شاميات

[أم محمود]

عجين وعدس وبصل محمّر
وكزبرة وتوم وخبز مقمّر
زيت بلدي وتمر هندي

فوائدها كبيره وبتلم بلد
ست وعمة وخال وولد
وخود ياتيتة هالزبدية لسابع بيت
بس وصيهم يديروا بالهم عليها
هي روميو وجولييت

حراءأصبعو كانت لمّة بلد
بيتوجب فيها الكبير والولد
أكلة بدها نفوس هنية
وهمة وطيبة وحنية

حراءاصبعو شغلة من هداك الزمان
يلي اذا حضرِت يااااا دوب تلاقي لحالك مكان ...

بس صحينا اليوم على شغلة اسمها اندومي وجبة البلد
راكضين عليها الناس
لأنو هيك صارت حياتنا
شغلة بتشتريها لحالك
وبتطبخها لحالك
وبتاكلها لحالك
وبتضر حالك بحالك ��

#رجعوا_للأصل_لأنو_نحنا_ولاد_أصل
ولااااا تاكلو أكل ميت مافي روح

[رغد قصاب]

أمثال شامية مهضومة :

: العزيمه بلا كبه متل الجامع بلا قبة
:اللي بزورنا بحل البركة و اللي مـا بزورنـا بخفف لبكة
: الي قلبه رقروق بضل طول عمره خروق....
قال خطبي الطول والعيون والباقي شو ماكان يكون ..
رضينا فيه والمخطة على كمو ... لا عجبناه ولا عجبنا امو..
المونة بدا ركونة ، ما بدها مرا مجنونة
اسآل الأقرع واستشيره ماراح شعره إلا من كتر تفكيره
: عيشة الفهيم مع البهيم داء سقيم
:يا أم بنطلون مرقع صار لك بيت ومربع
كنتي تمشي حفيانة صار اسمك ست فلانة
دلل حماتك واكساب ودها أحسن ما تفتحلك طاقة ما تقدر تسدا...

[أسامه الحموي]

صفات مدح النسوان بالشام
مرتّبة , موجّبة , مقولبة , ملفوفة , مزكّاية , غلّاية , حكّاية , غميانة , ملسنة , مسخنة , مستتة , مستورة , مسايرة , فالحة ، عايقة, ظريفة , خفيفة , نشطة , حركة , متأنّة , منظنظة , لهلوبة , مسرسبة , هنيّة , برمة , رشقة , مؤوننة , متقّنة , مفتّحة ,

راتبة , رازنة , نازيك , سمبتيك ..مسنيرة ,مشأرأة , مشبرقة , مسيّطة , كربوجة , مهضومة ,

زهراويّة , رهجة , مهيوبة , أكابريّة , وكتفها راتب !!
___________

* اسماء وصفات القدح والذّم :

شالوحة , شرشوحة ,سنكوحة , سحنوكة , معصمصة , مكيلحة , مبطبطة , منطوطة , مطبلجة ,مكبتلة ، مدربسة ، مريقنة , مصفرنة , معلولة , مصوفنة , متوّكة , مخستكة , امسوكة , مفزلكة ,

محورءة , مجولئة , محندئة , مبندئة , مبحلقة , مفتّئة , مبوجئة , منونئة , مدهرنة , مأهرمة , موسوسة , مأنّفة ,مأنزعة , مأنتنة ,

مفروطة ,مجلوطة , مجلوئة , مدلوقة , زقزوقة , مبقوقة , طرطوعة , مصروعة ,

شطّاطة , شاضومة , مدهرنة , مأهرمة , مأنبرة , مأنزعة , مقطّعة , موصّلة ,

قوية , شرنّة , جفصة , جرصة , مفعوصة , فلعوصة , لعّاية , رغّاية , أرئورة ,

وخمة , عفشة , رشلة , رشمة , هرشة , ورشة , لكعة , عكّة , عوكة , زمكّة , معتعتة ,

سهيانة , نعناية , بليانة , كعيانية , سايطة , نايطة , رطبة , نيّة , باردة , متشتشة , مهرمشة , مفوخرة , مسهمة , واشّة ,

قارحة , سارحة , سايحة , نايحة , مأنشحة , زنّانة , رنّانة , مطيلسة ,

مقمّعة , مسلوعة , مشخلعة , مزعوطة , مشلعطة ,مشلوطة , مزلقطة ,مطأطأة , مرقوصة , مشلطة , واهية , داهية , , ,

مهركلة , مبهدلة , مهرتكة , نسناسة , سلّالة, سرنوّة ,

أم كمونة , أم طمزة , أم دمعة , أم هزّة , أم سلبة , أم شفتور , أم قويق , أم اربعة وأربعين , قادرة , مكرعبة , مكرنبة ,معتّرة , مشخترة , حلسة , ملسة , نسّة , نور يّة , بكحة ,صئائية , شيبة , مبوزمة , كحتوتة , ودقنا كوساية , وعصاية طئي كمان .

