ابتسامة 7

[جريح فلسطين]

طرفة اليوم
الاجانب: لا تطرق الباب بقوة ربما نائمون
العرب: دق منيح بجوز نايمين
😂😂😂😂😂

[أبو فراس]

مبارح اشتريت بوط جديد وقست الفردة اليمين بس وطلعت ع قياس رجلي
فطلعت الصبح مشوار طلعت الفردة اليسار ديقة وماعد اقدر رجع البوط انو خلص لبستو
رحت لعند واحد بصلح احذية قلتلو لاقيلي شي حل لإلو وبرجع بعد شوي باخدو
رجعت ااخدو وقستو طلع مأحلاه ومريح وكلو تمام
قلتلو للزلمة شو بكلفنا عمو قلي ولا شي عمو تيسر
قلتلو مابصير عم
قلي لك ابني امشي تسهل الله يرضى عليك ماعملتلك فيه شي بس قمت ورقة الجريدة يلي كانت مدحوشة فيه

🤣🤣🤣🤣

[أسامه الحموي]

"السرفيس"
هو باص صغير اخترعه اليابا'نيون و استخدمه السوريون بطريقة حيرت عقول اليابا'نيين !!؟؟😑

هو بالأصل يتسع لعشرة ركاب ..اصبح على يد السوريين وبقدرة قادر يتسع ل 20 راكب ..😨

و يستخدم على كيف الشوفير ، ممكن لنقل الركاب ،
ممكن لسباقات الفورملا ون ،🚘

تم تطويره فأضيفت مقاعد متحركة تعيق حركة النزول بحيث يضطر أحياناً عشر أشخاص للنزول لإتاحة المجال لشخص يريد أن ينزل ، واحيانا يضطرو للنزول من الشباك 😂😂😂
كما تمت إضافة مضخمات صوت تأخذ فلاشة وبلوتوث عليها أغاني لبهاء اليوسف ونعيم الشيخ وغيرهم . ..💃💃
وسرعة السرفيس تتناسب حسب الاغنية الموضوعة ..و اذا طلعت أغنية شعراتو ولووو .... تشاهدووو ع روحكن 😂😂 👐

ست سبع مرايا بمختلف الأحجام 😃

ثلاث أنواع من الزمامير على الأقل مع ضابطة ،👦

مقعد ضيق خلف الشوفير "معاكس" يتسع لثلاث ركاب إضافيين مضطرين

كما يأخذ الشوفير على عاتقه مهمة تربوية ثقافية في تعريف الراكب على أحدث الحكم والأمثال الموزعة بشكل يلفت الأنظار على مختلف أرجاء السرفيس ..نذكر منها "
👈عشقت السفر من ظلم البشر
👈يا ناظرلي نظرة حسد شكيتك لواحد أحد
👈رافعة حاجبا وماحدا عاجبا
👈لا تشوفني عم اتدرج دوبلني واتفرج
👈يلي يهوانا يصبر على بلوانا
👈سارحة والرب راعيها
👈عين الحسود فيها عود .....
👈تركني بحالي أنا الباب بفتح وبسكر لحالي "
👈الباب ألي يا غالي 😉
كناية على أن الباب على الكهرباء يفتح من عند السائق

بالإضافة الى مهمة دينية كبيرة
حيث ان الركاب في السرفيس بيضلوا طول الطريق يتشاهدوا ويستغفروا الله .. ويطلبوا رحمته ولطفه ..ويكبروا ..ويقرؤوا اية الكرسي

نعم أنه السرفيس 💔

[أسامه الحموي]

سمعتو بأبو مجعص شو صار في ؟
طيب رح خبركن قصتو ..
هاد ابو مجعص راعي غنم ،
كان بامان الله عم يرعى غنماتو ..
وللّا صفّت سياره فخمه جنبو .ونزل منها واحد لابس طقم ومشكلس حالو عالاخر..
قلو مرحبا ياراعي قلو ياهلا ..
قلو اذا عرفت كم راس غنم معك بتعطيني واحد ...
قلو طبعا...
قام هالمشكلس حالو ..
وطالع لابتوب... وصلو على موبايل فخم .. وعلى غوغل .. وجي بي ار اس . وخرايط واقمار صناعيه .. حدد.. العدد وقلو ..
يااخي معك 1635...خاروف..
قلو أبو مجعص بالله صح ..
فوت نقي خاروف ..
انا عند وعدي
فات هالمشكلس نقاه وحطو بالطبون ..
قبل مايمشي قلو أبو مجعص ..
اذا قلتلك شو بتشتغل..
بترجعلي الخاروف ..
قلو طبعا...
قلو أنت بهيئة التخطيط والتطوير ومساعدة الشعب بالأذمة وأيجاد الحلول لمشاكل الناس ،،
قلو بالله صحيح بس شو عرفك ..
قلو لأنك من بين 1635.خاروف.. خدت الكلب...
😂😂😂...
بقى رجعو الله يرضى عليك...
....

[ميساء حلواني]

من يستطيع أن يُغيِّر هذا الكتاب ؟
" كتبَ اللهُ لأغلبنَّ أنا ورسُلي "

من يستطيع أن يَنتزع هذا الإرث ؟
" وأورثنا القومَ الذين كانوا يُستَضعفُون
مشارقَ الأرضِ ومغَاربَها "

من يستطيع أن يُؤخِّر هذه الكلمة ؟
" ولقد سبَقتْ كلمتُنا لعبادِنا المُرسَلينَ • إنهم لهُمُ المَنصُورون "

من يستطيع ردَّ هذه الإرادة ؟
" ونُريدُ أن نَمُنَّ على الذينَ استُضعِفوا في الأرض ونجعلَهم أئمَّة "

من يستطيع إطفاء هذا النور ؟
" يُريدونَ أن يُطفئوا نورَ الله بأفواهِهم ويأبَى اللهُ إلَّا أن يُتمَّ نورَه "

من يستطيع أن يُكذِّب هذا الوعْد ؟
وعَد اللهُ الذين آمنُوا منكم وعَملُوا الصالحاتِ ليَستَخلفنَّهم في الأرض "

فلِلَّه الحمدُ على وعْده وإحسَانه وكتابهِ وقرآنه ونورهِ وكلامه وتوفيقهِ وامتنانه وإرثهِ وبيانه ..

