ابتسامة 7

[أسامه الحموي]

‏واحد سألني كيف عّم تقضي وقتك بهالحجر الصحي ؟؟ شو عّم تشتغل ؟؟ فجاوبته: والله عّم بشتغل بالاستيراد والتصدير، فاستغرب وقال:
كيف هيك ؟
قلت له:
*والله بستورد البوستات من غروب وبصدرها للغروب التاني*.

[أسامه الحموي]

الأمثال في الوضع الحالي ( باللهجة الشامية ):

١- قللو بتعرفو، قللو اي
قللو انحجرت معو، قال لأ
قللو معناتا ما بتعرفو.

٢- مكورن دهر ولا محجور شهر.

٣- كورنّي وبكى سبقني واشتكى.

٤- يلي تكورنوا ماتوا

٥- يلي بيعرف بيعرف ويلي مابيعرف يقول فيروس كورونا.

٦- ما في كورونا بلا خفاش

٧- عيون المكورن بتنام وعيون الخايف من كورونا ما بتنام 😶

٨- اذا الكورونا وصلت لجارك اوعك تطلع من دارك.

٩- يا ماشي ع اجريك ما بتعرف منين الكورونا بتجيك 🙅‍♀

١٠- يا ماشي وعتمك كمامة مابتعرف ايمت بتجي الكورونا وبتاخد الامانه.

١١- قال ماصرله بالحجر غير من مبارح العصر.

١٢- يا ماشي على رجليك مابتعرف مين بيعطس حواليك

١٣- مكورن وبدو ينام بالنص

١٤- عند أهلها مهورنة و ببيت حماها مكورنة

١٥- لا تلحقني مكرونه 😂

١٦- الطواية عايرت المقلاية ..قالتلا تنيناتنا بالحجر

١٧- مكورنة عطستي، سكتنا ما سكتي

١٨- منقلّو حظر تجوال، بقلنا بتروحوا مشوار؟!

١٩- طول نهارك بالبيت محبوس منين أجاك الكورونا يا منحوس

٢٠- ما اتكورنّا.. بس شفنا اللي تكورنو

٢١- الخفاش بعين الصيني غزال 😆😆

٢٢- ألف قولة مكورن ولا كلمة مقورن

[محمد إقبال بلو]

ابني سألني: بابا في شو عبتفكر؟
عطيته جواب عشوائي لأنو ما بدي أشغله بما يكفي أن أنشغل به أنا.. فقلت له: عبفكر أشوي لقلق وآكله.. قال لي: اللقلق محرم لا يجوز أكله.. سألته ليش محرم.. جاوب: لأنه مهدد بالانقراض.
سعيد بل فخور بمفهوم التحريم لدى ابني اليافع.

[manar_12]

مأكولات سورية غير مُفَطِّرة في رمضان وبموافقة جميع علماء المسلمين :

1/ رعبة
2/ مخالفة
3/ زحطة
4/ هوا
5/ كم
6/ هزة بدن
7/ أتلة
8/ كف
9/ دحة بضهرك
10/ نكزة كوع
11/ وئعة
12/ دفشة
13/ مرضة
14/ بهدلة
15/ مسبة
16/ خازوء
17/ هم قلبي

وفيك تكمل صيامك بدون قضاء أو دفع كفارة...😌

🙃🙃😁😁

[أسامه الحموي]

بنت صغيرة أبوها عطاها الف ليرة وقالها روحي لغرفة اخوكي وشوفي شو عم يعمل وتعي خبريني
راحت شافتوا عم يدخن وقالتلوا ابي عطاني الف مشان شوف شو عم تعمل وخبروا... قلها خدي الف وخمسمية وقوليلوا نايم...
قالتلوا عطيني الفين لصورك انت وعم تصلي❤

هاد هوي الفساد العائلي بعينوا

البنت كبرت وهلق موظفة بالتموين

[بنان دركل]

