جنَّة الشعراء

[الشربينى خطاب]

جنَّة الشعراء
ابو العلاء المعري
عمل للشعرا جنَّة
أنا فاكر لمَّا قال ليِّ
متقسمة درجات
الفصحي درجات عُلا
والعاميِّ والرُّرجاز
في أسفل الدرجات
تتمتعوا بالهنا
وتعيشوا ف الخيلات
وتتجوزوا التوهان
وعذاري وحوريَّات
*****
أما بتاع العامي
زي طور المتغمي
يدور ف الساقية يروي
ورد جناينكم
والقمح والنخلات
ويبات يحلم ببكرة
يدخل ينام يرتاح
ف جنّة’قلوب البنات
*****
ساعات بثور واتجنن
زي طور الوسيَّه
أنطح بقرني الحيط
وأبعت وراكوا عنيَّا
واتمني يا حسرة
جنة دانتي ف إيطاليا
ألقي فيها حواليَّا
إنشالله حتَّةجاريه
حبشية أو برمكية
تنعي حظي التعيس
بكلام حب في مواليا

[ريمه الخاني]

على شط نهر النيل كنت السنه الفايته
فرحت بحضوري وكنت فيها تايهه
جمال ايه وناس من كل نوع جاريه
لقمتها وحياتها زي حزين الساقيه
شفت الدنيا عرب كلهم حب ناقيه
نعيدها أيام وثقافه عالم من كل ناحيه
واسعه وبرحه يوثقها قلمنا واهو ماشيه