فكم يشفي الصدر .. ويُذهب الهَمّ .. ويُداوي الجرح .. ويُزيح الحَزن .. ويُطمئن القلب .. ويُسكن الروح .. ويُسعد النَّفْس ..

وصدقَ الكريمُ ومَن أصدقُ منه قِيلًا ..
وأحسنَ الجليلُ ومَن أحسنُ منه حديثًا:
" ونُنزِّلُ من القُرآنِ ماهُو شفَاءٌ ورحمةٌ للمُؤمِنين "

[أبو فراس]

واحد اسمه فتحي اشتغل عند مكانيكي 🔧
أول يوم قال للمعلم أنا بعرف المحافظ 😃
المعلم ما صدقه😒
بعد بيومين مرق المحافظ صدفة من الشارع شاف فتحي
وقف السيارة 🚙 و نزل سلم على فتحي بحرارة و قلو 👨 : ضروري شوفك يا فتحي مر عليي ضروري 😃
المعلم شاف المنظر خلى فتحي مسؤول العمال 👷
بعد يومين قال فتحي للمعلم أنا بعرف الوزير
المعلم قال لحالو ممكن 🤔
بعد كم يوم مر الوزير شاف فتحي وقف الموكب 🚘🚘🚘،
ونزل سلم على فتحي وحضنو و قلو ضروري شوفك يا فتحي 😃
المعلم بطل يفهم شو القصه و جوز بنتو لفتحي و كتب الورشة باسمو 🏢
بعد كم يوم فتحي حكى لعمو إلي هو المعلم ،
أنا بعرف ترامب رئيس أمريكا 🗽
المعلم رد على فتحي و قلو هاي قوية كتير
فتحي قال للمعلم أنا بثبتلك اني بعرف ترامب 😄
اخد المعلم و راح على أمريكا 🗽
و وقف فتحي والمعلم على سور البيت الأبيض ، وقلو بدي ادخل و أأشرلك أنا و ترامب من البلكون 🙋🙋
شوي طلع فتحي من البلكون هو و ترامب و أشر للمعلم 👋
المعلم أغمى عليه و نقلوه عالمستشفى 🚑
فتحي لحقو على المستشفى 🏥
المعلم فاق لقي فتحي عند راسو
فتحي بيقول للمعلم شو أغمي عليك لما شفتني مع ترامب 😎
المعلم رد عليه لا مو مشان هيك ...
مرقو ثنين أمريكان من ورايي 👬 و سمعتهم بقولوا :
مين هذا إللي مع فتحي 😂😂😂

[أسامه الحموي]

سألوا حكيم : شو يعني تبذير ؟
قلهن : التبذير هو وقت تفيقوا الصبح تشربوا فنجان قهوة☕ حقو 2000 ليرة لتصحصحوا على واقع حقه نص فرنك 😅

[عبد الله راتب نفاخ]

كان ذلك قبل الأزمة بسنتين تقريبا
وكنت قد قدمت على إحدى المدارس الخاصة بمنطقة راقية من دمشق مدرسا قبل انتهاء العام الدراسي بأسبوعين
وكانت المديرة قد شكت إلي أن المدرسة التي سبقتني قد كادت تفقد عقلها من أفعال التلامذة وشغبهم
لكنني فعلتها ودخلت عليهم معتدا بنفسي حاسبا أني سأرتق ما فتقته سابقتي
فشاء الله أن أرى من العجائب ما جعلني أوقن أن الرأي قبل شجاعة الشجعان، وأن دخولي على تلامذة كهؤلاء في هذا الوقت الحرج من السنة ضرب من إلقاء النفس في التهلكة
وكان مما جرى لي أني دخلت أحد الفصول، فعراني العطش قبل انتهاء الحصة بدقائق، فطلبت من أحد التلامذة أن يأتيني بكوب ماء.
وبعد يومين تكرر الموقف، فكررت الطلب إلى التلميذ نفسه على مبدأ: من تعرفه خير ممن تتعرف إليه
وبعد يومين تكرر الموقف، فكررت فعلتي
وما كان إلا يومان، حتى وجدت الموجهة الاختصاصية لمادتي في مديرية التربية تأتي المدرسة طالبة لقائي، فألقاها واقفة إلى مديرة المدرسة تتبادلان الحديث وتنظران إلي
ثم راحت الموجهة تحدثني منبهة إياي إلى أنني ينبغي ألا أطلب إلى التلامذة جلب أكواب الماء إلي، فطلبة هذه المدارس لم يعتادوا أن يستخدمهم أحد
وبعد يومين وفيما أنا واقف في باحة المدرسة خلال الفسحة ومعي الصديق العزيز غسان المعلم الذي كان موجها تربويا في المدرسة، فاجأني أن وجدته يطلب إلى أحد التلامذة جلب كوب ماء له
وقبل أن أفتح فاي بالتعليق، التفت إلي ليقول: أنتقي لمثل هذه المهمة طالبا متواضعا طيب القلب كهذا، لا كما فعلت أنت حين لم تنتق من تلامذة الفصل كلهم إلا ابن المديرة، وكررت فعلتك كذلك مرتين من بعد