امثال دمشقية قديمة

[ريمه الخاني]

امثال دمشقية قديمة
طريفة


الحماية يلي بتحب الكنة إلها كرسي بالجنة ..


الحماية يلي بتحب الصهر عجبة من عجايب الدهر ..


دلل حماتك و كساب ودها أحسن ما تفتحلك طاقة ما تقدر تسدها..


لو بدي اصرف من كيسي ما بسميك عريسي


كل ما بحطو بالصدر بلاقيه بالعتبة.


الاب بصل و الام توم منلك الريحة الطيبة يا مشؤوم


حطو الجمل جنب القبة و قالولو مالك حردبة


لولا الغيرة و الحكة ما كان حدا زار مكة


عاشر الغني بيغنيك و عاشر الجربان بيعديك


كل ما فتح جزدانو بترجف سيقانو


ع الشغل مريضه وع الاكل وين معلقتي العريضه


خبزة وجبنة وبهدوء ولا عزيمة مطنطنة وشم ولا دوء


ربك رب العطا بيعطي البرد على قد الغطا


ئال الجمل لو شاف حردبتو لوقع و انكسرت رقبتو




لولا الحسد والظنة كانو كل الناس دخلو الجنة


قلل ناسك بيرتاح رأسك


لولا النسيان ما ضحك إنسان


كل شي بالسيف الا المحبة بالكيف


ضلالي وعامل إمام


اذا غلي عليك الضاني ميل على الحمصاني




سبع صنايع والبخت ضايع


الحظ دخل من بابهم وبدل فولهم بكبابهم


حبيته وداريته ولما اعتزته ما لقيته


البصلة عيرت التومة وقالتلا ريحتك خلتني مزكومة


اللي بيتكل ع زاد غيره بيطول جوعه وليله


لسانه من رطب وأيده من خشب


غسل وشك مابتعرف مين ببوسه وكنس بيتك مابتعرف مين بدوسه


الغزالة الشاطرة بتغزل على ذنب الكلب


لاتستعيري من الجارة والخضري براس الحارة


طبخة الشطاطة مفركة بطاطا


عزيمة بدون كبة متل جامع بلا قبة


وقت بتنتهي المصالح بيصير الحلو مالح


ياحماتي لاتقولي عني شرنة ما انتي كنتي قبلي كنة

[راما]

حلوة جدا ياليت استطيع الاضافة

[آمنه أم وليد]

اقطع رجل الكلب ودليها , واللذي به عادة لا يخليها

[ريمه الخاني]

حلو
وهذه سوريات
http://omferas.com/vb/t42724/
وبانتظار المزيد

[رياض محمد سليم حلايقه]

تراث جميل ومهم ارشفته
في بلدتي هناك جهد كبير لجمع الامثال والتراث في كتاب واحد
احترامي