كيف تصبحين تعيسة!!!

[رغد قصاب]

كيف تصبحين تعيسة بخطوات بسيطة؟
حققي واحدة مما يلي تكفي:
* عيشي بفراغ وما تعملي ولا شغلة مفيدة.
* خليكي على طول عم تفكري بالماضي وتتحسري عليه.
* تشاءمي ولا تحطي أهداف مستقبلية لأن ما في إمكانية.
* تأففي من كل صغيرة وكبيرة وعملي من الحبة قبة.
* لا تنامي منيح وفيقي من الصبح مزعوجة وقرفانة.
* نكدي على زوجك وكل يلي حواليكي وإياك والابتسامة.
* خليكي عم تراقبي الناس وتتحسري على حالك وعدي النواقص وكملي حياتك مقارنة.
* ساوي كل شي من برات منافسك وخليكي على طول متوترة وضايجة.
* لا تضبي الكركبة وخلي عيشتك كلها فوضوية.
* لا تفتحي مصحفك ولا تقرئي أذكارك صلي الفرض آخر وقت وبزيادة.
* خبي مصاريكي ولا تعيني محتاج شو بدك بالناس أنتي أولى وعلى حالك لا تصرفي بلا طعمة.
* كرري كل يوم نفس الروتين وما تعملي أشياء جديدة خليكي متحجرة وجامدة.

[أسامه الحموي]

الضد بالضذ يعرف شكرا لك