غاية الجود

[كاظم الفضلي]

غاية الجودِ ..

أيقنت مر الرصاص بجسمه بلا شوف

وصدك شفت الرصيف أيكَوم ..

لم جرحه

لم نزفه

لم وجهه .. لكَه بوجهه غيره وراس ماطخ يوم

بس شاف الرصاص إيلوذ بالذله ..

ويظنون الفرح لو مات ماكو أشفاف

تضحك تصنع الفرحه

ويظنون النخل لو مات إيطيح وينثني بجرحه

العراقي الشال كل الموت بعيونه

عجنها بزاده وبملحه

وتوضه الشارع بدمه

شهم ماهزته الغارات

لوجّته الأدين الغادره بذبحه

شهم بيه الطباع أهواي

طيب .. ومرجله

الغيره .. أنتمائه

الليل من يغتاض بين أهله وعمامه

إيشد بعزته وصبره

العراق إيصير بحزامه

ولا نزعل عمر لو نحزن بفركَاه

كَعدنه انعيد كل ذكراه

لأن طبع الشهيد إيصير حضره

نطحله بصبرنه أنذور

من عازة صبرنه أنصيرله الرحه

عزيز ومن تعد أزلام

أول مانعد الأكرم بروحه

لأن الراح حط روحه رمح

ماذل يوم

لو باع الضمير وفرهدو رمحه ..

كاظم الفضلي

الرحة / أله بدائية من الحجر لطحن الحنطة والشعير

[ريمه الخاني]

هذا شعري عربي أبيّ بامتياز...
اللهم سلم سلم

[الشاعر لطفي الياسيني]

جزاكم الله خيرا وبارك الله لكم وعليكم
ان كل مفردات ثقافتي لا تفيكم حقكم
من الشكر والاجلال والاحترام والتقدير
لكم مني عاطر التحية
واطيب المنى
دمتم بحفظ المولى
كل عام وانتم الى الله اقرب

[كاظم الفضلي]

الأخت الفاضلة أم فراس .. شكراً على التثبيت
وتحيتي لشخصكِ الكريم ومروركِ البهي وكلماتكِ
المعبرة بصدق . لكِ كل التحايا والتقدير ..

كاظم الفضلي

[كاظم الفضلي]

شاعر المقاومة الحاج لطفي الياسيني ..
شكراً لمرورك العطر وفيض مشاعرك
أطال الله بعمرك وادام عطاؤك وتواصلك
تحيتي وتقديري ..

كاظم الفضلي

[فاتن علي حلاق]

شعرٌ من ذهب به كل الفخر والاعتزاز

كبير تحيتي وجل احترامي استاذ كاظم

دمت بخير وسعادة

[كاظم الفضلي]

الشاعرة القديرة فاتن علي حلاق .. سعادتي
أقرأ كلمات أعجابكِ ولطفكِ وذوقكِ الرفيع
تقديري وأعتزازي بكِ أختي الفاضلة .

كاظم الفضلي