( عيد سعيد يا عرب )
الأب ينام على قولة آه=وبيصحي يلاقى الآهه آهين
والإبن يمشى يبص وراه=مستني ف يوم الصعب يلين
الطفل يوماتى بيرضع جوع=من أمه العابشة بزاد النوح
ولبنها بينزل كله دموع=على شعب اتعذب بات مجروح
وازاى ح يكون للعيد معنى=وان عدت ثانية يعدى شهيد
ولو يوم الوحدة تجمعنا=راح يبقى اليوم ده صحيح العيد
ومدام الحق ملوش صاحب =ولا حد بيحمى الأرض معاه
واقفين بنصلى للغايب =و "بنشجب" بس قلوبنا معاه
الأقصى ده مسجد لــــه مادنا=مع كل شهيد ح تقول الله
افرح يا شهيد روح ع الجنة=وهناك ح تعيش فى حماية الله