(نكتة خفيفة واقعية)
جلست اليوم مع أحد أئمة المساجد.. وبصراحة الزلمة دماته خفاف.. ومن حديث إلى آخر سأله أحد الحاضرين: احكيلنا يا شيخ شو أكثر موقف طريف مر عليك في حياتك..
تنفس نفسا عميقا وقال:
والله يا إخوان هذه حادثة واقعية وحدثت من أشهر.. مرة جابوا جنازة لامرأة للصلاة عليها.. وبعد ما خلصنا الفرض قدمناها للصلاة عليها.. الله أكبر كبرت وكبر هالحاضرين وراي لغاية ما وصلنا للتكبيرة الثالثة اللي بعدها الدعاء للميت.. ولسه ما في دقيقة إلا صوت عركة مرعبة وضرب ومقاتلة لدرجة إني قطعت صلاة الميت والتفتت وراي أشوف شو القصة..
وإذ بزوج المرحومة ماسك بخناق مصلي جنبه..
فزعنا بينهم وفكيناهم عن بعض ومسكت زوج المرحومة بحكيلوا: يا زلمة مالك؟! شو في؟! الموقف مش مستحمل.. صل على النبي!!!!!
فرد عليه زوجها: علي الطلاق سمعته بذاني..
قله الشيخ: شو سمعت يا ابن الحلال؟! احكي..
فرد زوجها: دعالها (وأبدلها زوجا خيرا من زوجها).. وأنا شو مالي؟ علي الطلاق كنت أجيبلها الحلاوة الطحينية بالتنك😡
يقسم بالله الشيخ من شدة الضحك ما قدر يصلي صلاة الجنازة.. وما هدي زوجها إلا لما وعده إذا متت وصلينا عليك ندعيلك (أن يبدلك الله زوجة خيرا من زوجتك)!!!!!!!!!