اشتهر عن أهالى محافظة الشرقية بجمهورية مصر العربية ..الكرم لدرجة القول بأنهم ( عزموا القطار ) وهذه حقيقة ففى أحد أيام شهر رمضان تعطل قطار خط الشرق بالقرب من قرية أكياد التابعة لمركز فاقوس حتى حان وقت أذان المغرب ، وكان بالقطار مجموعة من التجار من مختلف الجنسيات .. من بلاد الشام والأتراك والإنجليز فقام عمدة أكياد بإنزال الركاب ودعوتهم للإفطار ، وأعد الأهالى الموائد واستضاف كل بيت عددا من الركاب ، وكان الركاب بعد عودتهم لبلادهم بمثابة سفراء لنشر كرم المصريين والشراقوة .
ومن ثم كتبنا هذا النص وتم نشره فى كتاب وأيضا فى عدة دوريات :


الحقيقة وباختصار



هُمه مش عزموا القطار



دا الشراقوة ...



من كرمهم



قدموا أحسن فطار



العمدة والأهالى



قدمولهم كل غالى



فى البلد صبحت حكاية



من حكايات الليالى



أحكى يا سطور الغناوى



ع الرجولة والشهامة



والأصول والجدعنة



الحقيقة وباختصار



هُمّه مش عزموا القطار
____________

إبراهيم خليل إبراهيم
________


وبعد أم قرأ الشاعر الكبير والأخ العزيز .. الشريف ( عاطف الجندى ) نصى هذا كتب هذا النص الذى عنونه ( آه ياشرقاوى يامصر ) وأهداه للمبدع إبراهيم خليل إبراهيم :


الحقيقة و باختصار


أنت يا صاحبى نهار


فيه عيون الحب تدمع


لما شوقها للمزار


بيراودها



عن صباحها


عن غناويها ووجعها


عن ألمها و الدوار


لما شافت مصر عايشه


ع الجراح و يا الدمار



من سنين نكسه و تاهت


بس رجعت فى صور شتى و مَرار


إيشى صِفر ف مونديالنا


إيشى عبَّاره و قِطار


إيشى انفلونزا جايه


للطيور و معاها نار



عاوزه تهجم يوم علينا


عاوزه تاكلنا ، تموِّت


فينا و لا أشرسها تار !


آه يا شرقاوى يا مصرى



يا للى نيل الخير رواك


يا للى ابداعك فتنَّا


و الجميع يشهد معاك


لو جميع الخلق باعت


و لا ضاعت ف الشِّباك ْ


عمر مرَّه ما بعت و لا


خدعت فينا


أى حد و جه مداك



دا انت يا صاحبى حكاية


بقلب أبيض


و الطيور تمشى وراك

_________
الشاعر : عاطف الجندى