العراق .. أنا

[كاظم الفضلي]

العراق .. أنا

تاريخ ياحس الضمير أوطن الأجداد
تاريخ ياأول نبي وأول حرف ببلادي يرسم ضاد
وتاريخ ما ممكن يضمه أنسان
لأن عندي نزل أول بشر
ومن عنده صار أنسان
العراق .. أنا الخرايط تنمحي بغيري
الشلت أول سفينة نوح ( من كل زوجين أثنين )
وماغيري حياة أتصير لو تنعاد
ولا ممكن حبس صوت الحقيقه
شكثر ماصار التأمر عالوطن ينقاد
الوطن أسمي وهويتي
بيتي وخبزتي ..
أشلون أرضه أتقسمه العدوان
ياأنسان يرضه بذلته ويتعمد النسيان
العراق ..
من دم الحسين وثورة الحق
من أعظم شهادة أتمر عله عيون الشعوب
علمنه السنين أشلون تاكل جوع
ينخانه النخل وأنصير كل أحنه سعف وجذوع
ينهان الأرهاب وشلة الأقزام وأحنه أسياد
مو صدفه ألتقيناه ولا رحل أجينه وصرنه أحفاد
قصفوا كَاعنه .. وبغداد
صحنه بصوت عد عيناك ياعز العروبه بسيف ما مثلوم
لأن سيفك عمر عادل
ومن عثمان عدنه أحفاد
لاتزعل .. نشرذمهم لشش وأنطشر اجساد
لا تزعل .. ماظلت عراقيه يذلها الجور
ولا ظلت حبيبه أداري محبوب
الأ ومن ظفايرها تصير البندقيته أزناد
الجنوب إيضمد اجروح الشمال
وزود يدفع زود
يادلة مضيفك نار توجر ماغطاها أرماد
لا تزعل .. ماعدنه عراقي أينام ليل بخوف
وأذا ردت حرب دارت رحاها النوب تنعاد
لا تزعل .. ماعدك وطن مجروح
كلنه أنذور صرنه وأنت بينه أمراد

كاظم الفضلي

[ريمه الخاني]

السلام عليكم
قصيدة تفظر القلب....
العراق ومشوار مع الحضارة عميق بعمق الارض...
لكن النصر آت لابد آت...
تثبيت في القلب قبل صفحة المنتدى وقد طال انتظارنا لحروفك المنيرة.

[ملده شويكاني]

اهلا بعودتك الينا من جديد وعراقنا الجريح نفديه بدمنا
ملدا

[كاظم الفضلي]

السيدة الفاضلة . الكاتبة والأديبة ريمه الخاني .
السلام عليكم سيدتي الكريمة فارسة الأبداع
والود . شعوركِ أكيد بالصدق والأنتماء لأمة العرب
وعروبة الأنتماء . اللهم يحفظ أمتنا ويحمي سوريا
ويعيد الأمن والأمان لعراق المجد . شكراً .
غيابي جعلني أفتقدكم فالشعر غذاء الروح وأنتم
واحة محبتي . كل عام وأنتم بألف خير وعيد مبارك

كاظم الفضلي

[كاظم الفضلي]

اختي الغالية الصحفية ملدا ..
سلم دمكِ وتعافى جسد أمتنا
وحفظ الله الجميع . فالعراق لازال
يحنو علينا ونفترش ترابه وداً .
شكراً وتقبلي ودي وتقديري .

كاظم الفضلي

[فراس الحكيم]

تحية كبيرة لاهل العراق الصامدين
فراس

[علي جاسم]

ولا ممكن حبس صوت الحقيقه
شكثر ماصار التأمر عالوطن ينقاد
الوطن أسمي وهويتي
بيتي وخبزتي ..


نعم صدقت أخي كاظم

صح لسانك أخي

[كاظم الفضلي]

السيد فراس الحكيم .. مساءاً طيباً
أقدر لك هذا الشعور العربي الأخوي
تقديري ومحبتي .


كاظم الفضلي

[كاظم الفضلي]

الأديب الأستاذ علي جاسم .
سروري وجودك على متصفحي المتواضع
وأما العراق بوابة الفردوس وأرض الأنبياء
وطواف حجيج النفوس الأمنة . سلاماً لك
وللعراق .

كاظم الفضلي