آه ياوطن
موجاذبيةالأرض..خَلـِّتني إقَـَفْ
هَي روحَك..اللـّي معَشِّشِي فيِّي!!
ولاثَور بقرونو بَرَم هالأرض
إنت اللـِّي دَوَّختا وشَكِت لَيِّي!!
ونجمهِ عتيقه مْشَقْشَقه تيابا..قالت:حْلِمْ ألله لَطَف فيِّي
لو ماهجرتو بالغصب عَنّو..كان انطفى ضَوِّي وُحَكَم فيِّي!!
شوعملت يا قادر لَكلّ الكون؟!
وليش السنابل فيكْ مكويِّي؟!
ليش الزنابق سَنْدِتْ الحيطان؟!
ومن طول عمرو الحيط بيفيِّي!!
ليش الشجر تقلِتْ على عروقا؟!
ومن أيمتي الطيور بـِتـْسُوْقا؟!
*** *** ***
(2ص)آه ياوطن
خطوة ورى ..وخطوةِ عَ طول مدَوَّرة!!
وخطوة عَم تحاور فَجر..وُتْشِدّ شعرو من الثرى!!
وُليِل بسماكة دهر كلـّو سَمسَرَة!!
آياوطن..يللـّي اعتَلَيتْ الشَّوشَرة!!
يللـّي عيونَك خَجَّلوا الطوفان..وبَعدا العصاية بتلدعَكْ
ألوان
آياوطن..يللـّي العطر مافارَقَكْ..صَوَّب ع ربعي
وُزَكـََّمُوا الخلان!!
جايي يا وادي الروح ..رح زورَكْ
جايي أنا ورح عَمِّر قصورَك!!
وُإبعَتْ لتاريخك ألف مرسال..دِلـُّوْعلى نـْسورََكْ!!
هيهات من رجع الصدى لو كان..قلت الحقيقة
وُبيَّنِتْ نورَك!!
هيهات يا قلبي ألف مَرّة..لوطال عشقي وُتـْلفِتْ
خْمورك!!
ولَو زاد تلجَكْ..عاصدر تمَُّوز
وُلو جَنِّتَكْ ضاقت على حُورَك!!
بعدي قويّي ياوطن بَيّي..ما يغِرَّكْ المنظر
أنا حَيِّه!!
بتسَرْسَبْ بقلب الوجَع مَرَّات..وُمَرّاتْ بْعلا
وُصير ناريّهِ
وُدِلّ النيازك ع التَّمروُالتـّين..وُتتحيَّر قمار
الصناعيِّهِ
وُضَمِّد جروحَكْ..شيلَكْ من الآه
وُترجع وطن إبني بِحُرِّيِّهِ
وُشيلَك بِقلبي..وُفوق عينَيّي
*** *** ***