قصة حقيقية ..
قطار المجانين التركي

عام 1960 وفي مستشفى المجانين ( الأمراض النفسية ) في مدينة ايلازيغ شرق تركيا ، ونتيجة إهمال حرس الأبواب تمكن 423 مجنوناً من الهرب الى شوارع المدينة..
مما أدى الى حدوث مشكلة كبيرة ، وإستدعى الحاكم الإداري طبيب المستشفى فوراً واسمه ( معتمد) طالباً منه حلا للمشكلة فوراً...
على الفور أحضر الطبيب المشهور " معتمد " صفاره ، وطلب من الحاكم والموظفين ان يمسكو به من الخلف ويلعبوا لعبة القطار...
وخرجوا الى شوارع المدينة وهو يصفر وينادي ( جوف...جوف..) وهو يمثل راس القطار ومن خلفه ( القاطرات ) كل واحد يمسك بالثاني ..
وما توقعه الدكتور تم ، كل مجنون هارب ركب في القطار ، ونجح الدكتور معتمد بجمع المجانين ، وذهب بهم الى المستشفى وانحلت المشكلة وفرح الحاكم الإداري ، وشكروا الدكتور معتمد على لباقته..
المشكلة في المساء لما تفقدوا المجانين الي اجو مع القطار ووصلوا المستشفى اصبح عددهم 612 مجنونا ، علما بان الهاربين 423 فقط...

في مجانيين برا اكتر من المجانين بالمستشفيات

[ميساء حلواني]

يروى في حلب أن رجلا احتاج مبلغا من المال فقصد أحد "الفايزجية" في سوق المْدينة (ممن كانوا يقرضون المال مقابل فائدة). كان الفايزجي قد بدأ بوضع شروطه حين أذَّن العصر فقال للرجل : هيا بنا الآن للصلاة. صليا، واستمعا لدرس عن تحريم الربا وعذاب المرابين في جهنم .. فتأثر الفايزجي حتى سالت دموعه .. فرح الرجل في سره لما رأى من خشوع صاحبه وراح يُمَّنِّي النفس خلال طريق العودة أنه سيحصل على قرضه دون فوائد؛ لكن الفايزجي قطع عليه تفكيره قائلا : شفت شقد بدّي أتعذب كرمال دينتك .. بقى لا تجادلني بنسبة الفايدة الله يرضى عليك 😎

[أبو فراس]

:
إمرأة إشتكت زوجها فى المحكمة بأن زوجها قام بعضها بشدة وتبين أنه عند كل خلاف يقوم بعضها عضاً شديدا حتى تتأدب ..
سأله القاضى عن سبب هذا الفعل الغريب..
قال له هذا جائز شرعا إستنادا إلى الآية الكريمة34من سورة النساء..
واللاتي تخافون نشوزهن فعظوهن.....
قال له قاضي إن شاء الله يعضك كلب
معنى عظوهن أي إنصحوهن......

[أبو فراس]

اليوم وأنا نازل الصبح جيب شوية فول للفطور ، شفت زلمة درويش ع باب الله .. قربت منه وعطيته ظ¢ظ*ظ* ليرة وقلتلو ادعيلي الله يفوتني على الجنة ...â‌¤ï¸ڈ

اتطلع عليي الدرويش باستغراب وقلي :

انت أهبل شي ..لتفوت ع سوريا بدك ظ،ظ*ظ*$،
جاية بدك تفوت ع الجنة ب ظ¢ظ*ظ* ل.س

[بنان دركل]

ألماني يقول منذ طفولتي وأنا أخاف لأنني أتخيل أن هناك شخص ينام يوميا تحت سريري.
ذهبت إلى الطبيب النفسي للعلاج فطلب مني ظ¢ظ*ظ* يورو على كل جلسة بواقع ثلاث جلسات أسبوعيا لمدة عام فقلت له سوف أفكر وأعود إليك، ولم أعود إليه، والتقيته بعد سنة بالمول وسألني مستغربالماذا لم أعد إليه
قلت له:
أنت طلبت ظ¢ظ*ظ* يورو على الجلسة وثلاث جلسات أسبوعيا ولمدة عام يعني 28800 يورو وهذا مبلغ كبير والتأمين الصحي لن يغطيه ، لكن صديقي أبو محمد السوري أعطاني العلاج مقابل ساندويش فلافل وعلبة كولا و من أول جلسة قال له مندهشا هل هو طبيب وكيف عالجك؟
فأجابه الألماني قلي:
بيع التخت ونام على الأرض،وإنتهت مشكلتي من يومها يا دكتور.