قرب من الصورة
_ 1_
قرب شوية من الصورة

شوف الأيد المأجورة مين يصدق
دم يسيل
قال إيه علشان مطش كورة

_ 2_
إعلام ينفخ ف النار
والله مصر شايفة مرار
مش باين ليل من نهار
دي والله أفعال تتار
_ 3_
امتى يا شعب مصر تروق
وتعرف القصة
حكايتنا
من قبل حادث المنصة
شعب بحاله بيعاني
حاكمنا كان أصله أناني
يكبش يعبي
وخير بلدنا يتجدد
من تاني
_4_
قرب م الصورة
ودقق ف حالنا اليوم !!!!!
خلاف وتناحر مش مفهوم
كل واحد منا شايل تل هموم
_5 _
اسرائيل تشهد بقوتكم
الجبارة
على تصفية أرواحكم
يا ألف خسارة