شاميات

[أم محمود]

ﻣﻮﺍﺻﻔﺎﺕ ﻏﺮﻓﺔ ﺍﻟﻀﻴﻮﻑ السوريه😎
١ - ﺑﺎﺭﺩﻩ ﻓﻲ ﺍﻏﻠﺐ ﺍﻻﻭﻗﺎﺕ ﻋﻦ ﺑﺎﻗﻲ ﺍﻟﻐﺮﻑ
٢- اكبر الغرف مساحة على الاغلب
٣ - ﺗﺴﺘﺨﺪﻡ ﺍﺣﻴﺎﻧﺎ ﻟﻨﺸﺮ ﺍﻟﻐﺴﻴﻞ
٤ - ﺗﺴﺘﺨﺪﻡ ﻟﻔﺮﺩ ﺍﻟﻤﻠﻮﺧﻴﻪ
ﺍﻟﺒﺎﻣﻴﻪ
٥ - ﻣﻘﺪﺳﻪ ﻭﻣﻤﻨﻮﻉ ﺍﻟﺪﺧﻮﻝ ﺍﻟﻴﻬﺎ ﺍﻻ ﺑﺎﻟﻀﺮﻭﺭﻩ ﺍﻟﻘﺼﻮﻯ😡
٦ - أﺣﻴﺎﻧﺎ أحيانا بيقعدو ﻓﻴﻬﺎ ﺍﻟﻀﻴﻮﻑ 😂

[رغد قصاب]

في السويد 😆
مجرد إن يزعل الرجل وتزداد عليه الضغوط
يكره الحياة ويقرر الإنتحار!

وعندنا في سوريا :
- أزمة كهربا
- أزمة مازوت
- أزمة بنزين
- أزمة مي
- أزمة مواصلات
- أزمة سكن
○ ومديون
○ ومتخانق مع مرته
○ والدوام زيادة بدون إضافي
○ والبيت ايجار و كل يوم مطرود
○ والسيارة بالتصليح
○ وحموضه
○ وقولون
○ وبواسير
○ وضغط دم وسكر
○ وحساب عند السمان
○ والموبايل متعطل وما فيه رصيد

وتلاقيه رافع رجل فوق الطاولة وعم يفصفص بزر
ويقول لرفيقو : والله جاي على بالي
اتجوز واحدة تانية😃😃😃😏😏

شعب متعووب عليه😂😂

[أبو فراس]

‏âپ§من جمال اللغة السورية ����‬âپ©
‏مرادفات كلمة ضربو كف بالسوري:

‏شمطو كف
‏ندفو كف
‏سفؤو كف
‏معطو كف
‏سلخو كف
‏أدحو كف
‏ناولو كف
‏رأعو كف
‏فقعو كف
خلعو كف
طجّو كف
هفّو كف
طرأو كف
نسفو كف
قرطو كف
صمطو كف
سطمو كف
نأرو كف
لاخو كف
سطحو كف
لزءو كف
المهم..

طعماه كف

‏أتحداكم أن تجدوا هذه المرادفات في أي لغة أخرى.
شعب متعوب عليه
������������

[أبو فراس]

و تسألني يا صاحبي:
لماذا تغيّر طعمُ التفاح

زمان كانت أسماؤنا أحلى
و النساء أكثر أنوثة ..
ورائحة الطعام تتسرب من شبابيك البيوت ..
وساعة 'الجوفيال' في يد الأب العجوز أغلى أجهزة البيت سعراً وأكثرها حداثة ..
وحبات المطر أكثر اكتنازاً بالماء ..

,, زمان ,,
كانت أخبار الثامنة أقلّ دموية
والأحد الرياضي ..

كانت غمزة�� 'سميرة توفيق' تحرج الأمهات وتعتبر أكثر مشاهد التلفزيون جرأة ..

وأجرة الباص فرنك ونصف

والصحف تنشر فجرا" أسماء الناجحين بالبكالوريا ..

