جوجل تطرح خدمة الإنترنيت واي فاي عبر الحمامات !!!!

[محمد الأصبحي]

السلام عليكم

متل مو مكتوب بالعنوان
جوجل طرحت خدمة الإنترنيت عبر الحمامات و بالمجان للتركيب لأول مرة
يعني بتعطيك إنترنيت 8 ميغا مع التجهيزات كاملة مجانا بس إنته عليك شغلة وحدة ...... تشد سيفون الحمام!!!!!!

و إذا إنته بطرت و حيبت تاخد خط 16 ميغا بتدفع بالشهر 10 دولار
يعني أد حق 60 ساعة إنترنيت ديل أب
و لخط 32 ميغا بتدفع شهريا 25 دولار


كل ما عليك أنو توصل القطع ببعضها اللي هم بيعطوك ياها
و تكب الغطاس اللي مربوط فيه كبل فايبر ( آخد براءة إختراع) بالبيديه (أكرمكم الله )
و تسحب السيفون

فهادا الغطاس بيكرج بألب المجاري حتى يوصل للقسطل الرئيسي ....
هنيك بيكون واحد الله يعينو عم يستناه و بيوصلو بالمقسم المخصص لغوغل المحطوط بكل نهاية قسطل مجاري

بعد ما بتسحب السيفون بتنطر ما يقاري 24 ساعة و بتشغل الراوتر اللي جاية مع الباكج المجاني فبيعطيك شبكة إنترنيت لاسلكية بتغطي بيتك

و أنا دورت على ميزات هادا الراوتر لقيت أنو ضد المي يعني لو وقع معك بألب البيديه أو طرشتو و إنته عم تتحمم مو مشكلة

لمزيد من المعلومات إضغط هنا

سلام