يا طالعه عالروح
يا طالعه عَ الروح...شو جابـِك إلي؟!...
قاضي الغرام مْنـَصَّبـِهِ..وما بْتِعْدِلي !
يا مْوَلـَّفِهِ بْريمونتْ..من صنع الغزل....
يا مْحَيَّكِة بْنهداتْ..شو عم تـْغزلي؟!
شو عليه لو بالورد لـْفـْلـَفتي الزمن؟...لـَنـِّكْ على قلبي..تـِدوري وُتـْفـْتـِلي !!
وشوَي بَعد شوَي..تـْبقي مْرَصَّعَه..بالحُب والنانرج والبلـَّور
والناس يغفو ...والزَّعَل حَدُّو البـِلي
يا طالعه من الريح...شو ذ َنـْب الصُّبح؟..كل ما يشوفِكْ..ينحِني وُما بْتسألي
لو كان بيدي نـَوِّس نـْوَار الشمس...كنت التـَجأتِلـَّكْ تِقِمِّي..وُتـْهدْلي !!
وتـْرَجِّعي النهار للمرَّة الألِف..وُتـْلـَبِّسي البَسمات ...تـَوْبا المَخمَلي !!
ويْطير فيِّي الغـَيم حَدْ شطوطِكـُن...والدَّم يغلي بيـ عروق مْدَ مَّلِهِ !
ويـْقول صوتي : خـَـيْ..هَلـَّق تـَخـْلـِقـِتْ...وُتـْشـْدْ إيدي..خـَصر مْتـْصَمَّمْ إلي
وُيـْبوح فيِّي الشوق ...عن كل العمر...قدَّيش عَذ َّبني الفؤاد المبتلي ؟!
وُوَشـْوِشْ خدودِك...شي شهيق وشي زفير
وُإخجَل من لـْعابي...يِـِهـِلْ بْ بَهْدَلِهِ
وْلِك حاج أوصفلِكْ...لا تـْصغـَر هاللُّغات..كل الحروف قلال بيـ هالمَسألهِ !
عندي خـُزام وُسايح بْ هالمَعْمَعَة...وُجنـَّات تـْحملني..وُسَكـَتتْ مْخـَاجَلِهِ !
وإيدِك على صدري...تـْطـَوِّفـْلي الحياة..كل ما بْموت..تـْرْدْ هالنـَّبضة إلي !


ٍ