المسلسلات السورية بدا تقنعنا
انو الشب السوري الطبيعي بياخد مرت رفيقو مباوسة
والبنت السورية الطبيعية بتاخد جوز بنت عما مباوسة وبتنزل على شغلا بمحل عادي بفستان طولو شبر .. وانو عنا العلاقات طبيعية وكأنوا ال 2 متزوجين وعادي طبيعي بدون زواج .. والشيخ المتدين حقير ومابيحترم زوجتو ولا بيتقبل الآخر ومابيحترم الناس من الديانات الاخرى .. وانو البنت الطبيعية العادية بيموت ابوها بتلبس بالعزا شورت اقصر من قصير .. وانو المشروب شي طبيعي وين ماقعدوا شلة او جماعة او واحد او تنين لازم يشربوا ماعنا سوريين بيشربوا قهوة او نسكافيه كلو قالب عالمشروب !! واذا حدا بدو يعزم حدا بيقلو تعا ناخد كاس مو تعا نشرب قهوة !
مابعرف ليش عم ياخدوا 10% من المجتمع السوري ومصرين ينشروا هي الثقافة الدنيئة !! مابعرف ليش حابين يطالعوا كل المجتمع السوري عايش حياتو بهي الطريقة مع انو هدول النماذج قلة !! مابعرف ليش حتى اذا نزلوا حدا مسلم معتدل وفهمان الدين صح بيطالعوه بالاخير تاجر مخدرات او بيصاحب نسوان او او او ! مابعرف ليش اذا حبو يحطوا بنت محجبة لازم يكون حجابا بشع ومايل ومنزوع وكأنو كل المحجبات بيطلعوا بهالشكل المشوه
عنجد مسخرة وقرف .. فوق ما صار لازم يدحشوا اللبنانيين بكل المسلسلات وياخدوا الاولوية وتنزل اسمائون قبل النجوم السوريين الكبار .. حابين يتقمصوا اسلوب حياتون وتزليطون وكلشي بشع وبعيد عن المجتمع السوري !! هزلت .. الدراما السورية تحت الصفر .. ومابتليق برمضان ابدا ..


#ابوفرررررريسس