[سحر أبو حرب]

[شَاميّات ]
(âک€ï¸ڈ طءْيت الحَمرا âک€ï¸ڈ)
بالشام.. وتوصيفا لزمن معين في بحر النهار,
يُطلق على الفترة بين آذان الظهر وحتى آذان العصر,
وتحديدا المكان الذي لاتظلله الأشجار,
حيث تكون الأرصفة تغلي من شدة الحرارة,
والمشي عليها يكاد يحرق النعال ويفصلها عن الحذاء,
فيختلق الشامي تأييدا لحدة الشمس فوق رأسه :
( وصلت بطئيت الحَمرا )
ويتابع : ساخ بزر مخي..! عم يزرب مني العَرق زَرب..!
المألع مابيطلع بهالوقت..! شي بيشوي شوي..!
جهنم وفاتحة بوابها..! دخلكن على دمعة مَي باردة..!
وحين وصوله الميمون للدار بياخد شَوَر ويتابع :
خَخَييي مافي أحلى من بيتو بني آدم..!
الله يديمها نعمة.. وين صحن البطيخ البارد ياجماعة..؟
فقد بدأت الشمس تللوي والبرداية صارت تهووي..
وفنجان قهوة بعد صلاة العصر عم يغللي..
وتسطيحة عالبلاط يلي متل المرايا شي بيغرري..
غطولي خاصرتي.. مابدي فز مللوي..؛؛
سحورة

[أبو فراس]

مصطلحات شامية عتيقة :
**********************
*أم أم حالو* : وسخ نفسه
*لسعتني* : لا أزال
*بركي* : احتمال
*بركدن*: احتمال أيضاً
*تنئ* : تلح على الموضوع
*شييي* : توقف عن هذا النقاش المزعج
*باب زئاء* : باب المنزل الخارجي
*أدء رئبة* : اسوء من الذي قبله
*لعنة مكبرتة* : شخص مكار
*بنوب* : نهائيا
*مخستك*: مريض
*عواضن* : عوضا عنهم
*محموء* : مهتم للأمر كثيرا
*مأروء* : منزعج
*رايئ* : سعيد
*أفعت معو* : لم يعد يتحمل وفقد صبره
*عم تكش علينا* : انت تكذب الآن
*سكملة*: طاولة صغيرة
*التق*: كنباية لشخص واحد
*آطع*: كنباية لعدة أشخاص
*انفلئ* : افعل ما شئت فأنا غير مكترث
*حليئ من هون* : اغرب عن وجهي
*سنجئ عرض* : الشخص الذي يعارض كل شيء
*بمشئيتون* : بجانبهم
*وزّن* : فعل امر بمعنى اجمد وحافظ على وقارك
*لحنا* : نحن
*لح أو رح* : بمعنى سوف
*مالي غضران* : لا استطيع
*شحني* : أنا هنا امامك
*ليكني* : أنا هنا امامك
*بدي رو* : بمعنى اريد ان اذهب
*شه* : علامة استفهام تستخدم اذا لم يعجبك الحوار
*شبك* : ماذا بك ؟
*وشي* : وجهي
*مأنزع* : مغرور و متكبر
*خسل وشك* : اغسل وجهك
*انبحت*: لم يعد يتوقف عن الكلام
*سد حلئك* : اسكت
*باجوقك*: فمك
*شيت* : تستخدم للملكية / هذا الشيء لي " شيتو .. شيتي "
*غليظ/سئيل* : كلها تأتي بمعنى دمه ثقيل
*نشء عليه* : نزوره في منزله للإطمئنان على صحته.
*بأفرك* : استطيع ان اكشفك بسهولة
*ليش بئا* : لماذا
*لا تسلبا / لا تخاتلا* : لا تحاول الانكار فقد قرشتك
*قرشتك*: قبضت عليك متلبسا
*يتناوء فيني* : ينظر الي نظرات مريبة
*مشأرء* : اكثر من مبسوط
*لا تلئني* : لا تلمسني
*أوام* : بسرعة
*شبك*: ما بالك
*إشتلئ* : انتبه للأمر
*على بنى* : على اساس
*بلا لوفكة* : لا تحاول تغيير السيرة
*روح اندفس*: تقال للولد الغليظ عندما يريد أهله منه أن ينام
*يعلى عيونك* : وتستخدم لعدة مواقف
*اصحك*: انتبه ان تتورط
*أوعك* : بمعنى اصحك
*اخطوف رجلك*: اذهب الى هذا المشوار القصير
*ما فشرت ولا* : وتستعمل في نهاية نقاش حاد وقبل بداية قتال الشوارع
*أسع*: أزح قليلا لو سمحت وأحيانا بدون .. لو سمحت
*لا تاكل هم* : لا تحمل هم الدنيا ومعاناتها
*ينضرب على آمتو*: فليتحمل نتيجة قراره
*يسطفل* : فليتحمل نتيجة قراره .. ألطف من التي قبلها
*يتحورق ويتأمع*: لم نجد لها معنى
*مجنط*: مفلس
*كحتة*: بخيل جدا
*نعيان*: كسلان
*عقله جوزتين بخرج*: تفكيره محدود
*حاجة تحوص وتلوص*: يكفي مناورة
*خروء* : خرطي : جبان
*معت*: يحب العتعتة
*بيمزع العئل*: جميل جدا
*فتيلته طويله*: ياخذ وقتا للاستعداد
منقول

