[COLOR="rgb(47, 79, 79)"]نفسي أعيش
في مركب من غير شراع
أو حتي أروح ولا أجيش
نفسي أكون انسان
له عزة وكرامة
وكلمة من ظالم
ما تننهنيش
نفسي أكسر
جدار الخوف
ومجريش علي رزقي
وأنا ملهوف
وما لاقيش

نفسي ألاقي
شغلانة بشهادتي
مش أشقي
وأتعلم
وأتساوي مع مبلم
أقصد معلم
تعرفوا الاسطي
حسين النقاش
جاب لميراته خاتم
ماس
وقاللي
ماتيجي معاي
ايدك وياي
الشغلانة دي كنز كبير
أنا واخد شغل الكبرات
والعد منهم ميات
ومابيقولوش لأ
مهما أنا أقول هات
ايه هتفيده شهادات ومحاضرات
وانت قربت علي الممات
شايف
حالك
يابني العلم والكراس
ده كان زمان له ناس
دلوقتي القرش
هو السيد
وبفلوسك تشتري حراس
وتدوس علي كل الناس
اعقل وتعالي وياي
وانسي انك ف يوم
كنت استاذ
ومليت بالعلم الراس
فتح عقلك شوية
شوف الدنيا
ماشية ازاي
مش بالكلمة تبني بلاد
ولا تهد
يابني اللي زيك بيمشي
ف الدنيا
مد
ومهما نده ولا قال
صوته ينكتم ف الحال
أنت واللي زيك مساكين
بالحيا والله مدفنونين
فوءوتعالي معاي
املي لك جيوبك الاتنين
رديت وقلت
يامال يازوال
مهما طال عليك الزمن فاني
لكن انا مش هبيع
غيري باعوا
وراحوا وضاعوا
ماطالوا مال
لاحتي احترام العيال
يابن آدم اجري زي الوحوش
ف الدنيا ديّ
رزقك فيه لم تحوش
وإن كنت فاكر انك شاطر
كان غيرك أشطر
دا ياما وحوش
اتجبرت وساعة
الموت ملقتش
حد مالحاشية
يحوش
وياما قالوا وياما عادوا
وقالوا بيعوا
واشتروا السكوت
لكن أنا لوبعت
اهون علي أموت[/COLOR]