المارد

[عماد حسنى]

المــــــارد
أمته المارد
يطلع بقى م القمم مره
ويقوم فارد طوله ويدفع
عنا بلاوى العيشه المره
أمته المارد
هايقوم بقى من نومه البارد
يجمع تانى العمر الشارد
فى البريه
ويروح طارد
كل وحوش الغابه الجايه
تجرى علينا
وتنهش فينا بكل آسيه
أمته المارد
من طول نومه ياخدله أجازه
والايثور على عمره المحبوس
جوه قزازه
أمته الثوره تكون بركان
يظهر مره فى غضبه الجان
أمته الكان هايكونله مابينا
الوقتى مكان
زى ماكان

[الشربينى خطاب]

أصل المارد شارب بوظة
ومعاه مُزة ذي القشطة
سكران طينة في قعر إزازة
ذي الفار اللي صايد قطة
وبيتباهي أمام الشلة
لهو قادر يمسك روحه
ولا قادر يزق الفلة

[أديبه نشاوي]

جميله هي اللهجه المصريه
سررت بقراءة نصك
وفقك الله

[عماد حسنى]

اشكرك اديبه على اهتمامك ومتابعتك