الى أمي
امي مثل كل الأمهات
طيبه وكلش حنونه
أمي مفتونه بأبويه و تعشق نظرة عيونه
أمي نجمة ليل ماغمضة جفنه
والقمر سلهم جفونه
أمي مثل أطباع الرافدين
شما قسى وياها الوكت تبقى الأم المصونه
ياما ربة
ياما لولة ياما سهرة وياما ضحة
ياما شالة ظيم لو الجبل جا هدلت متونه
واللي يحب أمه ياعالم لاتلمونه
تحت قدم الأمهات الله كال الجنه مرهونه
واذكرت أمي بغربتي
وحشة الليل بسكونه
وعاتبتني لك وين صرتوا وين رحتوا
دويرانكم ياميمه شمالكم ماتدلونه
يمه دولبنا الوكت وصرنا بين الدول حفاي نفتر
نطلب من الجان يطلب منا عونه
وعاتبتني وين صرتوا وين رحتوا شمالكم ماتدلونه
يمه رحن بابهم حفاي نفتر نطلب من الجان يطلب منا عونه العونه
يمه رحنا بابهم كلنا نتوسل والشهادات عندنا شقوقوها وما شغولنا
والشريف اللي بينا نادر شغلوه يغسل صحونه
والشريف اللي بينا نادر شغلوه يغسل صحونه
يمه دارك دار عزنه والفخركل الفخر يم دار ابونا
يمه طولتوا السفر والغيبة طالت وما تجونا
صار مده وطال الصبر مدته وماتجونه
وأنتظرناكم يايمه والصبر زاد وتبده وفاض ماعونه
يبني ردو لكًاعكم ودار أهلكم والوكت غير ضنونه
باجر نرد للوطن وما نسيناهم ياميه خاف هم اللي نسونا
وماعدنه ذنب يايمه ذنب أهلنا الضيعونا
وماعدنه ذنب يايمه ذنب أهلنا الضيعونا
وماعدنه ذنب يايمه ذنب أهلنا الضيعونا