يـا مـــرحبا يـا فرحـة العمـر والـدار
يــا اول مـواليــد الـحيـاه الـسـعيــده
فـي جيتـك هـلـت تـبـاشيـر الأمطــار
وصـــار الفـرح فالدار شرع وعقيده
الليـل مـن نــورك تـزيـديـنــه أنــوار
والصبـــح طلتـــك البـهـيــة تـزيـــده
قــومـي تـغنــي يـالمنـامـه بالأشعـار
وأنــا عــلي أحـلـى بيـوت الـقصيــده
مـن يوم جات اللي لها عروقي أوتار
تعــــزف علـى قلبي ويـنبـض وريـده
سميتها (شيــمـه) وتدرون وش صار؟
صــارت لـتـرفـات الـصبـايـا عـمـيـده
وكــل الأسـامـي الباقيـة صـارت تغـار
الأسماء القديمه قبل الأسماء الجديده
وأنــا أحـمـد الله لــي مـعـزه ومـقــدار
الـدرب سـيـده والـمـواقـيــف سـيـــده
اشــوم وأبعــد عـن هـل الـعيب والعار
وأكـيـد شـيــمـه مـثـل أبــوهـا بـعـيــده
تـجــذب قـلـوب وتـجذب أرواح وأنظار
وعـلى ابـتـسـامـتـهــا مـلامـح عديـــده
بــسـمـة بـراءة تـسـكـن قـلـوب وديــار
تسـوى ابـتسـامات الـعـقـول الـرشـيــده
بــقـدومهـا نـفـرش لـهـا ورد وأزهــار
ولـعيـونـهـا نـقــوى الـصـعـاب العنـيـــده
مــاهيـب تـطـلـب بـس تـامـر وتـخـتـار
مـادامــهــا بــنـت الــشـيـــوخ الــفــريـده
و شـلـون مـا تـامـر وهي بنت الأحرار
مـــــــادامـها لـلــي مــلـكـنـــا حــفـيـــــده
يــا لايـمــي فـي حـبها لـيـش تـحتــــار
هــــــذي غـلا روحــي وبـنـتـي الـوحـيـده
يـارب تحفظهـا مـن اصدوف الاقــــدار
ومــــن الـسنـيــن الـمـوجـعـه والـمـكـيـده
لان الـــزمـن هــذا متـاهـات وأخطـــار
بـيـــن الــرفــاهــه والـــحـيـــاه الـزهـيـده
الشـــر فيـه أسـرع من إشعالـة النـــار
والـخيـــــر يـبــطــي مـاتـزايـــد رصـيـــده
والـــرابـح اللـي ذكـر ربـي لـه أذكـــار
ويـصـــلـــي فــروضــه ويـرحـم عـبـيــــده
ويـحفظ حقـوق الـناس ويـقدر الـجــار
وان راح قــــــالوا أشــهــــد انـه فــقـيــــده
واقـــولـهـا وأنـا لـهـا الـوالـــد الـبـــار
والله يـــفـعــل مـــا يــشـــــــاء ويـريــــــده !


http://www.alfurrsan.com/ar/pages-read_page-602-0.html