إن زان لـك وقتـك تخـيـر بالأصـحـاب

[الحلم القاتل]

!!!!ما أروع هذه القصيدة
( اخترتها لكم):
إن زان لـك وقتـك تخـيـر بالأصـحـاب = وان شـــان وقـتــك كـلـهـم مايـبـونـك
إن جيتـهـم قـامــوا يـحــدّون الأنـيــاب = وان رحــت عنـهـم بالقـفـا يشذبـونـك
لا..دبّـــرت دنـيــاك والـحــظّ مـاطــاب = الـنـاس لا..مــن طـحـت مايرحمـونـك
أهل السيوف اللـي يقصّـون الأرقـاب = أمّــــا كـفـاهــم واقــعــك يـظـلـمـونـك
لا..تـامـن العـقـرب ولاتـامـن الـــداب = الـسـمّ واحــد لا..رقـــا فـــي مـتـونـك
يـاجـاهـل الـدنـيـا ودورات الأســبــاب= أعرف ترى من خـان غيـرك يخونـك
لو كان لك ربـع(ن) مواليـن واحبـاب = لابــدّهــم عــقــب الــغــلا يـنـكـرونــك
وقـت(ن) يشيّـب بالمخاليـق مـاشـاب = أســأل رجــال(ن) جـرّبــوا يخـبـرونـك
واحــذر تـخـاوي كــل هـافـي وكــذّاب = أهــل الـــردى بطبـوعـهـم يطبـعـونـك
أرفـع مقامـك عـن ردييـن الأ نـسـاب = لـو شفتهـم فــي حضـرتـك يمدحـونـك
فارق ثراهم وارق فـي راس مرقـاب = أبعـد عـن الـلـي لونـهـم غـيـر لـونـك
خــلاّن مــال ومالـهـم ربــع واقــراب = لاقــــلّ مــالــك عــدّهــم يـكـرهـونــك د
أعتاض فيهـم مـن طويليـن الأشنـاب =الـلـي الـــى مـــال الـدهــر ينفـعـونـك
لاصـكــتــك دنــيـــاك وافـــتـــرّ دولاب =بــانــت مـواقـفـهـم ولا يـرخـصـونــك
هــذا رفيـقـك مــن قريبـيـن واجـنــاب = ذخـرك وهـم فــي واجـبـك يذخـرونـك
عنـدك قريبيـن (ن) ولـو قلـت غـيّـاب= علـى صـدى صـوت النـدى ياصلونـك
ياللـي سمـعـت العـلـم لاتفـتـح الـبـاب= لاتنحشـر فـي شــي مـاهـوب شـونـك
ربعك ألى من شفتهم صـارو احـزاب =وتـشـاوروا بـالــراي والـعـلـم دونـــك
لاتـبـدي بـرايـك عليـهـم ولــو صـــاب= لو صحت باعلى الصوت مايسمعونك
ومـن لاحسبّلـك لاتسـوي لـه حـسـاب =لو كان يسوى وحدة(ن) مـن عيونـك

[ظميان غدير]

فيها حكم رائعة

تحيتي وشكري لك يا لحلم القاتل

[كاظم الفضلي]

الحلم القاتل .. شكراً على هذه القصيدة الجميلة
والبليغة المعنى . دام عطاؤك .

كاظم الفضلي

[فاتن علي حلاق]

شكراً لك حلم قاتل على حسن انتقائك وزوقك الرفيع

القصيدة للشاعر زابن الدوسري

تحياتي بعطر الورد