إستغاثة حاسوب


-
شعر: د محمد عاصي


-
إلحقوني إيه بيحصل

كل حاجه لـيه بِتِتْقلْ

بطنـي مقلوبه غيتوني

لـو بسـرعه تفرمتوني

آه ياسوفتي آه يا بوردي

آه يارمتي آه ياهاردي

الفـلاشا جايبه فـيرس

وانا موش دايما محرَّس

لما نتِّتْ آه ورِجْعـت

كلِّ حـاجه فِيَّـا وِقْعتْ

شوف لي إيه يمسح يشيل

لو مسكن أو مزيـل

بعد ما تريح لي جسمي

شوف لي وصفه حلوه تحمي

من شرور الفيروسات

ياما منها ضاع حاجاتْ

وبسبها صار مشاكل

فـي الإداره وفي المعاملْ

حُط "آنتي" يكون شديد

يقتل الفيروس يبيـد

"كاسبرسكي" واللا "نورتون"

حاجه تصـرخ أو بتُرْطُنْ

أو "أفاست" يكون حديث

من شراسته يستغيث

أى فيرس جه برجله

جاي يقـلد حد قبله

بيه تِصلَّح أى فولدر

أو بتحذف لو ما يقدرْ

شوف لي ويندو يكـون حديد

ستَّبو لي من جديدْ

لو تسيـِّفْ أو تـِـدَلــِّتْ

أو بتدرج أو تثبتْ

مافي مره يقوم مهنج

أو يبطأ أو يشنج

مافي مُشْكـِـل تلقى فيه

والأمان بيكون ماليـه

حتى بالك يبقى رايـق

والمعالج يبقى فايقْ

تقضي وقت يكون جمـيل

ع الماسينجر والإيمـيلْ

لـوْ تخلَّـص ده بسـرعـه

تلقى شـاشتى بجـد ...روعه