[أبو فراس]

مصطلحات شامية عتيقة :
**********************
*أم أم حالو* : وسخ نفسه
*لسعتني* : لا أزال
*بركي* : احتمال
*بركدن*: احتمال أيضاً
*تنئ* : تلح على الموضوع
*شييي* : توقف عن هذا النقاش المزعج
*باب زئاء* : باب المنزل الخارجي
*أدء رئبة* : اسوء من الذي قبله
*لعنة مكبرتة* : شخص مكار
*بنوب* : نهائيا
*مخستك*: مريض
*عواضن* : عوضا عنهم
*محموء* : مهتم للأمر كثيرا
*مأروء* : منزعج
*رايئ* : سعيد
*أفعت معو* : لم يعد يتحمل وفقد صبره
*عم تكش علينا* : انت تكذب الآن
*سكملة*: طاولة صغيرة
*التق*: كنباية لشخص واحد
*آطع*: كنباية لعدة أشخاص
*انفلئ* : افعل ما شئت فأنا غير مكترث
*حليئ من هون* : اغرب عن وجهي
*سنجئ عرض* : الشخص الذي يعارض كل شيء
*بمشئيتون* : بجانبهم
*وزّن* : فعل امر بمعنى اجمد وحافظ على وقارك
*لحنا* : نحن
*لح أو رح* : بمعنى سوف
*مالي غضران* : لا استطيع
*شحني* : أنا هنا امامك
*ليكني* : أنا هنا امامك
*بدي رو* : بمعنى اريد ان اذهب
*شه* : علامة استفهام تستخدم اذا لم يعجبك الحوار
*شبك* : ماذا بك ؟
*وشي* : وجهي
*مأنزع* : مغرور و متكبر
*خسل وشك* : اغسل وجهك
*انبحت*: لم يعد يتوقف عن الكلام
*سد حلئك* : اسكت
*باجوقك*: فمك
*شيت* : تستخدم للملكية / هذا الشيء لي " شيتو .. شيتي "
*غليظ/سئيل* : كلها تأتي بمعنى دمه ثقيل
*نشء عليه* : نزوره في منزله للإطمئنان على صحته.
*بأفرك* : استطيع ان اكشفك بسهولة
*ليش بئا* : لماذا
*لا تسلبا / لا تخاتلا* : لا تحاول الانكار فقد قرشتك
*قرشتك*: قبضت عليك متلبسا
*يتناوء فيني* : ينظر الي نظرات مريبة
*مشأرء* : اكثر من مبسوط
*لا تلئني* : لا تلمسني
*أوام* : بسرعة
*شبك*: ما بالك
*إشتلئ* : انتبه للأمر
*على بنى* : على اساس
*بلا لوفكة* : لا تحاول تغيير السيرة
*روح اندفس*: تقال للولد الغليظ عندما يريد أهله منه أن ينام
*يعلى عيونك* : وتستخدم لعدة مواقف
*اصحك*: انتبه ان تتورط
*أوعك* : بمعنى اصحك
*اخطوف رجلك*: اذهب الى هذا المشوار القصير
*ما فشرت ولا* : وتستعمل في نهاية نقاش حاد وقبل بداية قتال الشوارع
*أسع*: أزح قليلا لو سمحت وأحيانا بدون .. لو سمحت
*لا تاكل هم* : لا تحمل هم الدنيا ومعاناتها
*ينضرب على آمتو*: فليتحمل نتيجة قراره
*يسطفل* : فليتحمل نتيجة قراره .. ألطف من التي قبلها
*يتحورق ويتأمع*: لم نجد لها معنى
*مجنط*: مفلس
*كحتة*: بخيل جدا
*نعيان*: كسلان
*عقله جوزتين بخرج*: تفكيره محدود
*حاجة تحوص وتلوص*: يكفي مناورة
*خروء* : خرطي : جبان
*معت*: يحب العتعتة
*بيمزع العئل*: جميل جدا
*فتيلته طويله*: ياخذ وقتا للاستعداد
منقول

