الصَاحِبْ
مِنْ الحِكوماتْ الغَربيةْ ..


طَنشنا هَالحالْ ..
وحصارنَا مَا زالْ ..
وهُما عَلى الكَراسيْ يتزاحمَوا
وكُلْ واحدْ يسرقْ شَويه
مَا خَلوا حَاجةْ ..
لِعبوا بِالوقتْ
وَخلوا الدقيقة تِنباعْ
بِمبالغْ رَمزيةْ ..
كُلوا عَلى حسابْ الشعوبْ
الغَلبانِةْ الْمَنسيةَ ..


نَاسْ تموتْ وَناسْ تِنجلِطْ
مِنْ وَرا هَالحِكوماتْ العَربيةْ
شوَية وَجبِة غِذاءْ
وشوَية تَبعيةْ ..
حَتْى الشوية مَا عَادتْ تَكفيْ
وَصارْ كُلْ الحَالْ للغَربْ تَبعيةْ


دَولةْ عَربْية تَصرُخْ ..
مَا حَدا يسمعُها
أزمةْ مَالية تَحصُل ْ
الله أكبرْ ..
مُساندِةْ مِنْ دِولْ عَربيةْ
قَالْ شوْ ..
مُساعدِةْ .. لإغَاثةْ الأزمةَ الأمريكِيةْ
أزمِةْ تِنخَفِضْ يلحَقوهْا ..
وَدولة تُصرخْ
تموتْ .. ويسيبوهَا


يَا حُكوماتْ بِالغَباءْ مَعروفةْ
رواتِبْ مِنْ الغَربْ لهُمْ مَصروفةْ
يلعَنْ هَيكْ غَباءْ
وَحُكوماتْ عَلينا مَدسوسةْ
يلعَنْ هَيكْ غَباءْ
وحُكوماتْ عَلينا مَدسوسةْ


بقلمي ( كنعان ابو شاويش )

[جوتيار تمر]

الا تراها اشبه بقصيدة ساخرة، من حيث التوظيف اللغوي والاسلوب الذي اتبعته، كالتوزيع البصري..؟
النص يحمل كل مقمومات الرفض للواقع ، وحمل الحكومات مسؤلية ما آلت اليه اوضاع الناس والبلاد.......

محبتي
جوتيار