طالع معاش
B]
لو كانت الغمزة
الوصلة أوام
بالرمش الحالم
مرسال لغرام
تدخل ف القلب
فتخللي الواحد وكأنه
بيشرب ف حشيش
يشد نفسه بقوة
فيخش المعني لجوة
يضخ ف العرق مروة
ويخَّرج همُّ الواحد
مع نفسه الخارج
م النخاشيش
يهضم الحكمة
ويَّا الطرفة
فيغسل روحه
من جوة
لو كان ميت
بصحيح
يصحي ويعيش
****
لا عمري ركبت
طيارة
ولا مرة حجزت
ف مجري
ماهو صنف
الصعاليك أمثالي
راكبين من بدري
قطر القشاش
من كتر الركنة
علي الكرسي
العضم اتنخْور
بقي زي الشاش
صبحت عجوز
ومكحكح
وشوفي طشاش
****
فاضل يجي جمعة
وأوصل لرصيفي
خالع ف دروسي
وطالع ف معاش
بمدغ في رغيفي
بالراحة علي كيفي
علي طقم اسناني
اللي شاريته
بسنين عمري
نقد وكاش
اسنانه مرصوصة
دهبي ولولي
شبه الماس
اللي عمل هولي
فنان حساس
بيخَللِّي الضحكة مغرية
تسحر نسوان حواليَّة
ومراتي أنزاله
صابرة يا ولداه
بيتقول لحماتي
أصل أنا عوزاه
فتقول للغالية :
الصبر يا خايبة
دها يقضي الباقي
من عمره الباقي
يستني الموت
مطروح في فراش
فاضل له يومين
بكتيره لو عاش
نورثه في التركة
والسبحة البركة
دا ميراث ببلاش
****
جوزك الخايب
امله كداب
بقرأ في تراجم
منشورة ف كتاب
عن سر خلطة
تعدل له مزاجه
يمكن تعويذة
ترده شباب
****
لابد ومبحلق
علي شاشة النت
يمكن تطلع له
سنيورة هيمانة
مرة أو بنت
تمثال ومخشب
باينه مهنج
علي صوره عريانه
أهو صاب الخايب
فيروس غشاش
****
طنشت حماتي
وقلت لمراتي
قدري و مكتوب
وأنا نفسي اتعلم
قبل ما موت
من غيرم اتعذب
أقرا المكتوب
رسمالي الحاجب
هلال مقلوب
حوالين العين
دقيق ومحدد
عين ورموش
رغم إنه مرتب
وده مش مرغوب
والكحل ومولع
قلب المحبوب
أنا لمَّا قريته
شفته مرعوش
****
نوره الساطع
مزغلل عيني
زاهي ومولعْ
وكأنه مفيش
لا انا شايف
حرفه المتلمع
ببياض ورنيش
ولا أنا قادرارسم له
صورة ف خيالي
ولا حتي شايف
مين اللي قبالي
منا شايفه مافيش
شفتوا اللي جرالي
غرقان لشوشتي
في الأوهام
و لا حد جنبي يقرالي
بختي اللي ف كفي
وأديله بقشيش