[أبو فراس]

رغداء قدسي

حوار !!!

- أنا سمعت أنو عم يتم استيراد شباب .....

- شو هالحكي ؟؟ شباب ؟

- اي والله يا معلم ....

- ودخلك هالمنتج .. قديش عم يكلف تصنيعو ؟؟

- والله هاد يعد أكثر منتج بكلف .... لأنو هوي نتيجة زواج .. والزواج مكلف ...
وبعد الزواج بكلف حق عملية التوليد حتى يتم اخراجو من بطن أمو بعد تسع شهور ...
وبعدها بدو حليب ورضاعة وسيريلاك وحفافيض ودكاترة .... وبدو تفرغ مشان تعلمو الصح والغلط وتدرسو وتثقفو ....

- ودخلك قديش بتاخد مدة تصنيعو ؟

- والله يا صديقي.... مو أقل من عشرين سنة ....
- اوووووووه والله كتير لكن غالي هالمنتج .... بس أكيد عم يبيعوه بسعر عالي ....

- لا والله يا حبيب .... عم ياخدوه الدول ببلاش ....

- معقول ؟؟

- اي نعم ببلاش ولا بيدفعو حقو دولار واحد ....

- طيب ولا حتى أجور الشحن ؟؟؟

- لا والله يا معلم ... ولا حتى أجور الشحن ... لأنو هالمنتج عم يجي لحالو على بلد الاستيراد ... وعلى حسابو الشخصي ....

- ودخلك كيف عم يضمن المستورد جودة هالمنتج ؟؟
بركي المنتج تعبان أو معطوب ؟؟

- لا لا تخاف من هالناحية ... لأنو هالمنتج عم يقطع مسافات طويلة مشي بين الغابات والبساتين وعم يهرب من الشرطة ويسبح بالبحر .... يلي عم يصل هو المنتج القوي والفهمان والنشيط ..... التعبان ماعم يقدر يصل ......

- اييييه ..... نيال هالمستورد قديشو محظوظ ....

- اي والله محظوظ .... كان عم ياخد نفط وغاز ومحاصيل زراعية .... هلق صار بدو شباب .....
هلق ضفلنا وظيفة جديدة .... هيي أنو نجبلو ولاد ونربيهم ...... ونبعتلو ياهن ...
فمبارك لها المستورد الثروات المادية والبشرية ....
ومبارك لولادنا وبلادنا !!

[أبو فراس]

رغداء قدسي

حوار !!!

- أنا سمعت أنو عم يتم استيراد شباب .....

- شو هالحكي ؟؟ شباب ؟

- اي والله يا معلم ....

- ودخلك هالمنتج .. قديش عم يكلف تصنيعو ؟؟

- والله هاد يعد أكثر منتج بكلف .... لأنو هوي نتيجة زواج .. والزواج مكلف ...
وبعد الزواج بكلف حق عملية التوليد حتى يتم اخراجو من بطن أمو بعد تسع شهور ...
وبعدها بدو حليب ورضاعة وسيريلاك وحفافيض ودكاترة .... وبدو تفرغ مشان تعلمو الصح والغلط وتدرسو وتثقفو ....

- ودخلك قديش بتاخد مدة تصنيعو ؟

- والله يا صديقي.... مو أقل من عشرين سنة ....
- اوووووووه والله كتير لكن غالي هالمنتج .... بس أكيد عم يبيعوه بسعر عالي ....

- لا والله يا حبيب .... عم ياخدوه الدول ببلاش ....

- معقول ؟؟

- اي نعم ببلاش ولا بيدفعو حقو دولار واحد ....

