مبروك انت اترقيت

[يسري راغب شراب]

مبروك انت اترقيت
وخليناك رئيس ديوان
افرح بقى
وزغطط وهيص
ووزع الحلو والشربات
بس لازم تفهم حاجات وحاجات
لو حد لعن ابوك
تقوله زيد كمان
ولو تدخلت في نقل او حذف
انت حر في اللي يجرى لك
ولو تجرات وكتبت ق ق ج
ياويلك وسواد ليلك
ما انت رئيس ديوان
لازم تستحمل
وتاخد على دماغك
ودماغ اللي خلفوك
وخلي بالك من عيالك
احسن دول اكبر من مقامك
لو قربت ليهم
حنقطع لك هدومك
ونجرك ونشدك
ويا ويلك لو قلت اه
ما انت الغلطان
مش انت اترقيت
وبقيت رئيس الديوان
-----------------
رئيس الديوان يعني تستحمل
تنضرب على قفاك ولا تتكلم
تقول حاسبوا
حنوريك يوم الحساب
ولو حبيت تحتج
يبقى انت مش بتفهم
ونبعثلك الهمام
واللي يقولك يا سلام
واللي يعلمك الكلام
هي دي شروطنا
مافيش حد كبير غيرنا
احنا وبس
وانت مش اكثر
من خدام
ياعيني لو لمحت لحد بكلمه
ويا ليلي لو كانت غمزه او لمزه
اساطيل امريكا تجرك
دي حكومه
فيها سلطان
وما لهاش ربان
الا الشيطان
ما انت رئيس ديوان
ويا سلام سلم
على الجدعان

[يسري راغب شراب]

قصدي اقول
يا محمد
اللهم صلي على النبي المصطفى
ان رئيس الديوان
عند السلطان
فاكر ايام زمان
كان بيشتغل شمعدان
ينور ويطفي
ويمسك طفاية السجاير
وينحني
وهو بيلمع الاماكن
عشان في الاخر يتقال
انه رئيس ديوان
---------------
واحنا كنا بنحسده
ان مكانته جنب ريسنا
وريسه
اتاريه ياعيني
ماسك مقشه وبيلف فيها
طول النهار
ماحدش يبص له
ولا حد يهدهده
خصوصا لما تبقى حفله
او يكون صوان
ثور في الساقيه
ولا يحكم حتى منديله
ولا يقدر يقول الاه
تعبان ياعيني
والناس حاسدينه
انه اترقى
وصار رئيس الديوان

[يسري راغب شراب]

انا ايه اللي رماني
على ام المعارك
وخلاني احارب
ايه اللي جابني هنا
ونقلني على سكة
اللي يروح ولا يرجعش
سكة الحيران
والسهران
والعاشق الولهان
اللي تجيبه وتوديه
اشاره حيرانه
ويعمل فيها راجل ابن راجل
وهو مالوش الا المزابل
وطول عمره كان مراسل
مخبر يعني للافاضل
اللي تاهو في يوم وليله
وهم عساكر مخافر
وانا تهت معهم
لاني لعبت بينهم
وقبلت المهانه
ورضيت ان ست حمرا
توريني العين الحمرا
وتخلي اللي مايشتري
يتفرج على التقيح
اللي نازل واللي مش نازل
ولا تعرف انه طالع
الحق على اللي يسمع
كلام البهلوان
هو السيرك فيه كام مهرج
لازم وحتما
يكون التهريج
وساده
ولا يكون لك سياده
هي الحكايه صلصه
والا بندوره او طماطم
لهجات من كل البلاد
وانت حسره
ما تلاقي حتى في الرئاسه
الا شتيمة المعره
والمسبه من العياله
وفي الاخر نقولك
يارئيس الديوان
اعمل التمام

[ريمه الخاني]

تكتب من عمق الجراح اديبنا المميز
وتثبيت

[يسري راغب شراب]

الاستاذه الراقيه

ام فراس

عندما يسود الجدل

ويكون مدخل للتوسع على حساب القيم

يصبح من العار السكوت

وقد نطقت بعد ان زادت حدة الغوغاء في عالم المنتديات التي كانت راقيه

رغم ان الكل يبحث عن مقاهي الدردشه

فلا زال لنا ان ننادي بالكلمه الملتزمه شفاء لنفوسنا الطيبه

لم يكن الادب يوما او الكتابة عموما لنفث سمومنا على بعضنا

واذا حلت الفوضى مكانا فقولي عليه رحمة الله الباقيه من انهياره

دمت راقيه

ودامت الفروسية عنوان فرساننا

[ظميان غدير]

اغلب المنتديات تافهة
لا عليك اديبنا الرائع يسري راغب
من السياسة ترك السياسة ودع عنك الجدليين والهزليين وعشاق الكتابة الغوغائية الهوائية
تحيتي
ظميان غدير

[وفاء عبدالرزاق]

جميل ما قراته هنا

اخي يسري

اراك متالقا في العاميه كما انت في النثر والفكر

تحياتي

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى