نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
زعلان 00!!
مالك ؟
: إيه اللي جرالك
مش واقف ليه
علي بعضك
دايماً قلقان ؟
: واخد علي خطري
يا حبيبتي
ومنكً زعلان
: زعلان من إيه؟
: سيباني واقف
هنا وحدي
قلقان حيران
:طب حيران ليه؟
: مستني القمر
اللي بيطلَّع
في نن عنيك
يظهر ويبان

: قمر إيه؟
: قمري المسحور
اللي انتي ياما
خدتيني ليه
أنا فاكر
لمَّا غمرني
ضيه الفضي
بحر وموجه
لمَّا فتنِّي
خد روحي مني
وتاه عقلي
ولقتني
مش داري
بحالي
غرقان ف النور
بحضن في الدفة
ومتبت
في شراعي المكسور
وبعافر
شوقي الجامح
للورد الطارح
علي خدك
أحمر مكسوف
خلاَّني قطفت
كم وردة
وأنا مسحور
شوقي الملهوف
***
نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
غمضتي عنيكي
وداريتي
تحت جفونك
قمري الخجلان
ساعتها هربتي
ذي الغزلان
لمَّا جريتي 00
أنا فاكر
قلتي 000
ابقي استناني
في نفس مكانَّا
وميعادنا
نقطف من تاني
انا وانت
زهر البستان
****
نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
أعمل إيه ؟
واقف من مدة
مستني قمري
اللي واحشني
يطلع ويجيني
أتاريه من بدري
واقف ويَّايا
بواسيني
وبقول لي
إسألها
متأخره ليه00؟
****
أتاريكي
واقفة واريا
وأنا 00!!
مش واخد بالي
عامله روحك
مش شيفاني
خايفة لعيوني
تيجي في عنيكي
ونغرق سوا
ف موجة هوي
من تاني
حيرانه وبتتلفتي
علي إيه ؟
مشغولة يا غالية
بنجوم تانية
بتبصي ليه
الناحية التانية؟
مين شاغلك مين ؟
دأنا والشوق
من ساعة
واقفين
بنستناكي
بتبصي ليه
شمال ويمين ؟
منا أهو
واقف قدامك
مش شايفه
حبك وغرامك
ولا قادرة
تنطقي بلسانك
كلمة شوق
وحنين
راح فين 00؟
حبك وحنانك
راح فين 00؟
الغزل المتعافي
لورد الجنَّة
وللياسمين
مع إني 000
واخد علي خاطري
لكني يا حلوة بحبك
غصبنْ عني
أنا راجع بكره
هنا تاني
وف نفس معادي
هاستناكي
بس انت تعالي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المره الجايه
القاكي
واقفة الناحيه دي
و اقفه قصادي
بيني وبينك خطوة
أو خطوتين
لو تمشي الأولي
أنا التانية
و يمكن يا روحي
أمشي الأتنين
لو صالح قلبك
قلبي الولهان
بكلمة واحدة
أو نظرة عين
ساعتها
أقول للقمر
يطلع من تاني
في نفس معادنا
وماكنَّا
ويستناني
بس انتي يا روحي
ابقي تعالي
[/align][/size]