- طيب ولا حتى أجور الشحن ؟؟؟

- لا والله يا معلم ... ولا حتى أجور الشحن ... لأنو هالمنتج عم يجي لحالو على بلد الاستيراد ... وعلى حسابو الشخصي ....

- ودخلك كيف عم يضمن المستورد جودة هالمنتج ؟؟
بركي المنتج تعبان أو معطوب ؟؟

- لا لا تخاف من هالناحية ... لأنو هالمنتج عم يقطع مسافات طويلة مشي بين الغابات والبساتين وعم يهرب من الشرطة ويسبح بالبحر .... يلي عم يصل هو المنتج القوي والفهمان والنشيط ..... التعبان ماعم يقدر يصل ......

- اييييه ..... نيال هالمستورد قديشو محظوظ ....

- اي والله محظوظ .... كان عم ياخد نفط وغاز ومحاصيل زراعية .... هلق صار بدو شباب .....
هلق ضفلنا وظيفة جديدة .... هيي أنو نجبلو ولاد ونربيهم ...... ونبعتلو ياهن ...
فمبارك لها المستورد الثروات المادية والبشرية ....
ومبارك لولادنا وبلادنا !!

[رغد قصاب]

نصيحة ستي

علمتني ضل اجلي ليزقزق الصحن
بالأخير صار معي التهاب أعصاب والصحن انكسر

علمتني مارد جواب حتى لو معي حق لانو السكوت أدب
صار معي تشنج كولون و لقيت الجواب بمحلو قمة الأدب

علمتني ابخل على حالي وهي بلاها وهي لشو دوبو هالرجال المعتر
وبعد كم سنة هالمعتر اتجوز بشرم الشيخ اتمشور

علمتني صمد وقيم وخبي قرشك الأبيض ليومك الأسود
راح اليوم الأبيض والأسود وصرت عالعكازة واللي مخبيتو لدوا والدكتور مصمد

علمتني اسمع كلام الناس واخدو لحياتي مبدأ
طلعو الناس عم يكسرو مأديفي والشاطر عكتافي بدو يطلع

علمتني جوزك قبرك لا بتنقي ولا بتطلبي وشو مابقلك بتعملي وطلعاتك وفوتاتك بتقللي
طلع في رجال بحبو المراة اللي شخصيتا قوية
ورجال بحبو المراة اللي بدمعتا في حنية
والرجال كلون بيحبو المراة اللي بتعرف حقا وبتطلبه بلباقة

علمتني عيش معو عالخبزة والزيتونةوخلي يعمرلي بيت بركونة
وبعد صبر وتعب وعيشة عالمعونة
طقها جوازة تانية بوحدة بالصرف مجنونة

فأنا هلاء صرت بعمر الخمسين ياعيوني
وقصتي حكيتا بدمعات عيوني

نصيحتي الكم
عيشي كما تريدي انتي ليس كما تريد لك الحياة

[رغد قصاب]

نصيحة ستي
منقول

علمتني ضل اجلي ليزقزق الصحن
بالأخير صار معي التهاب أعصاب والصحن انكسر

علمتني مارد جواب حتى لو معي حق لانو السكوت أدب
صار معي تشنج كولون و لقيت الجواب بمحلو قمة الأدب

علمتني ابخل على حالي وهي بلاها وهي لشو دوبو هالرجال المعتر
وبعد كم سنة هالمعتر اتجوز بشرم الشيخ اتمشور

علمتني صمد وقيم وخبي قرشك الأبيض ليومك الأسود
راح اليوم الأبيض والأسود وصرت عالعكازة واللي مخبيتو لدوا والدكتور مصمد

علمتني اسمع كلام الناس واخدو لحياتي مبدأ
طلعو الناس عم يكسرو مأديفي والشاطر عكتافي بدو يطلع

علمتني جوزك قبرك لا بتنقي ولا بتطلبي وشو مابقلك بتعملي وطلعاتك وفوتاتك بتقللي
طلع في رجال بحبو المراة اللي شخصيتا قوية
ورجال بحبو المراة اللي بدمعتا في حنية
والرجال كلون بيحبو المراة اللي بتعرف حقا وبتطلبه بلباقة

علمتني عيش معو عالخبزة والزيتونةوخلي يعمرلي بيت بركونة
وبعد صبر وتعب وعيشة عالمعونة
طقها جوازة تانية بوحدة بالصرف مجنونة

فأنا هلاء صرت بعمر الخمسين ياعيوني
وقصتي حكيتا بدمعات عيوني

نصيحتي الكم
عيشي كما تريدي انتي ليس كما تريد لك الحياة