كان المزراب يخزّن ماء الشتاء في البراميل، أو بئر البيت ..

وكُتّاب القصة ينشرون مجموعات مشتركة ..

والجارة تمدّ يدها فجرا من خلف الباب بكوب شاي ساخن لصاحب النظافة(الزبّال) فيمسح عرقه ويستظلّ بالجدار!

ولم نكن نعرف بعد أن هناك فاكهة تتطابق بالاسم مع منظف الأحذية' الكيوي'

وأننا يوماً ما سنخلع جهاز الهاتف من شروشه ونحمله في جيوبنا!!

كانت 'القضامة المالحة! توصف علاجاً للمغص، والمغبرة للحموضة؛!
والقضامة المكسرة تسليتنا..

والأولاد يقبّلون يد الجار صباح العيد ..

وبوط الرياضة الصيني في مقدمة أحلام الطلبة المتفوقين

والتلفزيون يفتح السادسة بعد الظهر
و يغلق شاشته في موعد محدد مثل أي محل أو مطعم!

حين كانت أقلام “البيك الأحمر هي الوسيلة الوحيدة للتعبير عن الحب قبل اختراع الموبايلات ..

وعندما كانت المكتبات تبيع أوتوغرافات ودفاتر خاصة للرسائل أوراقها مزينة بالورد ..

كانت جوازات السفر تكتب بخط اليد، والسفر إلى جميع البلدان بالقطار والباص

وقمصان 'النص كم' للرجال تعتبرها العائلات المحافظة عيبا وتخدش الحياء

كانت البيوت لا تكاد تخلو من فرن 'أبو ذان وأبو حجر' الحديدي، والأمهات يعجنّ الطحين في الفجر ليخبزنه في الصباح ..

والأغنام والماعز تدق بأجراسها أن بائع الحليب صار في الحي ..

كان مسلسل 'حمام الهنا' لدريد ونهاد يجمع الناس مساء،..

ومباريات 'محمد علي كلاي' تجمعهم في سهرات الثلاثاء

و كانت الناس تهنئ أو تعزّي بكيس سكّر 'أبو خط أحمر' وزن مائة كيلو غرام..

والأمهات يحممّن الأولاد في اللكن ..

كان 'الانترنت' رجماً بالغيب لم يتوقعه أحذق العرّافين ..

ولو حدّثتَ أحدا يومها عن 'العدسات اللاصقة' لاعتبرك مرتدّاً أو زنديقاً تستحق الرجم

أما 'الماسنجر' فلو حملته للناس لصار لك أتباع

حين كان مذاق الأيام أشهى، ومذاق الشمس في أفواهنا أطيب ..

والبرد يجعل أكفّ التلاميذ حمراء ترتجف فيفركونها ببعضها

كانت لهجات الناس أحلى، وقلوبهم أكبر وطموحاتهم بسيطة ومسكينة وساذجة

الموظفون ينامون قبل العاشرة،

والزوجة في يوم الجمعة تخبئ سودة الدجاجة وقوانصها لتقليها للزوج دلالة على تدليله

حرارة الشمس كانت أكثر صرامة في التعامل مع الصائمين،, والثلج لم يكن يخلف موعده السنوي

كانت الحياة أكثر فقرا وبرداً وجوعاً، لكنها كانت دائما خضراء

و تسألني يا صاحبي:
لماذا تغيّر طعمُ التفاح

الله على ذاك الزمن البسيط البريء ..
هنيئا للذين عاشوه حتى ماتوا ولم يروا كل هذا الدمار النفسي الذي نعيشه ..اللهم ارحمنا فإنك بنا راحم ..

