هم عندك وجه !

[حكمت البيداري]

هم عندك وجه !

هم عندك وجه ودگ على الباب
لا.. لاتظل ساكت، أحچي ياچذاب

وگفتك گدامي ماريدها أتطول
شعندك بعد شتريد ، شتريد گول

ماظل عذر عندك ؟ ,, لو خلصت الأسباب !،،

لاتتعلثم .. شعندك أحچي، يله أتكلم
رغم أني .. من أسمع صوتك أتألم

ياحارمني ..
من أحلى أيام العمر ،، من عز شبابي

ياحارگني ..
يامخليني رماد الجمر ،، وك حس عذابي

تريد أسامحك ..
وك أشلون أسامح ذباح گلبي

أشلون أسامحك ..
يل بيدك هدمت أحلام حبي

الحب مو سوق وتمر بيه
وتشتري كل التريده

الحب للگلب بستان تلگيه
ورداته يرون من وريده

ولك روح .. لاتنتظر،
لا.. لاتظل واگف گبالي
ولك روح .. لاتنتظر،
يل ما الك أول، ماالك تالي

يامن باع بيا برخص وتندم
بأرخص رحت أبيعك وگلك أتعلم ,,

هم عندك وجه ودگ على الباب
لا.. لاتظل ساكت، أحچي ياچذاب

وگفتك گدامي ماريدها أتطول
شعندك بعد شتريد ، شتريد گول

ماظل عذر عندك ؟ ,, لو خلصت الأسباب !،،

*****

حكمت البيداري

[ظميان غدير]

حكمت البيداري
قصيدة معبرة وتثبت
تحيتي
ظميان غدير

[ريمه الخاني]

ماظل عذر عندك ؟ ,, لو خلصت الأسباب !،،

نص جميل لاخر حد
تحيتي وتقديري وشكري

[حكمت البيداري]

حكمت البيداري
قصيدة معبرة وتثبت
تحيتي
ظميان غدير

العزيز ظميان غدير

مروركم السعيد سرني كثيراً
شكراً ومن الأعماق

رعاك الرب

[حكمت البيداري]

نص جميل لاخر حد

تحيتي وتقديري وشكري

الأخت الغالية ريمه الخاني

جميل الشكر والتقدير لمروركِ المحبب

رعاكِ وبارككِ الرب