شفتك ع كتفي ياوطن
بحياة الله يا الأهل حاجي..صار النهار بـْدارنا داجي

الشراع حايم تايه ومقهور..والريح عم بـْتـْلـَخبـِط مواجي
كل يوم بحكي للزمن قصة ! ..ضاع العمر والغصة بالغصة
نام الـقــَطـَا ..والقلب بالميزان !..غارْ الصباح ..وُلـَيـْلـْنـَا تـْوَصَّا
عم بحلم وهالخوف حاملني ..والدرب صعبهِ ..وُنـُوْحْ آ لـَمـْنـِي !
يا ريت ترجع يا سْرب نيسان..وُتـْرَجـِّعْ الغيم الـْوُقِـع مـنـِّي
وحدي ع شباك الأهل سهران !..والوطن عامل للقلب أنـِّهِ
شـْفتـَك ْ ع كـْتــْفـي يا وطن حيران!..خايف عليـِّي..وُمـْسـْتـِحِي منـِّي
وُإنت اللـِّي صوتـَك عالمدى رنـَّان ..معجون فيـِّي مو جزء منـِّي !!!!!!
يا شام دمعِك جرَّح خدودي..والروح لـيْكي تـَوَّهـِتْ عـنـِّي
صلـَّيْت ع ديالـِك يا سوريَّا..ورح ضـَل صلـِّي طيلة الأيَّام
بركي الحبايب تشتبك دَيَّا ... وتـْصير ها لمحنهِ حَكي وُأ وهام
وُتـْغـْلـِي يا حلوي بالعـشق مـْتـْلـِي..وُتـْتـْمـَرَّغي.. بالحب وُالأحلام