[أبو فراس]

ذكريات عبرت أفق خيالي
بارقاً يلمع في جنح الليالي
( مع الاعتذار لأبو كلثوم )

في عام 1956 باعت الدولة بموجب دفتر العائلة صفيحة مازوت وصفيحة كاز مختومتين
ماركة شل ب 185 قرشاً سورياً للمازوت
و210 قروش للكاز
اكتشفت هذه الحقيقة عام 2000 بدفتر عائلة جدي لأمي
ووجود الصفيحتين على السقيفة لم تفتحا

وفي عام 1960
كنا نطلب جرة الغاز على الهاتف من شركة
سوديغاز فتحضر سيارة خاصة بالشركة
فيها سائق وعاملين أنيقين يلبسان ملابس زرقاء خاصة بالشركة ويركبان الجرة مقابل
850 قرشاً سورياً وهم يشكرون !
ومعلمهم دائم التبسم الى درجة أننا في الحارة ( طلعة شورى ) كنا نطلق عليه اسم ( سنانو بيض )
والجرار جديدة أنيقة نظيفة من دون طعوجات

وفي أوائل السبعينات كان 20 لتراً من البنزين
الممتاز بحوالي 350 قرشاً
ثم ارتفعت الى حوالي 14 ليرة

أما في أواخر الخمسينات والستينات المبكرة فإن طنابر المازوت والكاز التي تجرها الأحصنة والكدشان كانت تدور في الحواري معلنة عن بضاعتها بواسطة ( طويطة ) (طاطوط. طاطوط )
خاصة وبسعر التنكة 185 قرش للمازوت و210 قرش للكاز
وكل ما سبق كان متاحاً
أما محاسن العصر الحديث فقد سمحت طوابير الاصطفاف من أجل الغاز والمحروقات
سمحت بنشوء صداقات بين المصطفين بسب
الأحاديث والحوارات خلال ثماني ساعات
انتظار ونشوء زيجات وشراكات مثلما فعل
الفيس بوك والواتس،،،،
ولكن بالمقابل زادت أمراض المفاصل والعضلات والبرد بين المواطنين ! والاصابات بالجرار الحديدية !
هذه من ذكريات الزمن الجميل فهل يعود هذا
الزمن

[أسامه الحموي]

هالمرة قصة صبية بعمر الخمسين حبت تحكيلكم ياها بقلمي أنا لتكون عبرة الكم لعلها تكون سبب بتغيير حياتكم
بعنوان

#نصيحة_ستي

علمتني ضل اجلي ليزقزق الصحن ��
بالأخير صار معي التهاب أعصاب والصحن انكسر ��

علمتني مارد جواب حتى لو معي حق لانو السكوت أدب��
صار معي تشنج كولون و لقيت الجواب بمحلو قمة الأدب ��

علمتني دلل ولادي ولبيلون كل شي ليحملوني بس اكبر ��
وبس كبرت كسرولي ضهري
بحملون وشفت كيف شوية قسوة للولد مابتقهر ��

علمتني عحالي
ابخل وهي بلاها وهي لشو دوبو هالرجال المعتر��
وبعد كم سنة هالمعتر
اتجوز و عشرم الشيخ مع العروس السنيورة اتمشور ������

علمتني صمد وقيم وخبي قرشك الأبيض ليومك الأسود��
راح اليوم الأبيض والأسود
وصرت عالعكازة واللي مخبيتو لدوا والدكتور مصمدâ™؟

علمتني اسمع كلام الناس واخدو لحياتي مبدأ��
طلعو الناس هدفي بدون يكسرو والشاطر عكتافي بدو يطلع��

علمتني جوزك قبرك لا بتنقي ولا بتطلبي وشو مابقلك بتعملي وطلعاتك وفوتاتك بتقللي ��
طلع في رجال بحبو المراة اللي شخصيتا قوية��
ورجال بحبو المراة اللي بدمعتا في حنية��
والرجال كلون بيحبو المراة اللي بتعرف حقا وبتطلب بلباقة حقا

علمتني عيش معو عالخبزة والزيتونة
وخلي يعمرلي بيت بركونة��
وبعد صبر وتعب وععيشة المعونة
طقها علي جوازة تانية بوحدة بالصرف مجنونة������������������

