سوريات

[راما]

انا بحب الشام وياسمين الشام

[أبو فراس]

لك ليش كل شي عنا اكل ؟؟؟؟؟

العز للرز والبرغل شنق حالو.
عطي الخباز خبزو ولوأكل نصو .
لاقيني ولا تطعميني .
في بينا خبز وملح .
شبعنا حكي .
كتييير مهضومة هالبنت .
شو بدي اتزكر منك يا سفرجل .
ما هضمتو بنوب .
... عمبطبح الموضوع على نار هادية .
لا تئول عنب ليصير بالسللة .
دمو متل العسل .
اي شو ماشي على بيض .
بدك العنب ولا تئاتل الناطور .
طنجرة ولقت غطاها .
تاكلني لحم وترميني عضم .
مافي خيار وفئوس .
وشّو ما بيضحك للرغيف الصخن .
متل العجينة بين ايديي .
عضو كوساية وبكون وصلت .
لا تاكل هم .
الناس متل الرز .
ياداخل بين البصلة وقشرتها .
داب بزر مخي .
الجواز متل البطيحة .
طول متل عرء الفول .
حاطين مئلايتو .
خدودها متل الشوندرة .
أكّال نكّار .
حاجة اكل هوا .
نحنا ما مناكل مال حرام .
راسي عمياكلني لازمني حمام .
اي شو الشغلة شوربة .
الأكل على قد المحبة .
بوري الصحيّة متاكل .
أكلت كم .
اكلت وقعة .
اكلت اتلة .
اكلت مقلب .
آكل عليي مصاري .
ولك حاجة ماشبعتو مصاري .
هلئ الجوعان متل الشبعان .
تاكل هم ألبي .
مو نفعان لا للخل ولا للخردل .
لقمة مغمسة بالدم .
عجرة ، ( ازا شغلة صعبة )
حط خبزاتك على جبناتي .
عينو جوعانة .
عينو شبعانة .
إلها تم ياكل مالها تم يحكي .
اصابيع الببو الخياو
في بينا خبز وملح



اكل هوا

وبالآخير بيئولو يا الله ليش عمنسمن ؟؟؟؟
منقول

[أسامه الحموي]

شو الشغلة شوربة؟
رجال بلا كرش متل البيت بلا عفش
روعة هه

[رنوة]

امنيات داخليه للشعب السوري الرائع

,
,
,
,
,

مشتهي اتحمم بحمام سخن و دافي واطلع منه متشتش ومستوي..

مشتهي انزل من بيتي الساعة 12 بالليل آكل شاورما بالميدان

مشتهي احضر شي فلم من غير ماتطفي الكهربا

مشتهي اتعشى بمطعم مورا ببلودان انا واهلي

مشتهي احضر مباراة بالقهوة بالليل وارجع متأخر عالبيت..

مشتهي سافر عاللاذقيه و اسهر مع الشباب و نضحك للصبح أو بالأحرى

مشتهي اضحك..

مشتهي شغّل الصوبيا و حط عليها كستنا

مشتهي روح عالفرن و اخود خبزاتي بعشر دقايق متل زمان

لك مشتهي لف سوريا كلها بالطول و العرض ايمتا ما بدي و ارجع ايمتا ما بدي

[أسامه الحموي]

أومي نأأي الشهيـــــ♥ــد يلي بدك ياه :'(

[راما]

صبراً يا سوريتي فأزهار النرجس والياسمين ستتناثر فوق جراحنا
وستعود طيور الشام لتحلق عالياً بين ضحكاتنا

فــرح

[أبو فراس]

لم يكن في الألف من أهل دمشق واحد يستطيع أن يعد أسماء خمس دول أوربية,ولم نكن نعرف شيئا عن مخترعاتها لما جاءتنا أول سيارة 1915م أو 16 كانت "فورد" قال الناس متعجبين:
-عربة تمشي بلا خيل؟!!!
لم يكن في دمشق إلا عشرون دارا فيها الكهرباء,لم يكن فيها شارع واحد,وأول شارع فيها هو الذي فتحه جمال باشا سنة 1916 ولايزال يحمل عند الناس اسمه /من كتاب صور وخواطر لعلي الطنطاوي (يتبع)

[أبو فراس]

الجدير بالذكر انه قديما طان للباب الدمشقي بابان صغير وكبير ودقاقتان فمن يدق الصغيرة يعني ناه امرأة والكبيرة فهو رجل لان الفصل كان قانونا في معاشهم.
وأيضا لماذا تقدم القهوة مع كوب ماء؟
الضيف عندما يشرب القهوة أولا فهو شبعان أما العكس فلانه العكس.

[شذى ميداني]

انشاء الله سيرحل الهم عن وطــني...و سيعربش الياسمين على الجدران و سنحتسي القهوة ذات مساء...و نروي لأطفالنا حكاية كان يا ما كان.....

مين مشتاااااااااء ع هيك روحة ع الغووووطة متلي ؟؟؟؟



نزهات الربيع في غوطة دمشق

[أسامه الحموي]

«طاسة الرعبة» ...

كانت تمثل حاجة أساسية في كل بيتٍ دمشقي ...

تستخدم لإدخال الراحة والسكينة إلى قلب من أصابه توتر ما ...

بعدما يختلط الماء بالآيات القرآنية ...

أما اليوم فأصبح ذلك الوعاء النحاسي ...

مجرد تحفة شرقية توضع على أحد رفوف المنزل ...

وغير متاحة لأي استخدام إلا للعرض ...

ومع ذلك حافظت المرأة الدمشقية على توريثها لبناتها ...

كعادة من العادات الشامية ...
............
وهلأ صرنا عم ندوور عليها بسراج وفتيلة
يلي عندو وحدة زيادة يبعتلي ياها ^_^
.
.
.
.
اميرووو ...