عذراً ...

[كاظم الفضلي]

عــــــذراً ...



عذرا يامن يتلاشه الزيتون بطولك
عذرا من تتحاشه عيوني اتشوف عيونك
عذرا يالماشالت مكتبتي اوراقك
ولاظلن بجفوفي اجفوفك
بس اسرارك
ماخلن ثوب اعله اسراري
الغيره...
الخيل المنك .. سقطت مملكتي واسواري
وبس خليني أشلون بدونك؟؟
اهدأ.. تذبحني عيون الناس وانه اضحك
وأزهك.. من مانفعت انه اعذاري
بيدي اتلمس وجهك غبشه
وحسك يتنده اعله اكتاري
جنت ابرد لو شفت الشارع خالي
وجنت اتذكر انه الكاك اولايه
وهسه اتعذر مامريت ابالي
هنه اهوايه
صدك اهوايه
دموعي..
جروحي .. حزني وحزنك
بس ظليت انت بدارك وانه بداري
عذرا...
مامقسوم انظل احباب
ولامكتوب انصير اصحاب
غلطه وانزع كل اذنوبي وحيلي اوياهه
والكه بوجهك كل أثاري
ظل بنارك
ظل بغيضك
بس أتركني بناري
عذرا...
ماظليت استوعب عشكك
ووعودك متيتمه بصدري
اتعذر من ماعندي قرار
يمكن بيه اكدر انساك
وألغي قراري...
ظل اشما أنت
اشما أنت
بس أتركني بناري



كاظم الفضلي

[رغد قصاب]

جميلة جدا واكثر
دمت بخير شاعرنا العزيز
رغد

[طراطيرو]

السلام عليكم ورحمة الله وبركاته
موفق بإذن الله ... لك مني أجمل تحية .

[كاظم الفضلي]

طراطيرو .. وعليكم السلام .. شكراً لمرورك الكريم .
وتحياتك محبتي ,,

كاظم الفضلي

[كاظم الفضلي]

رغد قصاب .. جمالكم كرمكم .. ومروركم ثناء ..
تقديري بحجم تواجدك ..


كاظم الفضلي