علمتني كون مع هالرجال خجولة
وبحقوقي الزوجية لشفافي مقفولة ������
فكشفتو كل يوم بيروح لشقة ملعونة ����
والو فيها عشيقة بحالها مفتونة ��
وطلباتا عندو اوامر وعشقان لحركاتا المجنونة ����

فأنا هلء صرت بعمر الخمسين ياعيوني
وقصتي حكيتا بدمعات عيوني

نصيحتي الكم لاتمشو عكلام ستي وستك
علمك وثقافتك خليهم حدك

مابيمشيكي بدنيتك غير علمك ومعرفتك

وكروب أسرار النواعم لو كان عزماني
كنت صرت حدا تاني

#وهالمرة اذكرونا بدعوة بظهر الغيب لعلها تكون سبب سعادتنا

#بقلمي_آلاء_الفواخيري

#كروب_اسرار_النواعم_مع_عبير

[رغد قصاب]

امثال شعبية لأول مرة تنشر ونتذكرهم و فيها التراث القديم
������������
1 - يلي مالو بنات ... ماحدا بيعرف إمتى مات

3 - يلي حظها قوي بتجيب البنت قبل الصبي

4 - البنت هدية ... والصبي بلية

5 - الحياة بدون أخت متل الطريق بلا زفت

7 - عشر أصهرة ع باب داري ولا كنة تكشف أسراري

8 - خود المعجعجة وضمها وخلي السنكوحة لامها


12 - يلي بدها يسعدها زمانها ... تجيب بناتها قبل صبيانها

14 - لو ما كان الطول مهغŒوب ... ما اخترعو للقصيرة كعوب

15 - دللي كنتك واكسبي ودها لانو إذا نوت عالشر ما حدا بردها

17 - سودة والخدم حواليها وبيضا وكل الشغل عليها

18 - قصي من لسانك وزيدي ع التنورة ... منو بتدفي سيقانك ومنو بتضلي مستورة

19 - سودا زرقا وقاعدة عالتخت ... وبيضا شقرا مالها بخت

20 - خود التخينة وأوعى تخاف ... منها مخدة ومنها لحاف

21 - ابن الأصل لو طعميتوا خبز حاف ... بيصون وقليل الأصل لو طعميتوا لحم الكتاف بيخون

22 - فكرناهن رخصوا ... طلعو ببلاش

23 - بنت الأصل بتخلي كوخها قصر

24 - دنيا ما عليها عتب ... فيها المصدي وفيها الذهب

[شآم الخاني]

في سوريا فقط�� ������

- اذا مر حدا فوق الولد ما بقا يطول ( ليش ما بعرف , أنتو بتعرفوا ليش �� !)

- قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )

- رش المي فراق

-اذا اجت الكندرة فوق الكندرة يعني رايحين مشوار
(واذا اجت تحتها يعني راجعين من المشوار ؟؟!!)

- اذا زحف الولد او زقزقت العصافير معناها جاينا ضيوف

- اذا طنت ادنك اليمين حدا عم يحكي عنك بالمنيح
و اذا طنت اليسار معناها حدا عم يجيب سيرتك بالعاطل
(واذا طنوا مع بعض معناتها طرشت عليك العوض )

- اذا رفت عينك اليمين بيكون جاييك خبر طريف
واذا رفت عينك الشمال بيكون جاييك خبر مو منيح
(اما اذا رفوا سوى فأنت اكيد احول )

- اذا حك حاجبك معناها بدك تستقبل حدا جاي من السفر

- إذا حك كف اليمين معناها بدك تقبض مصاري
وإذا حكك كف اليسار معناها بدك تدفع مصاري
(اما اذا حكك شي تاني بقى فأنت اكيد جربان روح تحمم )

- و ما بصير الحمام بالليل
(طبعا شي بديهي لأن اكيد المي بتكون مقطوعة )

- واذا شفت مقص مفتوح لازم فورا تسكرو
( لانو المقص الفاتح تمو بيعمل خناق )

-وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)

- ودلق القهوة رزقة كمان .......... جخو

- و شرب المي بعد القهوة قلة زوء
(حتى لو اتشردقت موت ولا تشرب مي )

- و اذا الولد الصغير ابن الشهور عم يضحك لحالو
بيقولو الملايكة بتكون عم تحاكيه ( يعني يمكن خبرتو شي نكتة )

- كمان يلي حامل بصبي بتتباشع واذا حامل ببنت بتحلا ..........
(واللي بتضل على حالا هي وحامل رح تجيب سعدان يعني !!!! )

- وإذا الطفل قعد بالصينية وهي عالأرض بيرتعبوا لأنه
هاد الولد رح يضيع
(ويمكن يتشرد هاد اذا ما طلع حرامي كمان )

- و كمان إذا حدا صبلك شاي او قهوة وملى الفنجان كتير
بكون قلبوه مليان منك واذا صبها ناقصة هدا دليل
على انو هالشخص ناقص .........
(بقا لاقيلا حل اذا بتلاقيلا )

- واذا خايف من عين اتصيبك جيب ورقة واكتب عليها
اسم الشخص الي خايف من عينو وغزها بالدبوس
وانت عم تقرأ المعوذات وتقول من عين افلان و تنفخ...
(وفي حل تاني انك تروح تشيل عيونه وبلا وجعة هالراس)

- والي بيعدّ النجوم بيطلعلو تالولات ب ايدو
(بس اذا حسن يعدهم ما بيطلع شي) أو يمكن بيجوز يطلعلو شي تاني بمطرح تاني ��

و مييل يا غزييل وياغزييل مييل

[أسامه الحموي]

من العادات الشامية الجميلة :

من زمان كانت العروس أول ما توصل عبيت عريسا بالليل تغير الفتيل تبع سراج البيت بفتيل جديد وكانت تطالع هالفتيل من جهازا وتشغلو بايدا .. هلئ بقولوا انو معنى هالشي متل رمز لنور عهد جديد وحياة حلوة ومريحة مع ابن عما وكان العريس ما يحسن يقرب ع مرتو ولا يلمسا لحتى تخلص هالفتيلة وينطفى الضو تبعا .. وكل ما كانت الفتيلة طويلة لازم يستنا أكتر .. لهيك كتير منسمع وقت وحدة تتأخر هية وعم تحضر حالا بقولوا ( ولي عليها شو فتيلتا طويلة )

وكانت كمان من العادات انو لازم العروس تحط دكة مصنوعة من الحرير للسروال الداخلي و تحتال و تتذاكا بربط عئدة الدكة حتى تصير صعبة على العريس يفكا .. ومابصير يقطعا ابدا وكان العريس يستعين بأضافرو وسنانو ليحسن يفك العئدة ويلي كانوا يسموها ( حيلة ) وكل ما تأخر العريس بفك هالحيلة للعروس هلئ بقولوا انو كانت تدل ع رمز من رموز التعفف .. لهيك كانوا يقولوا عن البنت المستهترة ( الله يهديها دكتها رخوة ) يعني سهلة
التقاليد من زمان وقتا ما كانت بتسمح للعروس تجي ع بيت زوجا بدون الحيلة والفتيلة لهيك كانت تقول عن أغلى شي عندا ( هي الحيلة والفتيلة )
واخيرا عرفنا شو هي الحيلة والفتيلة .

[أسامه الحموي]

واحد كاتب عالسيارة من ورا برسم البيع
ورقم التلفون ....!
سيارة شرطة مرور ماشية وراه
قلو الشرطي لرفيقو تعال ندقلو وبس يرد منعملو ضبط لان عم يحكي عالتلفون
قاموا دقوله âک» . رد وفتح سبيكر وخلى التلفون عالكرسي
قالوله قرب التلفون عا تمك ما عم نسمع منيحâک»
قلن ما فيني
في ورايي 2 ولاد كلب لاحقيني